Прашања за проучување на Мојата книга со библиски приказни

1. приказна

Бог почнал да создава

1. Од каде доаѓаат сите добри работи, и можеш ли да наведеш еден пример?

2. Што создал Бог најпрвин?

3. Зошто првиот ангел бил нешто посебно?

4. Опиши како изгледала Земјата во почетокот.

5. Како почнал Бог да ја подготвува Земјата за животните и за луѓето?

Дополнителни прашања:

1. Прочитај Еремија 10:12.

   Кои особини на Бог се гледаат во она што го создал? (Иса. 40:26; Рим. 11:33).

2. Прочитај Колошаните 1:15-17.

   Каква улога играл Исус при создавањето, и како треба тоа да влијае врз нашето мислење за него? (Кол. 1:15-17).

3. Прочитај 1. Мојсеева 1:1-10.

   1. Кој ја направил Земјата? (1. Мој. 1:1).

   2. Што се случило на првиот творечки ден? (1. Мој. 1:3-5).

   3. Опиши што се случило на вториот творечки ден (1. Мој. 1:7, 8).

2. приказна

Една прекрасна градина

1. Како Бог ја подготвил Земјата за да биде наш дом?

2. Опиши какви животни направил Бог. (Види ја сликата.)

3. Зошто градината Еден била нешто посебно?

4. Каква сакал Бог да стане целата Земја?

Дополнителни прашања:

1. Прочитај 1. Мојсеева 1:11-25.

   1. Што создал Бог на третиот творечки ден? (1. Мој. 1:12).

   2. Што се случило на четвртиот творечки ден? (1. Мој. 1:16).

   3. Какви животни направил Бог на петтиот и на шестиот ден? (1. Мој. 1:20, 21, 25).

2. Прочитај 1. Мојсеева 2:8, 9.

   Кои посебни два вида дрвја ги поставил Бог во градината, и што симболизирале тие?

3. приказна

Првиот човек и првата жена

1. По што се разликува сликата во оваа приказна од сликата во претходната приказна?

2. Кој го направил првиот човек, и како се викал тој човек?

3. Каква работа му дал Бог на Адам?

4. Зошто Бог пуштил длабок сон врз Адам?

5. Колку долго можеле да живеат Адам и Ева, и каква работа им дал Јехова?

Дополнителни прашања:

1. Прочитај Псалм 83:18.

   Кое е Божјето име, и во која смисла Бог има единствена положба над Земјата? (Ерем. 16:21; Дан. 4:17).

2. Прочитај 1. Мојсеева 1:26-31.

   1. Која била последната творба на Бог на шестиот ден, и по што се разликувала оваа творба од животните? (1. Мој. 1:26).

   2. Што обезбедил Јехова и за човекот и за животните? (1. Мој. 1:30).

3. Прочитај 1. Мојсеева 2:7-25.

   1. Што требало да прави Адам за да ја исполни својата задача и да им даде имиња на животните? (1. Мој. 2:19).

   2. Како ни помага 1. Мојсеева 2:24 да сфатиме што мисли Јехова за бракот, за разделувањето и за разводот? (Мат. 19:4-6, 9).

4. приказна

Зошто го изгубиле својот дом

1. Што им се случило на Адам и Ева, како што се гледа на сликата?

2. Зошто Јехова ги казнил?

3. Што ѝ рекла змијата на Ева?

4. Кој направил змијата да зборува со Ева?

5. Зошто Адам и Ева не можеле повеќе да живеат во Рајот?

Дополнителни прашања:

1. Прочитај 1. Мојсеева 2:16, 17 и 3:1-13, 24.

   1. На кој начин прашањето кое змијата ѝ го поставила на Ева погрешно го претставува Јехова? (1. Мој. 3:1-5; 1. Јов. 5:3).

   2. Во кој поглед примерот на Ева ни служи како предупредување? (Фил. 4:8; Јак. 1:14, 15; 1. Јов. 2:16).

   3. Како покажале Адам и Ева дека не ја прифаќаат одговорноста за своите постапки? (1. Мој. 3:12, 13).

   4. На кој начин херувимите, кои биле поставени на источниот крај од градината Еден, го поддржале Јеховиното право да владее? (1. Мој. 3:24).

2. Прочитај Откровение 12:9.

   До која мера успеал Сатана да ги сврти луѓето против владеењето на Бог? (1. Јов. 5:19).

5. приказна

Започнува тежок живот

1. Каков бил животот за Адам и Ева надвор од градината Еден?

2. Што почнало да им се случува на Адам и Ева, и зошто?

3. Зошто морало децата на Адам и Ева да остареат и да умрат?

4. Каков би бил животот за Адам и Ева и за нивните деца ако Адам и Ева го послушале Јехова?

5. Какви болки имала Ева поради својата непослушност?

6. Како се викале првите два сина на Адам и Ева?

7. Кои се другите деца на сликата?

Дополнителни прашања:

1. Прочитај 1. Мојсеева 3:16-23 и 4:1, 2.

   1. Како влијаело врз животот на Адам проклетството што било изречено над земјата? (1. Мој. 3:17-19; Рим. 8:20, 22).

   2. Зошто на Ева ѝ одговара нејзиното име, кое значи „жива“? (1. Мој. 3:20).

   3. Како Јехова обрнал внимание на потребите на Адам и Ева дури и откако направиле грев? (1. Мој. 3:7, 21).

2. Прочитај Откровение 21:3, 4.

   Кои работи ‚што биле порано‘ едвај чекаш да бидат отстранети?

6. приказна

Добриот и лошиот син

1. Што станале по занимање Каин и Авел?

2. Какви дарови Каин и Авел му донеле на Јехова?

3. Зошто Јехова бил задоволен со дарот на Авел, и зошто не бил задоволен со дарот на Каин?

4. Каков човек бил Каин, и како Јехова се обидел да го исправи?

5. Што направил Каин во полето кога бил сам со својот брат?

6. Објасни што се случило со Каин откако го убил својот брат.

Дополнителни прашања:

1. Прочитај 1. Мојсеева 4:2-26.

   1. Како Јехова ја опишал опасната положба во која се наоѓал Каин? (1. Мој. 4:7).

   2. На кој начин Каин го открил ставот што го имал во срцето? (1. Мој. 4:9).

   3. Што мисли Јехова за пролевањето невина крв? (1. Мој. 4:10; Иса. 26:21).

2. Прочитај 1. Јованово 3:11, 12.

   1. Зошто Каин многу се разгневил, и на кој начин тоа служи како предупредување за нас денес? (1. Мој. 4:4, 5; Изр. 14:30; 28:22).

   2. На кој начин покажува Библијата дека можеме да му останеме верни на Бог дури и кога сите членови на нашето семејство се против Јехова? (Пс. 27:10; Мат. 10:21, 22).

3. Прочитај Јован 11:25.

   Што ветува Јехова во врска со сите што умреле заради праведноста? (Јован 5:24).

7. приказна

Храбар човек

1. По што се разликувал Енох од другите луѓе?

2. Зошто луѓето што живееле во времето на Енох правеле толку лоши работи?

3. Кои лоши работи ги правеле луѓето? (Види ја сликата.)

4. Зошто требало Енох да биде храбар?

5. Колку долго живееле луѓето во тоа време, но колку долго живеел Енох?

6. Што се случило по смртта на Енох?

Дополнителни прашања:

1. Прочитај 1. Мојсеева 5:21-24, 27.

   1. Во какви односи бил Енох со Јехова? (1. Мој. 5:24).

   2. Според Библијата, кој е човекот што доживеал најдлабока старост, и колку години имал кога умрел? (1. Мој. 5:27).

2. Прочитај 1. Мојсеева 6:5.

   Колку лоши станале условите на Земјата по смртта на Енох, и какви сличности постојат со нашево време? (2. Тим. 3:13).

3. Прочитај Евреите 11:5.

   Со која особина Енох „му угодил на Бог“, и со каков резултат? (1. Мој. 5:22).

4. Прочитај Јуда 14, 15.

   На кој начин можат денешните христијани да ја покажуваат истата храброст како Енох кога ги предупредуваат луѓето за претстојната битка наречена Армагедон? (2. Тим. 4:2; Евр. 13:6).

8. приказна

Џинови на Земјата

1. Што се случило кога некои Божји ангели го послушале Сатана?

2. Зошто некои ангели престанале со својата работа на небото и слегле на Земјата?

3. Зошто било погрешно ангелите да слезат на Земјата и да се преобразат во луѓе?

4. Што било поинакво кај децата на ангелите?

5. Што гледаш на сликата? Што правеле децата на ангелите кога станале џинови?

6. По Енох, кој добар човек живеел на Земјата, и зошто Бог го сакал него?

Дополнителни прашања:

1. Прочитај 1. Мојсеева 6:1-8.

   Што открива 1. Мојсеева 6:6 за начинот на кој нашето однесување влијае врз Јеховините чувства? (Пс. 78:40, 41; Изр. 27:11).

2. Прочитај Јуда 6.

   На кој начин ангелите што ‚не ја задржале својата првобитна положба‘ во деновите на Ное ни служат како опомена нам денес? (1. Кор. 3:5-9; 2. Пет. 2:4, 9, 10).

9. приказна

Ное гради арка

1. Колку члена имало во семејството на Ное, и како се викале неговите три сина?

2. Бог побарал од Ное да направи нешто необично. Што било тоа, и зошто било потребно?

3. Што правеле другите луѓе кога Ное им кажал за арката?

4. Што му рекол Бог на Ное да направи со животните?

5. Што морале да прават Ное и неговото семејство откако Бог ја затворил вратата на арката?

Дополнителни прашања:

1. Прочитај 1. Мојсеева 6:9-22.

   1. Поради кои особини Ное бил истакнат слуга на вистинскиот Бог? (1. Мој. 6:9, 22).

   2. Што чувствува Јехова кон насилството, и како треба тоа да влијае врз нашиот избор на забава? (1. Мој. 6:11, 12; Пс. 11:5).

