Пионери во медицината

КОГА имал 61 година, на Жозе, Белгиец од гратчето Упеј, му рекле дека ќе треба да му се изврши трансплантација на црниот дроб. „Тоа беше најголемиот шок во мојот живот“, вели тој. Само пред четири децении беше незамисливо да се изврши трансплантација на црниот дроб. Дури и во 1970-тите, стапката на преживување беше само околу 30 проценти. Меѓутоа, трансплантацијата на црниот дроб денес се извршува рутински и со многу поголем успех.

Но, сѐ уште постои една голема слаба страна. Бидејќи при трансплантацијата на црниот дроб честопати доаѓа до обилно крвавење, лекарите обично даваат трансфузија на крв во текот на операцијата. Заради своите религиозни верувања, Жозе не сакал да прими крв. Но, сакал да се изврши трансплантацијата на црниот дроб. Невозможно? Некои можеби ќе помислат така. Но, главниот хирург мислел дека тој и неговите колеги имаат добра шанса да извршат успешна операција без употреба на крв. Токму тоа и го сториле! Само 25 дена по операцијата, Жозе се вратил дома кај својата сопруга и ќерката.a

Благодарение на вештината на оние кои списанието Time ги нарекува „херои на медицината“, бескрвната медицина и хирургија денес се повообичаени од кога и да било порано. Но, зошто се толку барани? За да одговориме на ова прашање, треба да ја испитаме немирната историја на трансфузијата на крв.

[Фуснота]

[Слика на страница 3]

Во светот моментално има повеќе од 90.000 лекари кои изјавиле дека се спремни да ги лекуваат Јеховините сведоци без употреба на крв