Предлог за овој месец

Научи ги напамет нашите песни

„Кога ме измачуваат чувства на безвредност, Јехова ми го дава потребното охрабрување преку песните на JW Broadcasting^®“ (Лорејн, САД).

Христијаните отсекогаш пееле „духовни песни“ за да го слават Бог (Кол. 3:16). Ако ги научиш овие песни напамет, тие ќе можат да ти помогнат дури и кога ќе немаш песнарка или електронски уред. За да ги научиш песните напамет, примени ги следниве предлози:

Внимателно прочитај го текстот за да го разбереш значењето. Ако нешто добро разбереш, полесно ќе се сетиш на тоа. Текстовите на сите наши песни, вклучувајќи ги и песните за деца, можеш да ги најдеш на jw.org. Оди во делот Библиотека, а потоа во делот Музика.
Препиши го текстот на хартија. Ова може да ти помогне уште подобро да го запомниш текстот (5. Мој. 17:18).
Вежбај на глас. Читај ја или пеј ја песната одново и одново.
Провери колку си запомнил. Пробај да се сетиш на зборовите од песната без да гледаш во текстот, а потоа провери колку си запомнил.