   3. Со што би можеле да постапиме како Ное кога ќе добиеме некакво упатство преку Јеховината организација? (1. Мој. 6:22; 1. Јов. 5:3).

2. Прочитај 1. Мојсеева 7:1-9.

   Како нѐ охрабрува тоа што Јехова го сметал за праведен несовршениот човек Ное? (1. Мој. 7:1; Изр. 10:16; Иса 26:7).

10. приказна

Големиот потоп

1. Зошто не било можно некој да влезе во арката откако почнало да врне?

2. Колку дена и колку ноќи Јехова пуштал дожд, и колку длабока станала водата?

3. Што се случило со арката кога водата почнала да ја покрива земјата?

4. Дали џиновите го преживеале Потопот, и што се случило со татковците на тие џинови?

5. Што се случило со арката по пет месеци?

6. Зошто Ное пуштил од арката еден гавран?

7. Како знаел Ное дека водата се повлекла од земјата?

8. Што му рекол Бог на Ное откако тој и неговото семејство биле во арката повеќе од една година?

Дополнителни прашања:

1. Прочитај 1. Мојсеева 7:10-24.

   1. До која мера бил уништен животот на Земјата? (1. Мој. 7:23).

   2. Колку време било потребно за да се повлечат водите од Потопот? (1. Мој. 7:24).

2. Прочитај 1. Мојсеева 8:1-17.

   Како покажува 1. Мојсеева 8:17 дека Јеховината првобитна намера со Земјата не се променила? (1. Мој. 1:22).

3. Прочитај 1. Петрово 3:19, 20.

   1. Каква казна добиле бунтовните ангели кога се вратиле на небото? (Јуда 6).

   2. На кој начин извештајот за Ное и за неговото семејство нѐ прави уште посигурни дека Јехова може да го избави својот народ? (2. Пет. 2:9).

11. приказна

Првото виножито

1. Што направил Ное веднаш штом излегол од арката, како што е покажано на сликата?

2. Каква заповед им дал Бог на Ное и на неговото семејство по Потопот?

3. Кое ветување го дал Бог?

4. На што треба да се сетиме кога ќе видиме виножито?

Дополнителни прашања:

1. Прочитај 1. Мојсеева 8:18-22.

   1. Како би можеле ние денес да му принесеме на Јехова ‚успокојувачки мирис‘? (1. Мој. 8:21; Евр. 13:15, 16).

   2. Што рекол Јехова за состојбата на човечкото срце, па според тоа, на што треба да внимаваме? (1. Мој. 8:21; Мат. 15:18, 19).

2. Прочитај 1. Мојсеева 9:9-17.

   1. Каков сојуз склучил Јехова со сите земни суштества? (1. Мој. 9:10, 11).

   2. До кога ќе важи сојузот на виножитото? (1. Мој. 9:16).

12. приказна

Луѓето градат голема кула

1. Кој бил Нимрод, и што мислел Бог за него?

2. Зошто луѓето на сликата прават тули?

3. Зошто Јехова не бил задоволен со таа изградба?

4. На кој начин Бог ја спречил изградбата на кулата?

5. Како бил наречен градот, и што значи тоа име?

6. Што се случило со луѓето откако Бог го збркал јазикот?

Дополнителни прашања:

1. Прочитај 1. Мојсеева 10:1, 8-10.

   Какви особини покажувал Нимрод, и кое предупредување за нас произлегува од тоа? (Изр. 3:31).

2. Прочитај 1. Мојсеева 11:1-9.

   Зошто луѓето ја граделе кулата, и зошто тој проект бил осуден на пропаст? (1. Мој. 11:4; Изр. 16:18; Јован 5:44).

13. приказна

Авраам — Божјиот пријател

1. Какви луѓе живееле во градот Ур?

2. Кој е човекот на сликата, кога се родил и каде живеел?

3. Што му рекол Бог на Авраам да направи?

4. Зошто Авраам бил наречен Божји пријател?

5. Кој пошол со Авраам кога го напуштил Ур?

6. Што му рекол Бог на Авраам кога дошол во Ханаан?

7. Што му ветил Бог на 99-годишниот Авраам?

Дополнителни прашања:

1. Прочитај 1. Мојсеева 11:27-32.

   1. Во каква роднинска врска биле Авраам и Лот? (1. Мој. 11:27).

   2. Иако се вели дека Тара го селел семејството кон Ханаан, од каде знаеме дека, всушност, Авраам бил тој што сакал да се преселат, и зошто го сторил тоа? (1. Мој. 11:31; Дела 7:2-4).

2. Прочитај 1. Мојсеева 12:1-7.

   Кого уште Јехова го вклучил во сојузот што веќе го склучил со Авраам откако Авраам стигнал во Ханаан? (1. Мој. 12:7).

3. Прочитај 1. Мојсеева 17:1-8, 15-17.

   1. Кое ново име го добил Аврам кога имал 99 години, и зошто? (1. Мој. 17:5).

   2. Кои благослови ѝ ги ветил Јехова на Сара? (1. Мој. 17:15, 16).

4. Прочитај 1. Мојсеева 18:9-19.

   1. Кои одговорности ги добиле татковците во 1. Мојсеева 18:19? (5. Мој. 6:6, 7; Еф. 6:4).

   2. Кое искуство на Сара покажува дека ништо не можеме да скриеме од Јехова? (1. Мој. 18:12, 15; Пс. 44:21).

14. приказна

Бог ја испитува верата на Авраам

1. Кое ветување му го дал Бог на Авраам, и како го исполнил тоа ветување?

2. Како Бог ја испитал верата на Авраам, како што се гледа на сликата?

3. Што направил Авраам и покрај тоа што не разбрал зошто Бог му заповедал такво нешто?

4. Што се случило кога Авраам го зел ножот за да го заколе својот син?

5. Колку голема вера во Бог имал Авраам?

6. Каква жртва обезбедил Бог за Авраам, и како?

Дополнителни прашања:

1. Прочитај 1. Мојсеева 21:1-7.

   Зошто Авраам го обрежал својот син на осмиот ден? (1. Мој. 17:10-12; 21:4).

2. Прочитај 1. Мојсеева 22:1-18.

   Како покажал Исак дека му бил подложен на својот татко Авраам, и на кој начин ова било претслика за еден многу поважен настан, кој требало да се случи во иднина? (1. Мој. 22:7-9; 1. Кор. 5:7; Фил. 2:8, 9).

15. приказна

Жената на Лот се свртела назад

1. Зошто Авраам и Лот се одвоиле?

2. Зошто Лот избрал да живее во Содом?

3. Какви биле луѓето во Содом?

4. Кое предупредување му го дале двајцата ангели на Лот?

5. Зошто жената на Лот се претворила во столб од сол?

6. Каква поука можеме да извлечеме од случајот со жената на Лот?

Дополнителни прашања:

1. Прочитај 1. Мојсеева 13:5-13.

   Што учиме од Авраам во врска со решавањето на проблеми со луѓето? (1. Мој. 13:8, 9; Рим. 12:10; Фил. 2:3, 4).

2. Прочитај 1. Мојсеева 18:20-33.

   Како начинот на кој Јехова постапувал со Авраам нѐ уверува дека Јехова и Исус ќе судат праведно? (1. Мој. 18:25, 26; Мат. 25:31-33).

3. Прочитај 1. Мојсеева 19:1-29.

   1. Што покажува овој библиски извештај во врска со ставот на Бог кон хомосексуалноста? (1. Мој. 19:5, 13; 3. Мој. 20:13).

   2. Каква разлика гледаме во начинот на кој Лот и Авраам реагирале на упатствата што им ги дал Бог, и што можеме да научиме од тоа? (1. Мој. 19:15, 16, 19, 20; 22:3).

4. Прочитај Лука 17:28-32.

   Каков став кон материјалните работи имала во срцето жената на Лот, и на кој начин тоа служи како предупредување за нас? (Лука 12:15; 17:31, 32; Мат. 6:19-21, 25).

5. Прочитај 2. Петрово 2:6-8.

   Ако земеме пример од Лот, каков треба да биде нашиот став кон безбожниот свет околу нас? (Езек. 9:4; 1. Јов. 2:15-17).

16. приказна

Исак добива добра жена

1. Кои се мажот и жената на сликата?

2. Што направил Авраам за да најде жена за својот син, и зошто?

3. Како била услишена молитвата на Авраамовиот слуга?

4. Што одговорила Ревека кога ја прашале дали сака да се омажи за Исак?

5. Што било причина за Исак да биде повторно среќен?

Дополнителни прашања:

1. Прочитај 1. Мојсеева 24:1-67.

   1. Кои добри особини ги покажала Ревека кога го сретнала Авраамовиот слуга на изворот? (1. Мој. 24:17-20; Изр. 31:17, 31).

   2. Кој одличен пример го дава за денешните христијани Авраам со тоа што го направил за Исак? (1. Мој. 24:37, 38; 1. Кор. 7:39; 2. Кор. 6:14).

   3. Зошто треба, исто како Исак, да најдеме време за размислување? (1. Мој. 24:63; Пс. 77:12; Фил. 4:8).

17. приказна

Близнаци кои биле различни

1. Кои биле Исав и Јаков, и по што се разликувале еден од друг?

2. По колку години имале Исав и Јаков кога умрел нивниот дедо Авраам?

3. Со што Исав многу ги разжалостил мајка си и татка си?

4. Зошто Исав многу му се налутил на својот брат Јаков?

5. Кои упатства му ги дал Исак на својот син Јаков?

Дополнителни прашања:

1. Прочитај 1. Мојсеева 25:5-11, 20-34.

   1. Што прорекол Јехова во врска со двата сина на Ревека? (1. Мој. 25:23).

   2. Како се разликувал ставот на Јаков од ставот на Исав кон правото на првородство? (1. Мој. 25:31-34).

2. Прочитај 1. Мојсеева 26:34, 35; 27:1-46; и 28:1-5.

   1. Што покажувало дека Исав немал ценење за духовните работи? (1. Мој. 26:34, 35; 27:46).

