Рубрика прашања

◼ Кој треба да добие примерок од Наша служба за Царството?

Наша служба за Царството е наменета да им помогне и да ги охрабри оние што учествуваат во службата на теренот. Според тоа, не е за општа дистрибуција. Треба да добијат примерок сите крстени и некрстени објавители. И на оние што редовно присуствуваат на Состанокот за служба и напредуваат кон учество во службата на теренот треба да им се даде примерок. Не заборавајте да зачувате еден примерок за библиотеката во Салата на Царството. На исклучените не треба да им се даде Наша служба за Царството.

Некои собранија увиделе дека е корисно да направат список на сите што се квалификуваат и потоа да го поделат списокот според групите за Собраниска студија на книга. Овој список може да го користат водителите на студијата за да биде полесна дистрибуцијата, можеби дури и да го отчукаат на машина или читко да го испишат името на секого на неговиот личен примерок. Секој што добива примерок од Наша служба за Царството треба да се грижи за него и да го користи во подготовката за Состанокот за служба и за службата на теренот. На мнозина им користи да си имаат архива од Наша служба за Царството во својата лична теократска библиотека за да ја користат во иднина.