„Тоа е најдобриот интерлинеарен Нов завет што е на располагање“

ТАКА д-р Џејсон Бедун го опишува The Kingdom Interlinear Translation of the Greek Scriptures. Тој објаснува:

„Штотуку го завршив водењето на еден курс на Одделението за религиозни студии при универзитетот Индијана, Блумингтон [САД] . . . Првенствено, тоа е курс за Евангелијата. Вашата помош дојде во вид на примероци на The Kingdom Interlinear Translation of the Greek Scriptures, коишто моите студенти ги користеа како еден од учебниците за класот. Овие мали томови беа непроценливи за курсот и беа многу популарни кај моите студенти“.

Зошто д-р Бедун го користи преводот Kingdom Interlinear на своите курсеви на колеџот? Тој одговара: „Едноставно кажано, тоа е најдобриот интерлинеарен Нов завет што е на располагање. Јас сум школуван изучувач на Библијата, запознаен со текстовите и орудијата што се во употреба во современите библиски студии, патем речено, не сум член на Јеховините сведоци. Но, знам што е квалитетна публикација уште кога ќе ја видам, а вашиот ‚Одбор за преведување на Библијата New World‘ добро ја завршил својата работа. Вашиот интерлинеарен англиски превод е точен и доследен до крајна мера, која го тера читателот да се помири со лингвистичките, културните и концепциските јазови помеѓу светот што зборува грчки и нашиот. Вашиот ‚Превод New World‘ е висококвалитетен, дословен превод, кој во својата верност кон грчкиот ги избегнува традиционалните заведувачки глоси. На многу начини, тој е понадмоќен од повеќето успешни преводи што се во употреба денес“.

The Kingdom Interlinear Translation of the Greek Scriptures е издаден од Јеховините сведоци за да им помогне на љубителите на Божјата Реч да се запознаат со оригиналниот грчки текст на Библијата. Тој го содржи The New Testament in the Original Greek (Новиот завет на оригинален грчки) на лево на страницата (составен од Б. Ф. Весткот и Ф. Ј. А. Хорт). Под линиите на грчкиот текст се наоѓа еден дословен збор по збор англиски превод. Во тесниот десен столб на десната страна се наоѓа New World Translation of the Holy Scriptures (Нов свет преводот на Светото писмо), кој ти овозможува да го споредиш интерлинеарниот превод со еден современ англиски превод на Библијата.