Млади — ревносно правете добри дела

Во своето писмо до Тит, апостол Павле ги поттикнал помладите мажи, вклучувајќи го и Тит, да се трудат во секој поглед да бидат „пример во вршењето на добри дела“ (Тит 2:6, 7). Во истото поглавје, тој напишал дека Јеховиниот народ е исчистен за да може ревносно да прави добри дела (Тит 2:14). Во таквите дела спаѓа и проповедањето и поучувањето за Божјето Царство. Ако си млада личност, можеш ли да ја користиш својата сила за да служиш како помошен или општ пионер? (Из 20:29).

Ако имаш цел да станеш пионер, направи си добар план кој ќе ти помогне да успееш во тоа (Лк 14:28-30). На пример, размисли за следниве прашања: „Како ќе се издржувам додека служам полновремено? Како ќе ја исполнувам предвидената квота часови?“ Освен тоа, моли го Јехова за помош (Пс 37:5). Разговарај за твоите планови со твоите родители и со некои поискусни пионери. Потоа преземи практични чекори за да ја постигнеш својата цел. Јехова сигурно ќе го благослови трудот што ревносно го вложуваш во службата за него!

ГЛЕДАЈ ГО ВИДЕОКЛИПОТ МЛАДИ КОИ ГО СЛАВАТ ЈЕХОВА, А ПОТОА ОДГОВОРИ ГИ СЛЕДНИВЕ ПРАШАЊА:

• Какви предизвици имале некои млади што сакале да бидат пионери, и како ги надминале?

• Како можат родителите да им помогнат на децата да станат општи пионери?

• Зошто е важно да си направиш распоред за служба?

• Како можат објавителите во собранието да ги охрабруваат и да им помагаат на пионерите?

• Какви благослови имаат пионерите?