Успешно справи се со финансиските проблеми

Животот во овие последни денови е многу тежок. Како што се приближува крајот на овој свет, животот сигурно ќе стане уште потежок. Понекогаш можеби ќе имаме многу малку во материјален поглед (Авк 3:16-18). Што ќе ни помогне успешно да се справиме со финансиските проблеми? Мора и понатаму да имаме доверба во нашиот Бог, Јехова. Тој ветил дека ќе се грижи за своите слуги. Без разлика во какви околности се наоѓаме, Јехова може да ни го обезбеди она што ни е потребно (Пс 37:18, 19; Ев 13:5, 6).

Што можеш да правиш:

• Моли го Јехова за водство, мудрост и помош (Пс 62:8).

• Биди спремен да прифатиш работа што не си ја работел досега (g 1/10 8-9, рамките).

• Редовно учествувај во духовните активности. На пример, читај ја Божјата Реч секој ден, присуствувај на состаноците и учествувај во службата на проповедање.

ГЛЕДАЈ ГО ВИДЕОКЛИПОТ ИЗГРАДИ КУЌА ШТО ЌЕ ИЗДРЖИ СЀ — БИДИ ЗАДОВОЛЕН СО ОНА ШТО ГО ИМАШ, А ПОТОА ОДГОВОРИ ГИ СЛЕДНИВЕ ПРАШАЊА:

• Со какви проблеми се соочиле некои семејства?

• Што е најважно во животот?

• Како можеме да им помогнеме на оние кои се соочуваат со финансиски проблеми?