Почнувајќи од септември, ќе има нов вид предлог-презентации со наслов „Поучувај за вистината“. Наша цел ќе биде да споделиме некоја основна библиска вистина со луѓето така што ќе користиме прашање и стих.

Ако увидиме дека станарот покажува интерес, би можеле да му ја разбудиме љубопитноста така што ќе му оставиме некоја публикација или ќе му покажеме видеоклип од нашата интернет-страница. Би било добро да се потрудиме по една или две седмици повторно да наминеме кај оние што покажале интерес за да го продолжиме разговорот. Новите презентации и задачи ќе се темелат на книгата Што навистина учи Библијата? Во поглавјата од оваа книга ќе најдеме и други прашања и стихови кои ќе ни помогнат да правиме повторни посети или да проучуваме со луѓето користејќи ја само Библијата.

Само еден е патот што води до вечен живот (Мт 7:13, 14). Бидејќи луѓето на кои им проповедаме имаат различна религија и потекло, треба да им пренесуваме библиски мисли што нив ќе ги интересираат (1Ти 2:4). Со текот на времето, ќе научиме повешто да зборуваме на разни библиски теми и исправно да ја користиме „речта на вистината“ (2Ти 2:15). Така ќе бидеме порадосни и ќе можеме на подобар начин да ги поучуваме другите за вистината.

На секој човек му треба утеха (Про 4:1). Во текот на месец септември ќе го нудиме списанието Стражарска кула бр. 5 во кое ќе се зборува за утехата. Потруди се да им го дадеш ова списание на што е можно повеќе луѓе. Ова списание нема да го оставаме кај оние што не се дома, бидејќи сакаме да зборуваме со луѓето лично за да им пренесеме утешни мисли.

ШТО ДА КАЖЕШ:

„Дури и на најсилните понекогаш им треба утеха. Што мислите, каде можеме да најдеме утеха кога ни е тешко? [Прочитај 2. Коринќаните 1:3, 4.] Ова списание зборува за тоа каква утеха ни дава Бог.“

Ако лицето покаже интерес и го земе списанието...

ПУШТИ МУ ГО ВИДЕОКЛИПОТ ЗОШТО ДА ЈА ПРОУЧУВАШ БИБЛИЈАТА?

Потоа понуди му да ја проучува Библијата.

ПОСТАВИ ТЕМЕЛ ЗА ПОВТОРНА ПОСЕТА

Постави прашање на кое ќе одговориш следниот пат, на пример „Зошто Бог дозволува да страдаме?“