„Си видел ли човек вешт во својата работа? Таквиот ќе стои пред цареви, нема да стои пред обични луѓе.“

Изреки 22:29

„Кој крадел, повеќе да не краде, туку да работи марливо, правејќи добро со своите раце, за да има да му даде нешто на оној што е во немаштија.“

Ефешаните 4:28

„Секој човек да јаде и да пие и да ужива во доброто од сиот свој труд. Тоа е дар Божји.“

Проповедник 3:13

„Кој ја сака веселбата, упаѓа во немаштија; кој ги сака виното и маслото, нема да се збогати.“

Изреки 21:17

„Кој зема на заем, слуга му е на оној што му го дава заемот.“

Изреки 22:7

„Кој од вас, кога сака да гради кула, најнапред не седнува и не го пресметува трошокот за да види дали има со што да ја доврши? Инаку би можело да се случи да го постави темелот, а да не може да ја доврши изградбата, па сите што ќе го видат тоа би почнале да го исмеваат: ‚Овој човек почна да гради, а не може да доврши‘.“

Лука 14:28-30

„Кога се наситија, им рече на своите ученици: ‚Соберете ги парчињата што останаа за да не пропадне ништо!‘“

Јован 6:12

„Подобро е јадење од зеленчук таму каде што има љубов отколку згоен јунец таму каде што има омраза.“

Изреки 15:17

„Јас, Јехова, сум твој Бог, кој те учи да го правиш она што е за твое добро, кој те води по патот по кој треба да одиш.“

Исаија 48:17

„Среќни се оние што настојуваат да ги задоволат своите духовни потреби, зашто нивно е царството небесно.“

Матеј 5:3

„Сакај го својот ближен како себеси.“

Матеј 22:39

„Како што сакате луѓето да ви прават вам, така правете им и вие ним.“

Лука 6:31

„Среќни се оние што ја слушаат речта Божја и ја држат!“

Лука 11:28

„Кога некој има во изобилство, неговиот живот не произлегува од она што го поседува.“

Лука 12:15

„Значи, ако имаме храна, облека и покрив над главата, со тоа да бидеме задоволни.“

1. Тимотеј 6:8

„Повеќе усреќува давањето отколку примањето.“

Дела 20:35

„Фрли го своето бреме на Јехова, и тој ќе те поткрепи. Никогаш нема да дозволи праведникот да се сопне.“

Псалм 55:22

„Замислите на трудољубивиот сигурно донесуваат корист, а секој што избрзува, сигурно оди кон немаштија.“

Изреки 21:5

„Не плаши се, зашто јас сум со тебе! Не свртувај се плашливо, зашто јас сум твојот Бог! Јас ќе те зајакнам и ќе ти помогнам. Ќе те потпрам со мојата праведна десница.“

Исаија 41:10

„Кој од вас може со својата загриженост да го продолжи својот животен век макар малку?“

Матеј 6:27

„И така, не бидете загрижени за утрешниот ден, зашто утрешниот ден ќе си има свои грижи. На секој ден му е доволно неговото зло.“

Матеј 6:34

„[Треба] да процените што е најважно.“

Филипјаните 1:10

„Не бидете загрижени за ништо, туку во сѐ — со молитви и молби, со благодарење — изнесете му ги своите барања на Бог. И мирот Божји, кој ја надминува секоја мисла, ќе ги чува вашите срца и вашиот ум преку Христос Исус.“

Филипјаните 4:6, 7

СОПРУЗИ/ТАТКОВЦИ

„Така и мажите треба да ги сакаат своите жени како своите тела. Кој ја сака својата жена, се сака самиот себе. Зашто, никој не го мрази своето тело, туку го храни и го негува... Така и секој од вас да ја сака својата жена како самиот себе.“

Ефешаните 5:28, 29, 33

„Татковци, не раздразнувајте ги своите деца, туку воспитувајте ги со стега од Јехова и помагајте им да го усвојат неговиот начин на размислување.“

Ефешаните 6:4

СОПРУГИ

„Жената длабоко да го почитува својот маж.“

Ефешаните 5:33

„Жени, бидете им подложни на своите мажи, како што прилега во Господарот.“

Колошаните 3:18

ДЕЦА

„Деца, слушајте ги своите родители во Господарот, зашто тоа е праведно. ‚Почитувај ги татка си и мајка си‘ — тоа е првата заповед проследена со ветување: ‚За да ти биде добро и да останеш долго на земјата‘.“

Ефешаните 6:1-3

„Деца, слушајте ги своите родители во сѐ, зашто тоа му се допаѓа на Господарот.“

Колошаните 3:20