• „Расправаше со нив на темел на Писмата“
    ,Сведочи темелно за Божјето Царство‘
    • Павле и Сила се засолнуваат во еден ограден двор за да се спасат од една насилна толпа. Еден човек зборува со толпата преку портата.

      „Се нафрлија... барајќи да ги изведат Павле и Сила пред толпата“ (Дела 17:5)

      10 Лука ни кажува што се случило потоа: „Евреите станаа љубоморни, па поведоа со себе некои опаки безделници и собраа толпа, па го подбуцнаа градот. И се нафрлија на Јасоновата куќа, барајќи да ги изведат Павле и Сила пред толпата. А кога не ги најдоа, ги одвлечкаа Јасон и некои браќа пред градските поглавари, викајќи: ’Овие луѓе, кои го побунија целиот свет, дојдоа и овде, а Јасон ги нагости. Сите тие постапуваат спротивно на цезаровите одредби, велејќи дека имало друг цар — Исус‘“ (Дела 17:5-7). Како овој напад од насилната толпа влијаел врз Павле и неговите соработници?

      11. Какви обвиненија биле изнесени против Павле и неговите соработници, и на која одредба можеби мислеле обвинителите? (Види ја фуснотата.)

      11 Страшно е да си имаш работа со толпа. Ваквите толпи се најчесто насилни и неконтролирани — наликуваат на разбеснета надојдена река. Ова било оружјето што го употребиле Евреите за да се ослободат од Павле и Сила. Потоа, откако го подбуцнале градот, тие се обиделе да ги убедат управителите дека овие луѓе се виновни за тешки престапи. Првото обвинение било дека го побуниле целиот свет, иако Павле и неговите соработници воопшто не биле тие што предизвикале немири во Солун! Второто обвинение било многу потешко. Евреите тврделе дека мисионерите објавувале друг цар, Исус, и со тоа ги прекршиле цезаровите одредби.a

      12. Од каде знаеме дека обвиненијата против христијаните во Солун можеле да имаат тешки последици?

      12 Сети се дека верските водачи изнеле слично обвинение против Исус. Тие му рекле на Пилат: „Го најдовме овој како го заведува нашиот народ... и вели за себе дека е Христос, цар“ (Лука 23:2). Веројатно плашејќи се императорот да не заклучи дека толерирал велепредавство, Пилат наредил Исус да биде погубен. И обвиненијата против христијаните во Солун можеле да имаат такви тешки последици. Една книга вели: „Воопшто не е претерано да се каже дека тие биле изложени на огромна опасност, бидејќи ’самото спомнување на предавство на императорот честопати му носело смртна казна на обвинетиот‘“. Дали овој злобен напад им успеал?