Важни поуки за младите

ГЛЕДИС работи во едно училиште во Мендоза (Аргентина). Еден ден поминувала покрај една училница и забележала дека учителката им читала на своите ученици од четврто одделение од книгата Моја книга со библиски приказни.a Гледис ѝ се претставила на учителката како Јеховин сведок и ѝ предложила да ѝ покаже како најдобро може да ја користи книгата. Воодушевена од она што ѝ го објаснила Гледис, учителката сакала книгата да биде редовен дел од наставниот план. Но, за тоа требало да добие дозвола од управата на училиштето. На нејзино задоволство, добила дозвола.

Подоцна, во текот на една еднодневна програма во училиштето наменета да ги поттикне учениците да читаат книги, учителката им дала задача на учениците на глас да прочитаат по едно поглавје од книгата пред другите ученици. Поради тоа што оваа програма наишла на добар одѕив, учителката била поканета како гостин на една емисија на локалната телевизија. Кога станало збор за однесувањето на децата во училиште, водителот на емисијата ја прашал: „Како ви успева децата во вашето одделение да бидат мирни на час?“ Учителката кажала дека користи една публикација со наслов Моја книга со библиски приказни. Потоа објаснила дека иако не предава веронаука во одделението, таа книга ѝ помага да всадува во децата морални вредности како што се почитта, толеранцијата, единството, соработката, послушноста и љубовта. Сите се согласиле дека е важно младите да бидат поучени за овие работи.

Дали и ти би сакал да ги всадиш овие вредности во своите деца? Можеш да замолиш некој Јеховин сведок да ти даде примерок од оваа привлечна публикација со наслов Моја книга со библиски приказни.

[Фуснота]