Песна 35

Извонредниот пат на љубовта

(1. Коринќаните 13)

1. Бог е љубов, тој нѐ моли

в љубовта да одиме.

Таа мотив наш е вреден

во сѐ што работиме.

Ако вера имаме и

разни други дарови,

сепак љубов ако фали,

ние ќе сме безвредни.

2. Може да сме ревносни и

прогонство да трпиме;

сепак колку тоа вреди

ако љубов немаме?

Љубовта е нежна, добра,

стрплива и пристојна,

не се фали, завист нема,

секогаш е тактична.

3. Груба не е, не се лути,

лошо не поднесува;

силна е, издржлива е,

доброто ја радува.

Љубовта и надежта и

верата ќе останат;

но најголема од нив е

љубовта божествена.