Одвој време за поважното

„Преостана малку време“ (1. Коринќаните 7:29)

„АКО некој само скока во водата и се шлапка, не значи дека плива“, пишува Мишел ле Беф во својата книга Работи рационално (Working Smart).

Со други зборови, едно е да се биде активен, а сосема друго е да се постигне нешто вредно. Анализирај ја минатата седмица. За што си одвои време? За што не ти остана време? Треба ли да одвоиш повеќе време за она што навистина ти значи?

Размисли за пророштвото што го дал Исус за нашево динамично време. Тој рекол дека, додека наближува крајот на овој свет и почетокот на Божјиот праведен нов свет, неговите ученици ќе бидат зафатени. Но, со што? Ќе ја проповедаат ‚оваа добра вест за Божјето царство‘. Исус рекол дека повеќето луѓе ќе немаат време за да слушаат. Ќе бидат преокупирани со секојдневните работи. Тој додал дека оние што се премногу зафатени, и поради тоа не ѝ обрнуваат внимание на пораката за Царството, ќе бидат уништени (Матеј 24:14, 37-39; Лука 17:28-30).

Денес, Јеховините сведоци ја проповедаат добрата вест за Божјето Царство во повеќе од 230 земји. Во склад со пророштвото на Исус, многумина не сакаат да ги слушаат, велејќи дека „немаат време“. Иако си зафатен, те поттикнуваме да одвоиш време за да испиташ што вели Библијата за Божјето Царство. Се надеваме дека, кога ќе дознаеш колку убави работи ќе направи Бог за луѓето, ќе увидиш колку е важно да се слуша библиската порака и да се живее според неа и колку вреди да се одвои време за тоа.a

[Фуснота]