   2. Според зборовите на Исак, што требало да направи Јаков, за да го добие Божјиот благослов? (1. Мој. 28:1-4).

3. Прочитај Евреите 12:16, 17.

   Што ќе се случи со оние што ги презираат светите работи, како што покажува примерот на Исав?

18. приказна

Јаков оди во Харан

1. Која е младата жена на сликата, и што направил Јаков за неа?

2. Што бил готов да направи Јаков за да се ожени со Рахела?

3. Што направил Лаван кога дошло времето Јаков да се ожени со Рахела?

4. Што се согласил Јаков да направи за да ја добие Рахела за своја жена?

Дополнителни прашања:

1. Прочитај 1. Мојсеева 29:1-30.

   1. И покрај тоа што Лаван го измамил, како покажал Јаков дека е чесен човек, и што можеме да научиме од тоа? (1. Мој. 25:27; 29:26-28; Мат. 5:37).

   2. Како покажува примерот на Јаков која е разликата меѓу љубовта и вљубеноста? (1. Мој. 29:18, 20, 30; Песна 8:6).

   3. Кои четири жени станале дел од семејството на Јаков и подоцна му родиле синови? (1. Мој. 29:23, 24, 28, 29).

19. приказна

Јаков има големо семејство

1. Како се викале шесте сина на Јаков, кои ги добил од својата прва жена Лија?

2. Кои два сина му ги родила на Јаков Зелфа, слугинката на Лија?

3. Како се викале двата сина кои му ги родила на Јаков Вилха, слугинката на Рахела?

4. Кои два сина ги родила Рахела, но што се случило кога го родила вториот син?

5. Според сликата, колку сина имал Јаков, и кој потекнал од нив?

Дополнителни прашања:

1. Прочитај 1. Мојсеева 29:32-35; 30:1-26 и 35:16-19.

   Како ги добивале имињата еврејските машки деца во старо време, гледано од примерот на 12-те синови на Јаков?

2. Прочитај 1. Мојсеева 37:35.

   Иако само Дина е спомната по име во Библијата, од каде знаеме дека Јаков имал повеќе ќерки? (1. Мој. 37:34, 35).

20. приказна

Дина упаѓа во неволја

1. Зошто Авраам и Исак не сакале нивните деца да се оженат со Ханаанки?

2. Дали на Јаков му се допаѓало тоа што неговата ќерка се спријателувала со девојки од Ханаан?

3. Кој е човекот на сликата, кој ја гледа Дина, и која лоша работа ја направил тој?

4. Што направиле Симеон и Леви, браќата на Дина, кога чуле што се случило?

5. Дали Јаков се согласил со она што го направиле Симеон и Леви?

6. Како започнале сите тие проблеми во семејството?

Дополнителни прашања:

1. Прочитај 1. Мојсеева 34:1-31.

   1. Дали Дина се дружела со ќерките од ханаанската земја само еднаш? Објасни. (1. Мој. 34:1).

   2. Зошто и Дина е донекаде виновна што ја изгубила својата невиност? (Гал. 6:7).

   3. Како покажуваат младите денес дека го сфаќаат сериозно предупредувачкиот пример на Дина? (Изр. 13:20; 1. Кор. 15:33; 1. Јов. 5:19).

21. приказна

Браќата го мразат Јосиф

1. Зошто браќата му биле љубоморни на Јосиф, и што направиле?

2. Што сакале да му направат на Јосиф неговите браќа, но што рекол Рувим?

3. Што се случило кога минувале некои исмаелски трговци?

4. Што направиле браќата на Јосиф за татко им да помисли дека Јосиф е мртов?

Дополнителни прашања:

1. Прочитај 1. Мојсеева 37:1-35.

   1. На кој начин христијаните постапуваат исто како Јосиф кога им кажуваат на старешините дека некој од собранието направил нешто неисправно? (1. Мој. 37:2; 3. Мој. 5:1; 1. Кор. 1:11).

   2. Што ги навело браќата на Јосиф да го продадат? (1. Мој. 37:11, 18; Изр. 27:4; Јак. 3:14-16).

   3. Што е нормален дел од тагувањето, како што се гледа од случајот на Јаков? (1. Мој. 37:35).

22. приказна

Јосиф е ставен в затвор

1. Колку години имал Јосиф кога го одвеле во Египет, и што се случило кога стигнал таму?

2. Како Јосиф завршил в затвор?

3. Какво задолжение добил Јосиф во затворот?

4. Што направил Јосиф за пехарникот и за пекарот на фараонот додека биле во затворот?

5. Што се случило откако пехарникот бил ослободен од затворот?

Дополнителни прашања:

1. Прочитај 1. Мојсеева 39:1-23.

   Што го навело Јосиф да бега од жената на Петефри, кога во негово време немало пишан закон од Бог дека прељубата е осудена? (1. Мој. 2:24; 20:3; 39:9).

2. Прочитај 1. Мојсеева 40:1-23.

   1. Накратко опиши ги сонот на пехарникот и толкувањето што Јехова му го дал на Јосиф (1. Мој. 40:9-13).

   2. Каков сон сонил пекарот, и што значел тој? (1. Мој. 40:16-19).

   3. Во кој поглед класата на верниот и разборит роб го има истиот став како Јосиф? (1. Мој. 40:8; Пс. 36:9; Јован 17:17; Дела 17:2, 3).

   4. На кој начин 1. Мојсеева 40:20 помага полесно да се разбере христијанскиот став кон прославата на родендени? (Проп. 7:1; Мар. 6:21-28).

23. приказна

Соништата на фараонот

1. Што му се случило на фараонот една ноќ?

2. Зошто пехарникот конечно се сетил на Јосиф?

3. Кои два сона ги сонил фараонот, како што се гледа на сликата?

4. Што рекол Јосиф за значењето на соништата?

5. Како Јосиф станал најважниот човек во Египет по фараонот?

6. Зошто дошле во Египет браќата на Јосиф, и зошто не го препознале?

7. На кој сон се сетил Јосиф, и што сфатил од тој сон?

Дополнителни прашања:

1. Прочитај 1. Мојсеева 41:1-57.

   1. Како Јосиф го насочил вниманието кон Јехова, и на кој начин христијаните денес го следат тој пример? (1. Мој. 41:16, 25, 28; Мат. 5:16; 1. Пет. 2:12).

   2. Во кој поглед годините на изобилство во Египет, по кои следеле години на глад, точно ја покажуваат разликата меѓу духовната состојба на Јеховиниот народ денес и духовната состојба на христијанскиот свет? (1. Мој. 41:29, 30; Амос 8:11, 12).

2. Прочитај 1. Мојсеева 42:1-8 и 50:20.

   Ако е вообичаено во земјата луѓето да му се поклонуваат на некој човек за да му укажат чест и почит заради неговата положба, дали е погрешно тоа да го прават и слугите на Јехова? (1. Мој. 42:6).

24. приказна

Јосиф ги испитува своите браќа

1. Зошто Јосиф ги обвинил своите браќа дека се извидувачи?

2. Зошто Јаков дозволил неговиот најмал син, Венијамин, да оди во Египет?

3. Како се нашол сребрениот пехар на Јосиф во вреќата на Венијамин?

4. Што рекол Јуда за да го ослободи Венијамин?

5. Во кој поглед браќата на Јосиф се промениле?

Дополнителни прашања:

1. Прочитај 1. Мојсеева 42:9-38.

   На кој начин зборовите на Јосиф од 1. Мојсеева 42:18 се одлично потсетување за оние што носат одговорности во Јеховината организација денес? (Неем. 5:15; 2. Кор. 7:1, 2).

2. Прочитај 1. Мојсеева 43:1-34.

   1. Што покажува дека Јуда бил тој што зборувал во името на своите браќа иако Рувим бил првородениот? (1. Мој. 43:3, 8, 9; 44:14, 18; 1. Лет. 5:2).

   2. На кој начин Јосиф ги испитал своите браќа, и зошто? (1. Мој. 43:33, 34).

3. Прочитај 1. Мојсеева 44:1-34.

   1. Како каков им се претставил Јосиф на своите браќа со цел да скрие од нив кој е тој? (1. Мој. 44:5, 15; 3. Мој. 19:26).

   2. На кој начин покажале браќата на Јосиф дека повеќе не му се љубоморни на својот брат како порано? (1. Мој. 44:13, 33, 34).

25. приказна

Семејството се сели во Египет

1. Што се случило кога Јосиф им кажал на своите браќа кој е тој?

2. Што им објаснил Јосиф на своите браќа на љубезен начин?

3. Што рекол фараонот кога чул за браќата на Јосиф?

4. Колку члена имало во семејството на Јаков кога се преселиле во Египет?

5. Како биле наречени членовите на семејството на Јаков, и зошто?

Дополнителни прашања:

1. Прочитај 1. Мојсеева 45:1-28.

   На кој начин библискиот извештај за Јосиф покажува дека, дури и некој да им направи нешто лошо на неговите слуги, Јехова може тоа да го сврти на добро? (1. Мој. 45:5-8; Иса. 8:10; Фил. 1:12-14).

2. Прочитај 1. Мојсеева 46:1-27.

   Каква гаранција му дал Јехова на Јаков кога тој бил на пат за Египет? (1. Мој. 46:1-4, фуснота).

26. приказна

Јов му е верен на Бог

1. Кој бил Јов?

2. Што се обидел Сатана да направи, но дали успеал?

3. Што му дозволил Јехова на Сатана, и зошто?

4. Зошто жена му на Јов му рекла ‚да го проколне Бог и да умре‘? (Види ја сликата.)

5. На кој начин Јехова го благословил Јов, како што можеш да видиш од втората слика, и зошто?

6. Ако сме му верни на Јехова како што му бил верен Јов, какви благослови ќе добиеме?

Дополнителни прашања:

1. Прочитај Јов 1:1-22.

   На кој начин можат христијаните денес да се угледаат на Јов? (Јов 1:1; Фил. 2:15; 2. Пет. 3:14).

2. Прочитај Јов 2:1-13.

