ОДГОВОР НА БИБЛИСКИ ПРАШАЊА

Дали мртвите повторно ќе живеат?

Луѓе во рајот ги пречекуваат оние што воскреснале — Творецот може да ги врати во живот оние што умреле

Јехова Бог е изворот на животот (Псалм 36:9). Тогаш, зар не е разумно да заклучиме дека тој може да ги врати во живот оние што умреле? Библијата нѐ уверува дека Бог во иднина ќе го стори токму тоа. (Прочитај Дела 24:15.) Но, зошто ќе ги воскресне мртвите?

Кога ги создал луѓето, Бог имал намера тие да живеат вечно на Земјата (1. Мојсеева 1:31; 2:15-17). Тоа сѐ уште е негова намера. Тој чувствува голема болка кога гледа дека нашиот краток живот е исполнет со многу неволји и страдања. (Прочитај Јов 14:1, 14, 15.)

Каде ќе живеат воскреснатите?

Дали Бог ги создал луѓето за да живеат на небото? Не. Тој ги создал ангелите да живеат на небото, а луѓето ги создал да живеат на Земјата (1. Мојсеева 1:28; Јов 38:4, 7). Што мислиш, каде Исус ги извршил своите воскресенија? Токму овде, на Земјата. Слично на тоа, повеќето од оние што ќе бидат воскреснати во иднина ќе живеат на Земјата. (Прочитај Јован 5:28, 29; 11:44.)

Сепак, Бог избрал еден мал број луѓе да воскреснат на небото со духовно тело (Лука 12:32; 1. Коринќаните 15:49, 50). Тие ќе владеат од небото заедно со Исус како цареви над Земјата. (Прочитај Откровение 5:9, 10.)

Нешто повеќе можеш да прочиташ во поглавје 7 од книгата Што навистина учи Библијата?, која е издадена од Јеховините сведоци

Достапна е и на www.jw.org/mk