Чудата на создавањето ја објавуваат Божјата слава

Мнозина сакаат да ги набљудуваат созданијата. Но, малкумина сфаќаат дека во тие прилики за момент успеваат да ѕирнат во умот и срцето на нашиот Величествен Творец (Рим. 1:20). Многу одамна, Давид учел за Јехова преку неговата вдахновена Реч. Но, „го видел“ Бог и станал поблизок со него и преку Неговите творби (Пс. 8:3, 4). Нашето DVD Чудата на создавањето го прославуваат Бог (на српски јазик) ни помага нам, на нашите деца и на оние со кои ја проучуваме Библијата подобро да се запознаеме со некои од Јеховините творби, да видиме каков Бог е нашиот Величествен Творец, а со тоа да станеме и поблиски со него. Откако ќе го гледаш, обиди се да одговориш на следниве прашања.

1) Како големината и редот во вселената нѐ исполнуваат со уште поголемо ценење за Јехова? (Иса. 40:26). 2) Што можеме да дознаеме за Бог ако научиме нешто повеќе за водата? (Отк. 14:7). 3) Како големината на Земјата и нејзината оддалеченост од Сонцето ни покажуваат колку мудар е Јехова? 4) Која е улогата на Месечината? (Пс. 89:37). 5) Како од начинот на кој Јехова ги создал луѓето се гледа дека тој сакал да му се радуваме на животот? 6) Што е ДНК? (Пс. 139:16). 7) По што се разликуваат луѓето од сѐ друго што создал Јехова на Земјата? (1. Мој. 1:26). 8) На што најмногу се радуваш кога размислуваш за новиот свет?

Додатоци: 9) Како настануваат боите? 10) Како водата ја совладува гравитацијата за да стигне до врвот на дрвото? 11) Каква улога има водата во нашето тело? 12) Наведи примери за складот што постои меѓу живите творби. 13) Како живите суштества знаат со кои други суштества да се здружат и да соработуваат? 14) Што е „златниот агол“ и како се гледа во творбите?

„Погледнете ги“ Јеховините творби: Исус нѐ поттикнал ‚да ги погледнеме птиците небесни и полските кринови‘ (Мат. 6:26, 28). Тоа ќе ја зајакне нашата вера, ќе ни влее доверба во Творецот и ќе го зголеми нашето ценење за Јеховината мудрост, за неговата заштитничка моќ и за неговата љубов. Наместо вниманието непотребно да ни го одвлекуваат делата на овој свет, да одвоиме време и да вложиме напор за да ги набљудуваме чудесните творби на Јехова и да размислуваме за она што тие ни го кажуваат за нашиот Бог (Пс. 19:1).