   На кои два сосема различни начини реагирале Јов и неговата жена на маките што им ги задал Сатана? (Јов 2:9, 10; Изр. 19:3; Мих. 7:7; Мал. 3:14).

3. Прочитај Јов 42:10-17.

   1. Кои сличности постојат меѓу наградата што ја добил Јов и она што го добил Исус за верноста кон Бог во својот живот? (Јов 42:12; Фил. 2:9-11).

   2. Какво охрабрување ни влеваат благословите што ги добил Јов затоа што му останал верен на Бог? (Јов 42:10, 12; Евр. 6:10; Јак. 1:2-4, 12; 5:11).

27. приказна

Еден лош цар владее со Египет

1. Кој е човекот на сликата со камшик во раката, и кого тепа тој?

2. Што се случило со Израелците откако умрел Јосиф?

3. Зошто Египќаните се уплашиле од Израелците?

4. Која заповед им ја дал фараонот на жените кои им помагале на Израелките да се породат?

Дополнителни прашања:

1. Прочитај 2. Мојсеева 1:6-22.

   1. На кој начин Јехова почнал да го исполнува ветувањето што му го дал на Авраам? (2. Мој. 1:7; 1. Мој. 12:2; Дела 7:17).

   2. Како еврејските бабици покажале почит кон светоста на животот? (2. Мој. 1:17; 1. Мој. 9:6).

   3. Како биле наградени бабиците за својата верност кон Јехова? (2. Мој. 1:20, 21; Изр. 19:17).

   4. Како Сатана се обидел да ја расипе Јеховината намера во врска со ветениот Потомок на Авраам? (2. Мој. 1:22; Мат. 2:16).

28. приказна

Како бил спасен Мојсеј кога бил бебе

1. Кое е бебето на сликата, и за чиј прст се држи?

2. Што направила мајка му на Мојсеј за да не биде убиен?

3. Кое е малото девојче на сликата, и што направило тоа?

4. Што ѝ предложила Маријам на фараоновата ќерка, откако таа го нашла бебето?

5. Што ѝ рекла принцезата на Мојсеевата мајка?

Дополнително прашање:

1. Прочитај 2. Мојсеева 2:1-10.

   Каква можност имала мајка му на Мојсеј за да го воспитува и да го учи Мојсеј додека бил мал, и каков пример е тоа за родителите денес? (2. Мој. 2:9, 10; 5. Мој. 6:6-9; Изр. 22:6; Еф. 6:4; 2. Тим. 3:15).

29. приказна

Зошто бега Мојсеј

1. Каде пораснал Мојсеј, но што знаел за своите родители?

2. Што направил Мојсеј кога имал 40 години?

3. Што му рекол Мојсеј на Израелецот што немал право, и што му одвратил тој?

4. Зошто Мојсеј избегал од Египет?

5. Каде избегал Мојсеј, и кого сретнал таму?

6. Што правел Мојсеј 40 години по своето бегство од Египет?

Дополнителни прашања:

1. Прочитај 2. Мојсеева 2:11-25.

   Како Мојсеј покажал дека му е лојален на Јехова и на неговиот народ, и покрај тоа што со години учел за египетската мудрост? (2. Мој. 2:11, 12; Евр. 11:24).

2. Прочитај Дела 7:22-29.

   Која поука можеме да ја извлечеме од обидот на Мојсеј сам да ги избави Израелците од ропството во Египет? (Дела 7:23-25; 1. Пет. 5:6, 10).

30. приказна

Грмушка во пламен

1. Како се вика планината прикажана на сликата?

2. Опиши ја необичната глетка што ја видел Мојсеј кога отишол на таа планина со своите овци.

3. Што рекол гласот од грмушката што горела, и чиј бил тој глас?

4. Што му одговорил Мојсеј на Бог кога му рекол дека треба да го изведе Божјиот народ од Египет?

5. Што му рекол Бог на Мојсеј да каже ако народот го праша кој го испратил?

6. Со што ќе можел Мојсеј да докаже дека Бог го испратил?

Дополнителни прашања:

1. Прочитај 2. Мојсеева 3:1-22.

   На кој начин искуството на Мојсеј нѐ уверува дека Јехова ќе нѐ поддржи дури и ако се чувствуваме неспособни да извршиме некоја теократска задача? (2. Мој. 3:11, 13; 2. Кор. 3:5, 6).

2. Прочитај 2. Мојсеева 4:1-20.

   1. Како се променил ставот на Мојсеј во тие 40 години што ги поминал во Мадијам, и што можат да научат од тоа оние што би сакале да имаат одговорности во собранието? (2. Мој. 2:11, 12; 4:10, 13; Мих. 6:8; 1. Тим. 3:1, 6, 10).

   2. Дури и ако Јехова нѐ искара преку својата организација, каква сигурност може да ни даде примерот на Мојсеј? (2. Мој. 4:12-14; Пс. 103:14; Евр. 12:4-11).

31. приказна

Мојсеј и Арон одат кај фараонот

1. Како влијаеле врз Израелците чудата што ги направиле Мојсеј и Арон?

2. Што му рекле Мојсеј и Арон на фараонот, и што одговорил тој?

3. Што се случило кога Арон го фрлил својот стап, како што е прикажано на сликата?

4. Како Јехова му одржал лекција на фараонот, и како реагирал тој?

5. Што се случило по десеттата неволја?

Дополнителни прашања:

1. Прочитај 2. Мојсеева 4:27-31 и 5:1-23.

   Што мислел фараонот кога рекол: „Јас не го познавам тој Јехова“? (2. Мој. 5:2; 1. Сам. 2:12; Рим. 1:21).

2. Прочитај 2. Мојсеева 6:1-13, 26-30.

   1. Во која смисла Јехова не им се објавил на Авраам, Исак и Јаков? (2. Мој. 3:13, 14; 6:3; 1. Мој. 12:8).

   2. Какви чувства се раѓаат кај нас кога знаеме дека Јехова сепак го користел Мојсеј, и покрај тоа што Мојсеј сметал дека не е способен да ја изврши својата задача? (2. Мој. 6:12, 30; Лука 21:13-15).

3. Прочитај 2. Мојсеева 7:1-13.

   1. Каков пример им дале Мојсеј и Арон на Божјите слуги денес со тоа што храбро му ги пренеле на фараонот Јеховините осуди? (2. Мој. 7:2, 3, 6; Дела 4:29-31).

   2. Како Јехова ја покажал својата надмоќ над египетските богови? (2. Мој. 7:12; 1. Лет. 29:12).

32. приказна

Десетте неволји

1. Опиши ги првите три неволји, кои Јехова му ги нанел на Египет, користејќи ги дадените слики.

2. Која била разликата меѓу првите три неволји и останатите седум неволји?

3. Какви биле четвртата, петтата и шестата неволја?

4. Опиши ги седмата, осмата и деветтата неволја.

5. Што им рекол Јехова на Израелците да направат пред десеттата неволја?

6. Каква била десеттата неволја, и што се случило по неа?

Дополнителни прашања:

1. Прочитај 2. Мојсеева 7:19—8:23.

   1. И покрај тоа што можеле да ги направат истите работи што Јехова ги направил во првите две неволји, што биле принудени да признаат египетските свештеници што се занимавале со магија откако се случила третата неволја? (2. Мој. 8:18, 19; Мат. 12:24-28).

   2. Како четвртата неволја покажала дека Јехова е способен да го заштити својот народ, и какво чувство му дава тоа спознание на Божјиот народ пред да се случи проречената ‚голема неволја‘? (2. Мој. 8:22, 23; Отк. 7:13, 14; 2. Лет. 16:9).

2. Прочитај 2. Мојсеева 8:24; 9:3, 6, 10, 11, 14, 16, 23-25 и 10:13-15, 21-23.

   1. Кои две групи ги претставувале фараонот и свештениците што се занимавале со магија, и што не можат тие да постигнат, како што е тоа случај и денес? (2. Мој. 8:10, 18, 19; 9:14).

   2. Како 2. Мојсеева 9:16 ни помага да разбереме зошто Јехова дозволил да постои Сатана до ден-денес? (Рим. 9:21, 22).

3. Прочитај 2. Мојсеева 12:21-32.

   Како овозможила Пасхата да се спасат многумина, и кон што го насочувала вниманието Пасхата? (2. Мој. 12:21-23; Јован 1:29; Рим. 5:18, 19, 21; 1. Кор. 5:7).

33. приказна

Преминување на Црвеното Море

1. Колку израелски мажи, заедно со жените и децата, го напуштиле Египет, и кој заминал заедно со нив?

2. Што почувствувал фараонот откако ги пуштил Израелците да си одат, и што направил?

3. Што направил Јехова за да ги спречи Египќаните да го нападнат неговиот народ?

4. Што се случило кога Мојсеј го испружил својот стап над Црвеното Море, и што направиле Израелците?

5. Што се случило кога Египќаните се втурнале во морето за да ги стигнат Израелците?

6. Како покажале Израелците дека биле среќни и дека му биле благодарни на Јехова за тоа што ги спасил?

Дополнителни прашања:

1. Прочитај 2. Мојсеева 12:33-36.

   На кој начин Јехова се погрижил неговиот народ да добие надомест за сите години што им робувале на Египќаните? (2. Мој. 3:21, 22; 12:35, 36).

2. Прочитај 2. Мојсеева 14:1-31.

   Како влијаат зборовите на Мојсеј од 2. Мојсеева 14:13, 14 врз Јеховините слуги денес додека ја очекуваат претстојната битка Армагедон? (2. Лет. 20:17; Пс. 91:8).

3. Прочитај 2. Мојсеева 15:1-8, 20, 21.

   1. Зошто треба Јеховините слуги да го фалат Јехова со песни? (2. Мој. 15:1, 2; Пс. 105:2, 3; Отк. 15:3, 4).

   2. Каков пример дале Маријам и другите жени кај Црвеното Море за христијанките денес во поглед на фалењето на Јехова? (2. Мој. 15:20, 21; Пс. 68:11).

34. приказна

Нов вид храна

1. Што собираат од земја луѓето на сликата, и како се вика тоа?

