2023: Година на загриженост — што вели Библијата?

Во текот на 2023 година, настаните во светот беа непобитен доказ дека живееме во периодот што Библијата го нарекува „последните денови“ (2. Тимотеј 3:1). Да видиме како сето ова што се случува околу нас одговара на она што Библијата го прорекува за нашево време.

Библијата и светските настани

„Ќе чуете за војни на разни места“ (Матеј 24:6).

• „Во сѐ повеќе делови од светот се разгоруваат насилни конфликти.“a

„Ќе има земјотреси на разни места“ (Марко 13:8).

• „Од почетокот на 2023, во светот имаше 13 земјотреси со јачина над седум степени, најголем број откако се води евиденција.“b

„Ќе има стравотии“ (Лука 21:11).

• „Заврши ерата на глобално затоплување; сега влеговме во ерата на глобално вриење“ (Антонио Гутереш, генерален секретар на ОН).c

„Ќе има глад“ (Матеј 24:7).

• „2023: Уште една година на неизвесност за оние што се борат да си го прехранат семејството.“d

„Ќе настанат особено тешки времиња“ (2. Тимотеј 3:1).

• „Секој осми човек во светот има проблеми со менталното здравје.“e

Што може да очекуваме во 2024?

Никој не може со сигурност да каже што ќе ни донесе 2024 година. Но, настаните во светот укажуваат на тоа дека наскоро Божјето Царство, односно една небесна влада, ќе ги замени сите човечки влади и ќе им стави крај на сите страдања и грижи (Даниел 2:44; Откровение 21:4).

А дотогаш, кога ќе нѐ обземат грижи, може да бараме помош од Бог. Во Библијата пишува:

„Во денот кога ќе се исплашам, во тебе ќе имам доверба“ (Псалм 56:3).

Како ќе покажеме дека имаме доверба во Бог? Те поттикнуваме да дознаеш нешто повеќе во врска со ветувањата на Бог за една подобра иднина без страдања. Пробај го нашиот бесплатен интерактивен библиски курс за да видиш како библиските ветувања може да ти користат тебе и на твоето семејство.