Војната која го уништи 19 век

1914

РАЗМИСЛУВАЈЌИ за новиот милениум, Чарли Рес, колумнист на The Orlando Sentinel, напишал: „Војната од 1914—1918 која го уништи 19 век не е завршена“. Што мислел со тоа? Тој објаснил: „Историјата не обрнува никакво внимание на календарите. Деветнаесеттиот век — дефиниран како збирка верувања, претпоставки, ставови и морал — не заврши на 1 јануари 1901. Заврши во 1914. Тоа е и времето кога започна 20 век, дефинирано на истиот начин . . .

Скоро сите конфликти за кои бевме загрижени сиот свој живот, потекнаа од таа војна. Речиси сите интелектуални и културни струи со кои живеевме, беа родени со таа војна . . .

Мислам дека таа направи таква штета бидејќи го разби човечкото верување дека луѓето можат да ја контролираат својата судбина . . . Војната ги ослободи луѓето од тоа верување. Никој, на ниту една страна, не помисли дека таа ќе доведе до тоа. Таа ја уништи Британската и Француската Империја. Ги уби најдобрите мажи од една цела генерација Британци, Французи и Германци . . . За краток временски период уби 11 милиони луѓе“.

Повеќе од 120 години Јеховините сведоци укажувале на 1914 како на крајот на она што Исус го нарекол „одредените времиња на народите“ (Лука 21:24, NW). Таа година воскреснатиот и прославениот Исус Христос бил востоличен како Цар на небесното Царство. Преку тоа Царство Јехова Бог перманентно ќе ги отстрани сите страдања кои го карактеризираа овој век (Псалм 36:10, 11; Проповедник 8:9; Откровение 21:3, 4).

[Извор на слика на страница 32]

U.S. National Archives фото