2. Какви упатства им дал Мојсеј на луѓето за собирањето на маната?

3. Што им рекол Јехова на луѓето да направат на шестиот ден, и зошто?

4. Кое чудо го правел Јехова кога ја чувале маната за седмиот ден?

5. Колку долго Јехова го хранел народот со мана?

Дополнителни прашања:

1. Прочитај 2. Мојсеева 16:1-36 и 4. Мојсеева 11:7-9.

   1. Што покажува 2. Мојсеева 16:8 во врска со почитта која треба да ја покажуваме кон оние што имаат одговорности во христијанското собрание? (Евр. 13:17).

   2. Како биле Израелците секој ден потсетувани во пустината дека зависат од Јехова? (2. Мој. 16:14-16, 35; 5. Мој. 8:2, 3).

   3. Кое симболично значење ѝ го дал Исус на маната, и како ни користи и нам тој ‚леб од небото‘? (Јован 6:31-35, 40).

2. Прочитај Исус Навин 5:10-12.

   Колку години Израелците јаделе мана, на кој начин тоа било испит за нив, и што можеме да научиме од овој извештај? (2. Мој. 16:35; 4. Мој. 11:4-6; 1. Кор. 10:10, 11).

35. приказна

Јехова ги дава своите закони

1. Каде се улогориле Израелците два месеца откако го напуштиле Египет?

2. Што сакал Јехова да прави народот, и што одговориле тие?

3. Зошто Јехова му дал на Мојсеј две камени плочи?

4. Покрај Десетте заповеди, кои други закони им ги дал Јехова на Израелците?

5. За кои два закона рекол Исус Христос дека се најголемите?

Дополнителни прашања:

1. Прочитај 2. Мојсеева 19:1-25; 20:1-21; 24:12-18 и 31:18.

   Како ни помагаат зборовите запишани во 2. Мојсеева 19:8 да разбереме што е вклучено во заветот што христијанинот му го дава на Бог? (Мат. 16:24; 1. Пет. 4:1-3).

2. Прочитај 5. Мојсеева 6:4-6; 3. Мојсеева 19:18 и Матеј 22:36-40.

   Како христијаните ја покажуваат својата љубов кон Бог и кон ближниот? (Мар. 6:34; Дела 4:20; Рим. 15:2).

36. приказна

Златното теле

1. Што прави народот на сликата, и зошто?

2. Зошто Јехова бил лут, и што сторил Мојсеј кога видел што прави народот?

3. Што им рекол Мојсеј на некои мажи да направат?

4. Каква поука треба да извлечеме од оваа приказна?

Дополнителни прашања:

1. Прочитај 2. Мојсеева 32:1-35.

   1. На кој начин овој извештај покажува каков став има Јехова кон мешањето на лажната религија со вистинската? (2. Мој. 32:4-6, 10; 1. Кор. 10:7, 11).

   2. На што треба да внимаваат христијаните кога избираат забава, како што се пеењето и танцувањето? (2. Мој. 32:18, 19; Еф. 5:15, 16; 1. Јов. 2:15-17).

   3. Како примерот на племето на Леви добро покажува што значи тоа да се брани праведноста? (2. Мој. 32:25-28; Пс. 18:25).

37. приказна

Светиот шатор

1. Како била наречена градбата прикажана на сликата, и за што се користела?

2. Зошто Јехова му рекол на Мојсеј да го направи шаторот на таков начин што ќе може лесно да се расклопи?

3. Што е кутијата во малата соба на крајот од шаторот, и што имало во неа?

4. Кого избрал Јехова за да биде првосвештеник, и што правел првосвештеникот?

5. Кои три предмети се наоѓале во поголемата соба на шаторот?

6. Кои два предмета се наоѓале во дворот на шаторот, и за што се користеле тие?

Дополнителни прашања:

1. Прочитај 2. Мојсеева 25:8-40; 26:1-37; 27:1-8 и 28:1.

   Што претставувале херувимите врз „ковчегот на сведоштвото“? (2. Мој. 25:20, 22; 4. Мој. 7:89; 2. Цар. 19:15).

2. Прочитај 2. Мојсеева 30:1-10, 17-21; 34:1, 2 и Евреите 9:1-5.

   1. Зошто Јехова им нагласил на свештениците што служеле во шаторот дека е важно постојано да бидат физички чисти, и како треба тоа да влијае врз нас денес? (2. Мој. 30:18-21; 40:30, 31; Евр. 10:22).

   2. Како покажал апостол Павле дека шаторот и сојузот на Законот веќе не биле во употреба и не важеле во времето кога го напишал своето писмо до еврејските христијани? (Евр. 9:1, 9; 10:1).

38. приказна

Дванаесетте извидувачи

1. Што забележуваш кај гроздот на сликата, и од каде го донеле?

2. Зошто Мојсеј испратил 12 извидувачи во земјата Ханаан?

3. Што рекле десет извидувачи кога се вратиле кај Мојсеј?

4. Како двајца извидувачи покажале доверба во Јехова, и како се викаат тие?

5. Зошто Јехова бил лут, и што му рекол на Мојсеј?

Дополнителни прашања:

1. Прочитај 4. Мојсеева 13:1-33.

   1. Кој бил избран за да ја извидува земјата, и каква одлична можност имале тие? (4. Мој. 13:2, 3, 18-20).

   2. Зошто Исус Навин и Халев имале поинаков став од другите извидувачи, и што учиме ние од тоа? (4. Мој. 13:28-30; Мат. 17:20; 2. Кор. 5:7).

2. Прочитај 4. Мојсеева 14:1-38.

   1. Кое предупредување во врска со мрморењето против Јеховините претставници на Земјата важи и за нас? (4. Мој. 14:2, 3, 27; Мат. 25:40, 45; 1. Кор. 10:10).

   2. Како покажува 4. Мојсеева 14:24 дека Јехова лично се интересира за секој свој слуга? (1. Цар. 19:18; Изр. 15:3).

39. приказна

Ароновиот стап цвета

1. Кој бил против тоа Мојсеј и Арон да бидат водачи, и што му рекле тие на Мојсеј?

2. Што им рекол Мојсеј на Кореј и на неговите 250 следбеници да направат?

3. Што му рекол Мојсеј на народот, и што се случило веднаш штом престанал да зборува?

4. Што им се случило на Кореј и на неговите 250 следбеници?

5. Што направил Ароновиот син Елеазар со кадилниците на мртвите мажи, и зошто?

6. Зошто Јехова предизвикал Ароновиот стап да расцвета? (Види ја сликата.)

Дополнителни прашања:

1. Прочитај 4. Мојсеева 16:1-49.

   1. Што направиле Кореј и неговите следбеници, и зошто тоа било побуна против Јехова? (4. Мој. 16:9, 10, 18; 3. Мој. 10:1, 2; Изр. 11:2).

   2. Каков погрешен став развиле Кореј и 250-те „поглавари на заедницата“? (4. Мој. 16:1-3; Изр. 15:33; Иса 49:7).

2. Прочитај 4. Мојсеева 17:1-11 и 26:10.

   1. Што покажал расцветаниот Аронов стап, и зошто Јехова заповедал да го стават во ковчегот? (4. Мој. 17:5, 8, 10; Евр. 9:4).

   2. Која важна поука можеме да ја извлечеме од тоа што Ароновиот стап расцветал? (4. Мој. 17:10; Дела 20:28; Фил. 2:14; Евр. 13:17).

40. приказна

Мојсеј удира во карпата

1. На кој начин Јехова се грижел за Израелците додека биле во пустината?

2. На што почнале да се жалат Израелците кога се улогориле во Кадис?

3. На кој начин Јехова обезбедил вода за народот и за нивните животни?

4. Кој е човекот на сликата, кој покажува кон себе, и зошто го прави тоа?

5. Зошто Јехова им се налутил на Мојсеј и на Арон, и како ги казнил?

6. Што се случило на планината Хор, и кој станал првосвештеник на Израел?

Дополнителни прашања:

1. Прочитај 4. Мојсеева 20:1-13, 22-29 и 5. Мојсеева 29:5.

   1. Што учиме од начинот на кој Јехова се грижел за Израелците во пустината? (5. Мој. 29:5; Мат. 6:31; Евр. 13:5; Јак. 1:17).

   2. Како гледал Јехова на тоа што Мојсеј и Арон не го посветиле него пред Израел? (4. Мој. 20:12; 1. Кор. 10:12; Отк. 4:11).

   3. Што можеме да научиме од начинот на кој Мојсеј реагирал на казната што ја добил од Јехова? (4. Мој. 12:3; 20:12, 27, 28; 5. Мој. 32:4; Евр. 12:7-11).

41. приказна

Бакарната змија

1. Што гледаш на сликата? Што се обвило околу столбот, и зошто Јехова му рекол на Мојсеј да го стави таму?

2. Како покажале луѓето дека не биле благодарни за сето тоа што Бог го направил за нив?

3. Што побарал народот од Мојсеј откако Јехова ги пуштил отровните змии за да ги казни?

4. Зошто Јехова му рекол на Мојсеј да направи бакарна змија?

5. Што можеме да научиме од оваа приказна?

Дополнителни прашања:

1. Прочитај 4. Мојсеева 21:4-9.

   1. Кое предупредување за нас произлегува од Израелците, кои се жалеле од она што Јехова го правел за нив? (4. Мој. 21:5, 6; Рим. 2:4).

   2. За што ја користеле Израелците бакарната змија во наредните векови, и што направил цар Езекија против тоа? (4. Мој. 21:9; 2. Цар. 18:1-4).

2. Прочитај Јован 3:14, 15.

   На кој начин поставувањето на бакарната змија на столб добро го претставува приковувањето на Исус Христос? (Гал. 3:13; 1. Пет. 2:24).

42. приказна

Една магарица зборува

1. Кој бил Валак, и зошто испратил луѓе да го викнат Валаам?

2. Зошто магарицата на Валаам легнала на патот?

3. Што му рекла магарицата на Валаам?

4. Што му рекол ангелот на Валаам?

