Рубрика прашања

◼ Дали е соодветно да се аплаудира кога ќе се објави дека некој е повторно примен?

Во својата срдечна љубезност, Јехова Бог обезбедил библиски пат за покајничките престапници повторно да ја добијат неговата милост и да бидат повторно примени во христијанското собрание (Псал. 50:12, 17). Кога ќе се случи тоа, охрабрени сме да ја потврдиме нашата љубов кон оние кои искрено се покајале (2. Кор. 2:6—8).

Сепак, колку и да сме радосни кога некој роднина или познаник ќе биде повторно примен, кога во собранието ќе се објави повторното враќање на тоа лице, треба да владее тивко достоинство. Стражарска кула од 1 октомври 1998, на страница 17, вака се изрази за таа работа: „Меѓутоа, мораме да запомниме дека повеќето од собранието не се свесни за посебните околности кои воделе до отстранување на лицето или, пак, до негово повторно примање. Освен тоа, можеби има некои кои биле лично погодени или повредени — можеби дури и долгорочно гледано — од погрешното постапување на покајникот. Затоа, кога ќе се даде соопштение за повторно примање, ако сме осетливи за тие работи, разбирливо е дека изразите на добредојде би ги одложиле додека да можеме тоа да го сториме лично“.

Иако сме радосни кога ќе видиме дека некој се враќа во вистината, не би било соодветно да се аплаудира при неговото повторно примање.