„За тоа размислувајте“

Зборовите од Филипјаните 4:8 нѐ поттикнуваат да размислуваме за сѐ што е вистинито, благородно, праведно, чисто, допадливо, пофално, доблесно и достојно за фалба. Се разбира, ова не значи дека како христијани треба цело време да размислуваме само за Библијата. Сепак, мора да се трудиме нашите мисли да бидат во склад со она што е прифатливо за Јехова. Не треба да мислиме на работи кои ќе ја ослабат нашата решеност да му бидеме верни на Бог (Пс 19:14).

Не е лесно да ги избегнеме нечистите мисли. Освен што мора да се бориме со нашето несовршено тело мора да се чуваме и од влијанието на Сатана, „богот на овој свет“ (2Ко 4:4). Бидејќи тој има влијание врз средствата за јавно информирање низ целиот свет, голем дел од содржините на телевизија, на радио, на интернет, како и во весниците, книгите и списанијата се расипани и непристојни. Ако не внимаваме со што си го полниме умот, нашите мисли ќе се расипат, а тоа со текот на времето ќе влијае и врз нашите постапки (Јк 1:14, 15).

ГЛЕДАЈ ГО ВИДЕОКЛИПОТ ЧУВАЈ СЕ ОД ОНА ШТО МОЖЕ ДА ТЕ СПРЕЧИ ДА ОСТАНЕШ ВЕРЕН — ШТЕТНА ЗАБАВА, А ПОТОА ОДГОВОРИ ГИ СЛЕДНИВЕ ПРАШАЊА:

• 

  Што гледаше братот на својот мобилен, и како тоа влијаеше врз него?

• 

  Како му помогнаа зборовите од Галатите 6:7, 8 и од Псалм 119:37?