5. Што се случило кога Валаам се обидел да го проколне Израел?

Дополнителни прашања:

1. Прочитај 4. Мојсеева 21:21-35.

   Зошто Израел ги победил аморејскиот цар Сихон и васанскиот цар Ог? (4. Мој. 21:21, 23, 33, 34).

2. Прочитај 4. Мојсеева 22:1-40.

   Од кој мотив Валаам се обидел да го проколне Израел, и каква поука можеме да извлечеме од тоа? (4. Мој. 22:16, 17; Изр. 6:16, 18; 2. Пет. 2:15; Јуда 11).

3. Прочитај 4. Мојсеева 23:1-30.

   Иако Валаам зборувал како да бил слуга на Јехова, како покажале неговите дела дека не е така? (4. Мој. 23:3, 11-14; 1. Сам. 15:22).

4. Прочитај 4. Мојсеева 24:1-25.

   На кој начин библискиот извештај ја зајакнува нашата вера дека Јеховината намера ќе се исполни? (4. Мој. 24:10; Иса 54:17).

43. приказна

Исус Навин станува водач

1. Кои се двајцата мажи на сликата, кои стојат до Мојсеј?

2. Што му рекол Јехова на Исус Навин?

3. Зошто Мојсеј се искачил на врвот од планината Нево, и што му рекол Јехова?

4. Колку години имал Мојсеј кога умрел?

5. Зошто народот бил тажен, но која причина ја имале за да бидат среќни?

Дополнителни прашања:

1. Прочитај 4. Мојсеева 27:12-23.

   Која тешка задача ја добил Исус Навин од Јехова, и како се гледа денес дека Јехова се грижи за својот народ? (4. Мој. 27:15-19; Дела 20:28; Евр. 13:7).

2. Прочитај 5. Мојсеева 3:23-29.

   Зошто Јехова не им дозволил на Мојсеј и Арон да влезат во Ветената земја, и каква поука извлекуваме ние од тоа? (5. Мој. 3:25-27; 4. Мој. 20:12, 13).

3. Прочитај 5. Мојсеева 31:1-8, 14-23.

   Како покажуваат зборовите што Мојсеј им ги кажал на Израелците на разделба дека тој понизно ја прифатил казната од Јехова? (5. Мој. 31:6-8, 23).

4. Прочитај 5. Мојсеева 32:45-52.

   Како треба да влијае врз нашиот живот Божјата реч? (5. Мој. 32:47; 3. Мој. 18:5; Евр. 4:12).

5. Прочитај 5. Мојсеева 34:1-12.

   Иако Мојсеј никогаш не го видел Јехова во вистинската смисла на зборот, што покажува 5. Мојсеева 34:10 во врска со неговиот однос со Јехова? (2. Мој. 33:11, 20; 4. Мој. 12:8).

44. приказна

Раав ги крие извидувачите

1. Каде живеела Раав?

2. Кои се овие двајца мажи на сликата, и зошто се во Ерихон?

3. Што ѝ заповедале на Раав луѓето на царот на Ерихон, и што рекла таа?

4. Како Раав им помогнала на двајцата мажи, и каква услуга побарала таа?

5. Што ѝ ветиле на Раав двајцата извидувачи?

Дополнителни прашања:

1. Прочитај Исус Навин 2:1-24.

   Како се исполнило ветувањето што го дал Јехова, а е запишано во 2. Мојсеева 23:27, кога Израелците дошле за да го нападнат Ерихон? (Ис. Нав. 2:9-11).

2. Прочитај Евреите 11:31.

   На кој начин примерот на Раав нагласува колку е важна верата? (Рим. 1:17; Евр. 10:39; Јак. 2:25).

45. приказна

Преминување на реката Јордан

1. Какво чудо направил Јехова за да можат Израелците да ја преминат реката Јордан?

2. Каква вера морале да покажат Израелците за да ја преминат реката Јордан?

3. Зошто Јехова му рекол на Исус Навин да собере 12 големи камења од речното корито?

4. Што се случило веднаш откако свештениците излегле од Јордан?

Дополнителни прашања:

1. Прочитај Исус Навин 3:1-17.

   1. Што треба да направиме за да добиеме помош и благослов од Јехова, како што покажува овој извештај? (Ис. Нав. 3:13, 15; Изр. 3:5; Јак. 2:22, 26).

   2. Што се случило со реката Јордан кога Израелците ја преминале на патот кон Ветената земја, и како тоа го прославило Јеховиното име? (Ис. Нав. 3:15; 4:18; Пс. 66:5-7).

2. Прочитај Исус Навин 4:1-18.

   За што служеле 12-те камења кои ги зеле од Јордан и ги ставиле во Гилгал? (Ис. Нав. 4:4-7, 19-24).

46. приказна

Ѕидиштата на Ерихон

1. Што им рекол Јехова на борците и на свештениците да прават шест дена?

2. Што требало да прават луѓето на седмиот ден?

3. Што се случило со ѕидиштата на Ерихон, како што се гледа на сликата?

4. Зошто една црвена врвца висела од прозорецот?

5. Што им рекол Исус Навин на борците да направат со луѓето и со градот, а што со среброто, златото, бакарот и железото?

6. Што им било речено на двајцата извидувачи да направат?

Дополнителни прашања:

1. Прочитај Исус Навин 6:1-25.

   1. На кој начин марширањето на Израелците околу Ерихон на седмиот ден е слично со проповедањето на Јеховините сведоци во овие последни денови? (Ис. Нав. 6:15, 16; Иса. 60:22; Мат. 24:14; 1. Кор. 9:16).

   2. На кој начин, околу 500 години подоцна, се исполнило пророштвото запишано во Исус Навин 6:26, и што учиме од тоа за Јеховината реч? (1. Цар. 16:34; Иса. 55:11).

47. приказна

Крадец во Израел

1. Кој е човекот на сликата што ги закопува вредните работи земени од Ерихон, и кои се тие што му помагаат?

2. Зошто е толку сериозно тоа што го направиле Ахан и неговото семејство?

3. Што рекол Јехова кога Исус Навин прашал зошто Израелците биле победени во битката кај Гај?

4. Што се случило со Ахан и со неговото семејство кога ги довеле пред Исус Навин?

5. Која важна поука ја извлекуваме од пресудата над Ахан?

Дополнителни прашања:

1. Прочитај Исус Навин 7:1-26.

   1. Што откриваат молитвите на Исус Навин за неговиот однос со својот Творец? (Ис. Нав. 7:7-9; Пс. 119:145; 1. Јов. 5:14).

   2. Што покажува примерот на Ахан, и какво предупредување е тоа за нас? (Ис. Нав. 7:11, 14, 15; Изр. 15:3; 1. Тим. 5:24; Евр. 4:13).

2. Прочитај Исус Навин 8:1-29.

   Ако знаеме дека некој во собранието прави грев, што мора да направи секој од нас? (Ис. Нав. 7:13; 3. Мој. 5:1; Изр. 28:13).

48. приказна

Мудрите Гаваонци

1. По што се разликувале жителите на Гаваон од Ханаанците во околните градови?

2. Што направиле Гаваонците, како што е покажано на сликата, и зошто?

3. Што им ветиле Исус Навин и водачите на Израел на Гаваонците, но што откриле три дена подоцна?

4. Што се случило кога царевите на другите градови чуле дека Гаваонците склучиле мир со Израел?

Дополнителни прашања:

1. Прочитај Исус Навин 9:1-27.

   1. Со оглед на тоа што Јехова му дал упатства на израелскиот народ ‚да ги истреби сите жители на таа земја‘, кои негови особини доаѓаат до израз во тоа што ги поштедил Гаваонците? (Ис. Нав. 9:22, 24; Мат. 9:13; Дела 10:34, 35; 2. Пет. 3:9).

   2. Како Исус Навин дал одличен пример за денешните христијани со тоа што се држел за ветувањето што им го дал на Гаваонците? (Ис. Нав. 9:18, 19; Мат. 5:37; Еф. 4:25).

2. Прочитај Исус Навин 10:1-5.

   На кој начин големото мноштво денес постапува како Гаваонците, и чија мета станува поради тоа? (Ис. Нав. 10:4; Зах. 8:23; Мат. 25:35-40; Отк. 12:17).

49. приказна

Сонцето застанува

1. Што вели Исус Навин на сликата, и зошто?

2. Како Јехова им помогнал на Исус Навин и на неговите борци?

3. Колку непријателски цареви победил Исус Навин, и колку време му било потребно за тоа?

4. Зошто Исус Навин ја поделил ханаанската земја?

5. Колку години имал Исус Навин кога умрел, и што се случило со народот потоа?

Дополнителни прашања:

1. Прочитај Исус Навин 10:6-15.

   Во што сме сигурни ние денес поради тоа што знаеме дека Јехова предизвикал Сонцето и Месечината да застанат заради Израел? (Ис. Нав. 10:8, 10, 12, 13; Пс. 18:3; Изр. 18:10).

2. Прочитај Исус Навин 12:7-24.

   Кој бил, всушност, тој што ги победил царевите во Ханаан, кои биле вкупно 31, и зошто е тоа важно за нас денес? (Ис. Нав. 12:7; 24:11-13; 5. Мој. 31:8; Лука 21:9, 25-28).

3. Прочитај Исус Навин 14:1-5.

   Како била поделена земјата меѓу израелските племиња, и што покажува тоа во врска со добивањето на наследство во Рајот? (Ис. Нав. 14:2; Иса. 65:21; Езек. 47:21-23; 1. Кор. 14:33).

4. Прочитај Судиите 2:8-13.

   Кој е денес, слично на Исус Навин во Израел, како пречка за отпадниците? (Суд. 2:8, 10, 11; Мат. 24:45-47; 2. Сол. 2:3-6; Тит 1:7-9; Отк. 1:1; 2:1, 2).

50. приказна

Две храбри жени

1. Кои биле судиите, и како се викале некои од нив?

2. Која посебна чест ја имала Девора, и што правела таа?

