Како можат сопружниците да си ја зајакнат брачната врска

Авраам и Сара се убав пример за брачни другари кои се сакале и се почитувале (1Мо 12:11-13; 1Пе 3:6). Сепак, нивниот брак не бил совршен. Тие минале низ многу неволји во животот. Што можат да научат брачните парови од примерот на Авраам и Сара?

Многу е важно отворено да разговарате еден со друг. Ако сопружникот ти каже нешто нељубезно затоа што е изнервиран, немој да се навредиш туку обиди се да покажеш разбирање (1Мо 16:5, 6). Поминувајте време заедно. И со зборови и со постапки увери го својот брачен другар дека го сакаш. Пред сѐ, трудете се и двајцата да го зачувате добриот однос со Јехова така што заедно ќе проучувате, ќе се молите и ќе учествувате во духовните активности (Про 4:12). Среќните бракови му носат чест на Јехова, кој го основал ова свето уредување.

ГЛЕДАЈ ГО ВИДЕОКЛИПОТ КАКО ДА ГО ЗАЈАКНЕТЕ СВОЈОТ БРАК, А ПОТОА ОДГОВОРИ ГИ СЛЕДНИВЕ ПРАШАЊА:

• Во овој видеоклип кој се темели на замислено сценарио, кои беа некои показатели дека Шон и Кјара се оддалечуваат еден од друг?

• Зошто е важно во бракот да има искрена и отворена комуникација?

• Како примерот на Авраам и Сара им помогна на Шон и Кјара?

• Што направија Шон и Кјара за да си го зајакнат бракот?

• Зошто сопружниците не треба да очекуваат нивниот брак да биде совршен?