Посветла иднина?

Сите ние сме многу заинтересирани за иднината. Кој не сака да знае што ќе прави по еден месец, по една година, па дури и по една деценија? Гледано пошироко, кој не е заинтересиран каков ќе биде светот за 10, 20 или 30 години?

ДАЛИ сте оптимист во поглед на иднината? Милиони луѓе се оптимисти. Сепак, и нив можеме да ги поделиме во две групи: оние што тврдат дека имаат цврста основа да веруваат дека ќе биде подобро и оние што се оптимисти само затоа што сѐ друго им се чини премногу мрачно.

Се разбира, има и такви што не гледаат ништо добро на повидок. Меѓу нив спаѓаат оние што предвидуваат мрачна иднина и кои изгледа со задоволство објавуваат апокалиптично уништување на Земјата. Според нив, многу малку луѓе, ако и воопшто има такви, ќе ја дочекаат иднината.

Како Вие ја замислувате иднината? Дали за Вас таа е мрачна и кобна или, пак, носи мир и безбедност? Ако очекувате мир и безбедност, на што се темели Вашата надеж — на пуста желба или на цврсти докази?

За разлика од оние што предвидуваат мрачна иднина, издавачите на Разбудете се! не мислат дека човештвото е на работ на уништувањето. Напротив, Библијата дава добра причина да веруваме дека пред нас е најубавото време.

[Извор на слика на страница 5]

U.S. Department of Energy photograph ▸