3. Која порака од Јехова му ја пренела Девора на судијата Варак кога на Израел му се заканиле цар Јавин и неговиот заповедник, Сисара, дека ќе го нападнат, и кој требало да ја добие заслугата за тоа, според нејзините зборови?

4. Како Јаила покажала дека била храбра жена?

5. Што се случило по смртта на царот Јавин?

Дополнителни прашања:

1. Прочитај Судиите 2:14-22.

   Како Израелците го натерале Јехова да им се налути, и која поука можеме да ја извлечеме од тоа? (Суд. 2:20; Изр. 3:1, 2; Езек. 18:21-23).

2. Прочитај Судиите 4:1-24.

   Кои поуки во врска со верата и храброста можат да ги извлечат денешните христијанки од примерот на Девора и на Јаила? (Суд. 4:4, 8, 9, 14, 21, 22; Изр. 31:30; 1. Кор. 16:13).

3. Прочитај Судиите 5:1-31.

   На кој начин може победничката песна на Варак и Девора да се користи како пример за молитва во врска со претстојната војна Армагедон? (Суд. 5:3, 31; 1. Лет. 16:8-10; Отк. 7:9, 10; 16:16; 19:19-21).

51. приказна

Рут и Ноемина

1. Зошто Ноемина дошла во земјата Моав?

2. Кои биле Рут и Орфа?

3. Како реагирале Рут и Орфа кога Ноемина им рекла да се вратат кај својот народ?

4. Кој бил Вооз, и како тој им помагал на Рут и на Ноемина?

5. Како се викало детето што им се родило на Вооз и Рут, и зошто треба да го запомниме?

Дополнителни прашања:

1. Прочитај Рут 1:1-17.

   1. На каков прекрасен начин Рут ја изразила својата лојална љубов? (Рут 1:16, 17).

   2. На кој начин ставот на Рут одлично го покажува ставот на ‚другите овци‘ кон помазаниците што се на Земјата денес? (Јован 10:16; Зах. 8:23).

2. Прочитај Рут 2:1-23.

   На кој начин Рут им дала добар пример на денешните млади жени? (Рут 2:17, 18; Изр. 23:22; 31:15).

3. Прочитај Рут 3:5-13.

   1. Како гледал Вооз на желбата на Рут да се омажи за него наместо за некој помлад маж?

   2. Што учиме за лојалната љубов од ставот на Рут? (Рут 3:10; 1. Кор. 13:4, 5).

4. Прочитај Рут 4:7-17.

   На кој начин можат денешните христијански мажи да бидат како Вооз? (Рут 4:9, 10; 1. Тим. 3:1, 12, 13; 5:8).

52. приказна

Гедеон и неговите 300 луѓе

1. Како и зошто биле Израелците во голема неволја?

2. Зошто Јехова му рекол на Гедеон дека има премногу луѓе во својата војска?

3. Колку луѓе му останале на Гедеон откако им рекол на плашливите да се вратат дома?

4. Со помош на сликата објасни како Јехова го намалил бројот на Гедеоновите војници на само 300 луѓе.

5. Како Гедеон ги распоредил своите 300 луѓе, и како победил Израел во борбата?

Дополнителни прашања:

1. Прочитај Судиите 6:36-40.

   1. На кој начин Гедеон станал сигурен која е Јеховината волја?

   2. Како откриваме ние денес која е Јеховината волја? (Изр. 2:3-6; Мат. 7:7-11; 2. Тим. 3:16, 17).

2. Прочитај Судиите 7:1-25.

   1. Која поука можеме да ја извлечеме од тие 300 луѓе што биле претпазливи за разлика од оние што покажале немарност? (Суд. 7:3, 6; Рим. 13:11, 12; Еф. 5:15-17).

   2. Исто како што тие 300 луѓе учеле гледајќи го Гедеон, како учиме ние гледајќи го Поголемиот Гедеон, Исус Христос? (Суд. 7:17; Мат. 11:29, 30; 28:19, 20; 1. Пет. 2:21).

   3. На кој начин Судиите 7:21 ни помага да бидеме задоволни со задачата што ни ја дава Јеховината организација, сеедно каде мораме да ја вршиме? (1. Кор. 4:2; 12:14-18; Јак. 4:10).

3. Прочитај Судиите 8:1-3.

   Што учиме од начинот на кој постапил Гедеон во препирката со Ефремовците, и како тоа ќе ни помогне да расчистиме лични недоразбирања со некој брат или сестра? (Изр. 15:1; Мат. 5:23, 24; Лука 9:48).

53. приказна

Ветувањето на Јефтај

1. Кој бил Јефтај, и во кое време живеел тој?

2. Што му ветил Јефтај на Јехова?

3. Зошто Јефтај се разжалостил кога се вратил дома откако ги победил Амонците?

4. Што рекла ќерката на Јефтај кога дознала што ветил татко ѝ?

5. Зошто народот ја сакал ќерката на Јефтај?

Дополнителни прашања:

1. Прочитај Судиите 10:6-18.

   На што нѐ предупредува тоа што Израел му бил неверен на Јехова? (Суд. 10:6, 15, 16; Рим. 15:4; Отк. 2:10).

2. Прочитај Судиите 11:1-11, 29-40.

   1. Од каде знаеме дека Јефтај не мислел да ја фрли во оган својата ќерка како човечка жртва кога рекол дека ќе ја даде како „жртва паленица“? (Суд. 11:31; 3. Мој. 16:24; 5. Мој. 18:10, 12).

   2. На кој начин Јефтај ја принел својата ќерка како жртва?

   3. Што можеме да научиме од ставот на Јефтај кон заветот што му го дал на Јехова? (Суд. 11:35, 39; Проп. 5:4, 5; Мат. 16:24).

   4. На кој начин е ќерката на Јефтај одличен пример за младите христијани кои би сакале да служат полновремено? (Суд. 11:36; Мат. 6:33; Фил. 3:8).

54. приказна

Најсилниот човек

1. Како се викал најсилниот човек кој некогаш живеел, и кој му ја дал таа сила?

2. Што му направил еднаш Самсон на еден голем лав, како што можеш да видиш на сликата?

3. Која тајна ѝ ја кажува Самсон на Делила на сликата, и како тоа било причина да го заробат Филистејците?

4. На кој начин Самсон убил 3.000 непријателски Филистејци на денот кога умрел и самиот тој?

Дополнителни прашања:

1. Прочитај Судиите 13:1-14.

   Како Маној и неговата жена се добар пример за родителите во врска со одгледувањето на децата? (Суд. 13:8; Пс. 127:3; Еф. 6:4).

2. Прочитај Судиите 14:5-9 и 15:9-16.

   1. Што откриваат за дејствувањето на Јеховиниот свет дух извештаите за Самсон кога го убил лавот, кога ги скинал новите јажиња со кои бил врзан и кога со магарешка челуст убил 1.000 луѓе?

   2. На кој начин светиот дух ни помага нам денес? (Суд. 14:6; 15:14; Зах. 4:6; Дела 4:31).

3. Прочитај Судиите 16:18-31.

   Како влијаело врз Самсон лошото друштво, и што можеме да научиме од тоа? (Суд. 16:18, 19; 1. Кор. 15:33).

55. приказна

Едно мало дете му служи на Бог

1. Како се вика малото дете на сликата, и кои се другите?

2. За што се молела Ана кога еднаш го посетила Јеховиниот свет шатор, и како Јехова ѝ одговорил?

3. Колку години имал Самоил кога бил одведен да служи во Јеховиниот шатор, и што правела мајка му за него секоја година?

4. Како се викале синовите на Илиј, и какви луѓе биле тие?

5. Како Јехова го повикал Самоил, и каква порака му дал?

6. Што станал Самоил кога пораснал, и што се случило кога остарел?

Дополнителни прашања:

1. Прочитај 1. Самоилова 1:1-28.

   1. Кој одличен пример за семејните поглавари го дал Елкана со тоа што го предводел своето семејство во службата за вистинскиот Бог? (1. Сам. 1:3, 21; Мат. 6:33; Фил. 1:10).

   2. Која поука можеме да ја извлечеме од начинот на кој Ана решила еден сложен проблем? (1. Сам. 1:10, 11; Пс. 55:22; Рим. 12:12).

2. Прочитај 1. Самоилова 2:11-36.

   На кој начин Илиј им укажувал поголема чест на своите синови отколку на Јехова, и како ова ни служи како предупредување? (1. Сам. 2:22-24, 27, 29; 5. Мој. 21:18-21; Мат. 10:36, 37).

3. Прочитај 1. Самоилова 4:16-18.

   Која четирикратна лоша вест дошла од бојното поле, и како влијаело тоа врз Илиј?

4. Прочитај 1. Самоилова 8:4-9.

   Како Израелците многу го навредиле Јехова, и на кој начин можеме ние лојално да го поддржуваме неговото Царство денес? (1. Сам. 8:5, 7; Јован 17:16; Јак. 4:4).

56. приказна

Саул — првиот цар на Израел

1. Што прави Самоил на сликата, и зошто?

2. Зошто Саул му се допаѓал на Јехова, и каков човек бил тој?

3. Како се викал синот на Саул, и што направил тој син?

4. Зошто Саул принел жртва наместо да го чека Самоил да го стори тоа?

5. Која поука можеме да ја извлечеме од извештајот за Саул?

Дополнителни прашања:

1. Прочитај 1. Самоилова 9:15-21 и 10:17-27.

   Како му помогнала скромноста на Саул да не избрза со реакцијата кога некои луѓе зборувале навредливо за него? (1. Сам. 9:21; 10:21, 22, 27; Изр. 17:27).

2. Прочитај 1. Самоилова 13:5-14.

   Каков грев направил Саул во Гилгал? (1. Сам. 10:8; 13:8, 9, 13).

3. Прочитај 1. Самоилова 15:1-35.

   1. Каков сериозен грев направил Саул во врска со Агаг, амаличкиот цар? (1. Сам. 15:2, 3, 8, 9, 22).

   2. Како Саул се обидел да се оправда за своите постапки и да ја префрли вината на друг? (1. Сам. 15:24).

