Библијата — зошто треба да се интересираме за нејзината порака?
● Библијата е најраспространетата книга и многу луѓе ја почитуваат. Во некои земји, на судовите и во други прилики, луѓето даваат заклетва положувајќи ја раката врз неа. Со читањето и проучувањето на Библијата човек може да ги добие најважните можни поуки.
Мнозина се согласуваат дека светот би бил многу поубав кога повеќе луѓе би ја читале Библијата и би живееле според она што го пишува во неа. Брошурата Библијата — која е нејзината порака?, која содржи прекрасни слики во боја и има 32 страници, може да ти помогне да дознаеш што пишува во Библијата. На почетокот од оваа брошура се зборува за тоа како Творецот им овозможил на првите луѓе да живеат во рај и како тие го изгубиле тој рај. Понатаму следи преглед на историјата на народот од кој потекнува Владетелот на Божјето Царство, кое ќе го обнови рајот на Земјата.
Потоа се опишани животот, службата, чудата, смртта и воскресението на Исус Христос, Владетелот кој е поставен од Бог. Во продолжение, накратко се зборува за службата на Исусовите следбеници во првиот век, за нивната верност под искушенија и за списите што ги напишале под водство на Божјиот дух. Делот со наслов „Обновениот рај!“ е навистина охрабрувачки, како и краткиот, илустриран преглед на Библијата на последната страница.
За да добиете примерок од оваа брошура, пополнете го овој купон и испратете го на соодветната адреса дадена на 5. страница од ова списание.
□ Без никакви обврски, нарачувам еден примерок од брошурата што е на сликата.
□ Ве молам, стапете во контакт со мене за бесплатно да ја проучувам Библијата.