„Среќен сопруг на една шармантна сопруга“

ПОВРЕМЕНО некои луѓе остро ги обвинуваат Јеховините сведоци дека ги растураат браковите. Меѓутоа, бројните успешни бракови во кои само едниот сопружник е Јеховин сведок покажуваат дека тоа е далеку од вистината. Внимавањето на библискиот совет во семејниот живот придонесува за среќни бракови, како што покажува и следново писмо објавено во еден француски весник.

„Речиси 28 години сум среќен сопруг на една шармантна сопруга која е Јеховин сведок. Таа ги одгледа моите пет деца, од кои две не се нејзини, со еднаква грижа и со голема љубов. Моментално како директор на фирма со 45 вработени, можам да ве уверам дека таа многу придонесе за мојот професионален успех. Од таа причина, кога прочитав како една статија во мојот редовен весник ги претставува Јеховините сведоци како закана за регионот Лотагарон, решив да ви дадам меродавно сведоштво.“

Во писмото го пишува и следново: „Тие не пушат ниту, пак, се опиваат. Дали тоа е закана? Тие се толерантни христијани кои никому не му ги наметнуваат правилата што ги следат. Напротив, пример се на многу полиња . . . Тие не се вклучени во финансиски скандали ниту во препродавање дрога. Не се заветуваат на целибат, и ве уверувам, тие живеат нормален живот. . .

Можеби со право ќе ме прашате: ‚Зошто тогаш и самиот не си Јеховин сведок?‘ Затоа што е потребна христијанска вера и строг морал, а тоа не се наоѓа баш лесно меѓу обичните смртници“.