Комеморација на Христовата смрт ширум светот
1 Јехова излеал врз нас многу дарови. Целокупната негова добрина и срдечна љубезност е живо опишана како ‚Негов неискажан дар‘. Да, „преизобилната благодат Божја“ е толку чудесна што ја надминува нашата способност да ја искажеме со зборови (2. Кор. 9:14, 15).
2 Неговиот најголем дар: Исус Христос, како Откупител на човештвото, е најголемиот од сите дарови. Во изразувањето на својата голема љубов кон светот на човештвото, Јехова го дал својот љубен и единороден Син (Јован 3:16). Таквиот незаслужен благослов од Бог заслужува комеморација ширум светот. Кога и како? Во четврток навечер на 1 април 1999, христијаните ширум светот ќе ја комеморираат Господовата вечера, одбележувајќи го Меморијалот на најголемата од сите жртви (1. Кор. 11:20, 23—26).
3 Христос умрел за нас „уште додека бевме грешни“ и можеме да ја покажеме нашата лична благодарност одбележувајќи го Меморијалот на неговата смрт и поканувајќи ги другите да бидат присутни со нас во оваа толку важна прилика (Рим. 5:8).
4 Најважниот настан: Одбележувањето на Христовата смрт првенствено нагласува дека тој беспрекорно ја поддржувал Божјата сувереност. Тоа исто така нѐ потсетува дека можеме да имаме чиста положба пред Јехова практикувајќи вера во Исусовата жртва, со што ќе бидеме уверени во спасение (Дела 4:12). Навистина, ова е најважниот настан на годината!
5 Љубовта кон нашите ближни ќе ја изразиме со тоа што ќе ги поканиме да ја одбележат Господовата вечера со нас. Користите од откупнината им стојат на располагање на милиони кои дознаваат за нејзината ненадминлива вредност (Фил. 3:8). Оние кои искажуваат вера во Христовата жртва можат да добијат цврста надеж во вечен живот (Јован 17:3).
6 Времето на Меморијалот ни дава посебна прилика да покажеме ценење за ненадминливата незаслужена доброта од Бог. Тоа е одлична прилика ревносно да учествуваме во проповедањето на добрата вест за Божјето Царство. Големи благослови ги очекуваат сите оние кои молитвено размислуваат за Јеховиниот неопислив бесплатен дар и прават подготовки да бидат присутни на овогодишната прослава на Господовата вечера!