Да водиме напредни домашни библиски студии
1 Што имаат заедничко една медицинска сестра од Танзанија, една младинка од Аргентина и една мајка од Летонија? Во Годишникот за 1997 (стр. 8, 46 и 56) се известува дека сите три брзо напредувале во нивните домашни библиски студии, благодарение на нивната спремност да проучуваат повеќе од еднаш седмично со книгата Спознание. Беше препорачано дека секогаш кога е можно, објавителите треба да настојуваат во текот на секој период за проучување да дискутираат за едно поглавје од книгата. Меѓутоа, некои увидуваат дека е предизвик да се прави тоа. Иако многу ќе зависи од околностите и од способноста на секој проучувач, искусните учители постигнале успех применувајќи ги следниве предлози.
2 Како што беше дискутирано во додатокот на Наша служба за Царството од јуни 1996, неопходно е да ги обучиш твоите проучувачи да се подготвуваат за студијата. Уште на самиот почеток би било добро да им објасниш и да им покажеш како се прави тоа. Покажи им го својот личен примерок за проучување од книгата Спознание. Подгответе се заедно за првата лекција. Помогни им на проучувачите да ги најдат клучните зборови или фрази кои директно одговараат на печатеното прашање, а потоа потцртај ги или одбележи ги. Некои објавители дури им дале на своите проучувачи и фломастер. Охрабри ги да ги побараат сите стихови додека се подготвуваат за студијата. Правејќи го тоа, ќе ги обучиш да се подготвуваат и за присуствување на Собраниската студија на книга и на Студија на Стражарска кула (Лука 6:40).
3 Еден добар учител ќе го наведе проучувачот слободно да се изразува и нема самиот да зборува премногу. Тој избегнува да се оддалечи на безначајни точки. Тој ретко ќе внесува дополнителен материјал. Наместо тоа, ги истакнува главните точки од лекцијата. Некои ги снабдувале проучувачите со додатна литература за да им помогнат да најдат одговори на прашањата. Освен тоа, заинтересираните лица ќе добијат додатни детални информации преку присуствувањето на собраниските состаноци.
4 Можеби нема да биде неопходно да се побараат сите наведени стихови во лекцијата. Некои главни точки би можеле да се објаснат од цитираните стихови во пасусот. Во текот на повторувањето, истакни ги клучните стихови за кои сте дискутирале и охрабри го проучувачот да ги запомни.
5 Колку долго треба да трае секој период за проучување? Студијата не треба да биде ограничена на еден час. Некои станари имаат време на располагање и можеби ќе сакаат да проучуваат подолго. Или, пак, проучувачот можеби ќе сака да проучува повеќе од еднаш седмично. Ова би било корисно за оние кои можат да го сторат тоа.
6 Како што Исаија 60:8 сликовито го претставува тоа денес, стотици илјади нови фалители на Јехова „летаат како облаци, и како гулаби — кон гулабарниците свои“ во собранијата на неговиот народ. Нека сите ние го направиме својот дел со тоа што тесно ќе соработуваме со Јехова додека тој го забрзува собирањето на лицата слични на овци (Иса. 60:22).