Што ќе се случи со светилиштата на христијанството?
ИЗДАВАЧИТЕ на книгата Holy Places of Christendom (Светилишта на христијанството), од археологот Стјуарт Перон, прашале: „Кој може, без разлика од каква христијанска традиција потекнува, да застане на Калварија во Црквата на Воскресението [или Црквата на Светиот гроб] во Ерусалим без да покаже чувство на стравопочит: зашто на ова длабокопочитувано место за кое дури се бореле со векови, е самиот центар на христијанството“.
Никој не е во состојба да докаже дека оваа црква била изградена на Калварија, кадешто умрел Исус Христос. Всушност, пред римскиот император Константин да одлучи таму да изгради црква, тоа место го заземал пагански храм. Освен тоа, Исус рекол: „Бог е Дух, и оние кои го обожаваат мораат да го обожаваат со дух и вистина“ (Јован 4:24, NW). Таквите обожаватели не почитуваат материјални „свети“ места.
Едно време, Ерусалим бил местото кадешто се наоѓал Божјиот храм и според тоа центар на чистото обожавање. Меѓутоа, поради неверноста на жителите на градот, Јехова Бог го напуштил, како што и Исус рекол дека ќе се случи (Матеј 23:37, 38, Дуда–Фуќак). Исус исто така го прорекол опустошувањето на тој религиозен центар, кој многумина и понатаму го сметаат за свето место. Неговите зборови биле исполнети кога Римјаните го уништиле Ерусалим и неговиот храм во 70 н.е. (Матеј 24:15, 21).
Исусовото пророштво наскоро ќе има поголемо исполнување над целокупното религиозно подрачје на т.н. христијанство, кое самото тврди дека е свето место. Христијанството и неговите свети места сега се соочуваат со уништувањето од страна на антирелигиозни сили наречени „гнасна работа која предизвикува опустошување“ (Даниел 11:31, NW). Јеховините сведоци со задоволство би ви кажале повеќе за овие шокантни настани.
[Слика на страница 32]
Капела во внатрешноста на Црквата на Светиот гроб
[Извор на слика]
Pictoral Archive (Near Eastern History) Est.