Мали, но моќни

РОБЕРТ, еден млад човек од Канада, патувал низ Европа во потрага по смислата на животот. Видел многу работи кои предизвикале да се чувствува очајно во поглед на иднината.

Додека седел во една кафеана во Севилја (Шпанија), Роберт добил еден трактат издаден од Јеховините сведоци. Отпрвин бил скептичен. „Сепак го прочитав“, рече тој. „Не можам да го објаснам тоа, но одеднаш почувствував дека има нешто. За време на моето патување видов многу облици на човечка депресија и слом, и бев фрустриран поради мојата немоќ да ги променам работите. По читањето на трактатот се прашував: ‚Дали овој „нов свет“ има шанса да постои?‘ Тогаш си помислив, ‚Да, можеби има.‘“

Со обновена надеж, Роберт пишал до канцеларијата на Јеховините сведоци во Канада, барајќи некој да го посети по неговото враќање дома, и да му помогне да ја разбере Библијата.

Без сомнение, изречените зборови се моќни. Но, никогаш не потценувај ја моќта на печатената порака. Без разлика колку и да се мали, публикациите темелени на Библијата имаат моќна привлечност. Тие ги достигнуваат умот и срцето, давајќи една сигурна надеж за иднината (Евреите 4:12).