Тие немо го фалат својот Создател

ЗАЛЕЗИТЕ се спектакуларни по природа. Но, глетката на Сонцето како се спушта зад оваа особена планина во Апуанските Алпи на Тоскана (Италија), навистина не е како ниедна друга.

Гледано од далечина, Сонцето изгледа како да капе во планината, а не како да се спушта зад неа. Зошто? Затоа што врвот на планината има еден природен лак кој изгледа како да е издлабен во планината. Навистина, овој ’рт го заслужил своето име Монте Форато — Продупчена Планина. Поради ротирањето на Земјата околу Сонцето, оние кои гледаат низ лакот, можат само во две прилики годишно да видат како Сонцето капе во Монте Форато.

Како и другите одлики на создавањето, неживите небеса го фалат својот Создател. Како? На истиот начин како што една прекрасна слика може да му донесе фалба на уметникот кој ја создал. Всушност, небесните тела зборуваат за Јеховината моќ, мудрост и величественост. Како што се изразил псалмистот, „небесата ја објавуваат славата на Бога, а за делата на рацете Негови известува сводот небески“ (Псалм 18:1; 68:34). Поради тоа што Сонцето и другите неживи тела го фалат својот Создател, колку само повеќе треба ние да го правиме тоа! (Псалм 148:1, 3, 12, 13).