Како одолеваат на притисокот од врсниците

ЖЕЛБАТА да се биде прифатен влијае на многумина да се повинат на размислувањето и постапките на врсниците. Особено на младите луѓе им е потребна сила да кажат ‚не‘ на штетните практики, како што се злоупотребата на дрога и сексуалниот неморал. Како можат да одолеат на притисокот од врсниците?

Две тинејџерки од Полска неодамна напишале: „Духот на светот јасно се гледа меѓу многу наши врсници. Тие препишуваат на испитите, користат гнасен јазик и сакаат помодно облекување и дива, неморална музика. Колку само сме среќни што имаме статии кои ни се обраќаат нам младите и нѐ штитат од влијанието на незадоволните и бунтовни тинејџери!

Не постојат зборови што можат да ја изразат нашата благодарност за статиите во Стражарска кула кои ни го врежаа фактот дека ние како млади луѓе сме потребни и ценети. Библиските совети што ги добиваме ни помагаат исправно да ги насочуваме нашите чекори за и понатаму да му угодуваме на Јехова Бог. Уверени сме дека верната служба на Јехова е најдобриот начин на живот“.

Да, младите луѓе можат смело да се соочат со притисокот од врсниците. Вежбајќи ја својата „моќ за согледување“ христијанските младинци учат да донесуваат мудри одлуки кои не го одразуваат „духот на светот“ туку напротив, „духот кој е од Бог“ (Евреите 5:14; 1. Коринќаните 2:12).