   3. На кое предупредување треба да помислиме кога ќе добиеме совет? (1. Сам. 15:19-21; Пс. 141:5; Изр. 9:8, 9; 11:2).

57. приказна

Бог го избира Давид

1. Како се вика момчето на сликата, и од каде знаеме дека е храбро?

2. Каде живеел Давид, и како се викале татко му и дедо му?

3. Зошто Јехова му рекол на Самоил да оди во куќата на Јесеј во Витлеем?

4. Што се случило кога Јесеј довел пред Самоил седум од своите синови?

5. Што му рекол Јехова на Самоил кога го довеле Давид?

Дополнителни прашања:

1. Прочитај 1. Самоилова 17:34, 35.

   Како овие настани ја нагласуваат храброста на Давид и неговата доверба во Јехова? (1. Сам. 17:37).

2. Прочитај 1. Самоилова 16:1-14.

   1. Како ни помагаат Јеховините зборови од 1. Самоилова 16:7 да бидеме непристрасни и да не ги оценуваме луѓето според изгледот? (Дела 10:34, 35; 1. Тим. 2:4).

   2. Како примерот на Саул покажува дека, кога Јехова ќе му го одземе на некој човек својот свет дух, празнината може да биде исполнета со лош дух, односно со внатрешна склоност која го тера да постапува погрешно? (1. Сам. 16:14; Мат. 12:43-45; Гал. 5:16).

58. приказна

Давид и Голијат

1. Каков предизвик ѝ упатил Голијат на Израелската војска?

2. Колку голем бил Голијат, и каква награда му ветил цар Саул на човекот што ќе го убие Голијат?

3. Што му одговорил Давид на Саул кога тој му рекол дека не може да се бори со Голијат затоа што е уште дете?

4. Како се гледа од одговорот што Давид му го дал на Голијат дека Давид имал доверба во Јехова?

5. Што користел Давид за да го убие Голијат, како што се гледа на сликата, и што направиле Филистејците потоа?

Дополнителни прашања:

1. Прочитај 1. Самоилова 17:1-54.

   1. Зошто Давид бил толку бестрашен, и што да правиме за да бидеме храбри како него? (1. Сам. 17:37, 45; Еф. 6:10, 11).

   2. Зошто христијаните не треба да имаат натпреварувачки дух како Голијат кога играат некоја игра или се рекреираат? (1. Сам. 17:8; Гал. 5:26; 1. Тим. 4:8).

   3. Како покажуваат зборовите на Давид дека тој верувал дека Бог ќе му помогне? (1. Сам. 17:45-47; 2. Лет. 20:15).

   4. Како покажува овој извештај дека битката меѓу двете војски не била само обичен натпревар, туку вистинска борба меѓу лажните богови и вистинскиот Бог, Јехова? (1. Сам. 17:43, 46, 47).

   5. Како помазаниот остаток покажува иста доверба во Јехова како што покажал Давид? (1. Сам. 17:37; Ерем. 1:17-19; Отк. 12:17).

59. приказна

Зошто Давид мора да бега

1. Зошто Саул станал љубоморен на Давид, и зошто неговиот син Јонатан не бил како него?

2. Што се случило еден ден кога Давид му свирел на харфа на Саул?

3. Што побарал Саул од Давид за да може Давид да ја земе за жена Михала, ќерката на Саул, и зошто?

4. Што се случило по трет пат додека Давид му свирел на харфа на Саул, како што покажува сликата?

5. Како Михала му го спасила животот на Давид, и што морал да прави Давид седум години?

Дополнителни прашања:

1. Прочитај 1. Самоилова 18:1-30.

   1. Како нераскинливата љубов на Јонатан кон Давид ја претскажува заемната љубов меѓу ‚другите овци‘ и ‚малото стадо‘? (1. Сам. 18:1; Јован 10:16; Лука 12:32; Зах. 8:23).

   2. Со оглед на фактот дека Јонатан во нормални услови би бил наследникот на Саул, како покажува 1. Самоилова 18:4 дека Јонатан бил извонреден пример за тоа што значи да си му подложен на оној што е избран за цар?

   3. Како покажува примерот на Саул дека љубомората може да доведе до сериозен грев, и кое предупредување произлегува од тоа за нас? (1. Сам. 18:7-9, 25; Јак. 3:14-16).

2. Прочитај 1. Самоилова 19:1-17.

   Како Јонатан си го довел во опасност сопствениот живот кога се соочил со Саул? (1. Сам. 19:1, 4-6; Изр. 16:14).

60. приказна

Авигеја и Давид

1. Како се вика жената на сликата, која доаѓа кај Давид, и каква личност е таа?

2. Кој бил Навал?

3. Зошто Давид испратил некои од своите луѓе да го замолат Навал за услуга?

4. Што им рекол Навал на Давидовите луѓе, и како реагирал Давид?

5. Како покажала Авигеја дека била мудра жена?

Дополнителни прашања:

1. Прочитај 1. Самоилова 22:1-4.

   Како семејството на Давид дало одличен пример за тоа како треба да се поддржуваме меѓусебно во христијанското братство? (Изр. 17:17; 1. Сол. 5:14).

2. Прочитај 1. Самоилова 25:1-43.

   1. Зошто Навал е опишан како лош човек? (1. Сам. 25:2-5, 10, 14, 21, 25).

   2. Што можат да научат денешните мажени христијанки од примерот на Авигеја? (1. Сам. 25:32, 33; Изр. 31:26; Еф. 5:24).

   3. Кои две лоши работи ќе ги направел Давид ако не го спречила Авигеја? (1. Сам. 25:31, 33; Рим. 12:19; Еф. 4:26).

   4. Како начинот на кој Давид реагирал на зборовите на Авигеја им помага на денешните мажи да го имаат истиот став кон жените што го има и Јехова? (Дела 21:8, 9; Рим. 2:11; 1. Пет. 3:7).

61. приказна

Давид станува цар

1. Што направиле Давид и Ависај додека Саул спиел во својот логор?

2. Кои прашања му ги поставил Давид на Саул?

3. Каде отишол Давид откако заминал откај Саул?

4. Зошто Давид многу се растажил, па напишал и една убава песна?

5. Колку години имал Давид кога станал цар во Хеврон, и како се викале некои негови синови?

6. Во кој град Давид владеел како цар подоцна?

Дополнителни прашања:

1. Прочитај 1. Самоилова 26:1-25.

   1. Каков став имал Давид кон теократскиот ред, според она што го кажал во 1. Самоилова 26:11? (Пс. 37:7; Рим. 13:2).

   2. Како ни помагаат Давидовите зборови запишани во 1. Самоилова 26:23 да задржиме исправен став кога некој не реагира добро на нашиот искрен напор да покажеме добрина кон него? (1. Цар. 8:32; Пс. 18:20).

2. Прочитај 2. Самоилова 1:26.

   На кој начин можат христијаните денес ‚горливо да се сакаат еден со друг‘ како што се сакале Давид и Јонатан? (1. Пет. 4:8; Кол. 3:14; 1. Јов. 4:12).

3. Прочитај 2. Самоилова 5:1-10.

   1. Колку години Давид владеел како цар, и како бил поделен тој период? (2. Сам. 5:4, 5).

   2. Кој го поставил Давид на таа висока положба, и на што нѐ потсетува тоа нас денес? (2. Сам. 5:10; 1. Сам. 16:13; 1. Кор. 1:31; Фил. 4:13).

62. приказна

Проблеми во Давидовиот дом

1. Што се случило на крајот со земјата Ханаан со Јеховина помош?

2. Што се случило една вечер додека Давид бил на покривот на својата палата?

3. Зошто Јехова бил многу лут на Давид?

4. Кого Јехова го испратил кај Давид, како што се гледа на сликата, за да му каже за неговите гревови, и што требало да му се случи на Давид според зборовите на тој човек?

5. Какви проблеми имал Давид?

6. По Давид, кој станал следниот цар на Израел?

Дополнителни прашања:

1. Прочитај 2. Самоилова 11:1-27.

   1. Како сме заштитени кога сме многу зафатени со службата за Јехова?

   2. Како паднал Давид во грев, и какво предупредување е тоа за Јеховините слуги денес? (2. Сам. 11:2; Мат. 5:27-29; 1. Кор. 10:12; Јак. 1:14, 15).

2. Прочитај 2. Самоилова 12:1-18.

   1. Која поука може да ја извлечат старешините и родителите од начинот на кој Натан му зборувал на Давид за да му даде совет? (2. Сам. 12:1-4; Изр. 12:18; Мат. 13:34).

   2. Зошто Јехова бил милосрден кон Давид? (2. Сам. 12:13; Пс. 32:5; 2. Кор. 7:9, 10).

63. приказна

Мудриот цар Соломон

1. Што го прашал Јехова Соломон, и како му одговорил тој?

2. Што му ветил Јехова на Соломон поради тоа што бил задоволен со неговото барање?

3. Каков тежок проблем изнеле пред Соломон две жени?

4. Како го решил Соломон проблемот, како што можеш да видиш на сликата?

5. Каков бил животот додека владеел Соломон, и зошто?

Дополнителни прашања:

1. Прочитај 1. Царевите 3:3-28.

   1. Што можат да научат мажите што денес имаат одговорности во Божјата организација од искрените зборови на Соломон запишани во 1. Царевите 3:7? (Пс. 119:105; Изр. 3:5, 6).

   2. На кој начин барањето на Соломон многу добро покажува кои се исправните работи за кои треба да се молиме? (1. Цар. 3:9, 11; Изр. 30:8, 9; 1. Јов. 5:14).

   3. Како начинот на кој Соломон го решил проблемот со двете жени ни покажува зошто можеме да бидеме сигурни дека Поголемиот Соломон, Исус Христос, во иднина ќе владее многу добро? (1. Цар. 3:28; Иса. 9:6, 7; 11:2-4).

2. Прочитај 1. Царевите 4:29-34.

   1. Како Јехова му го исполнил барањето на Соломон да му даде послушно срце? (1. Цар. 4:29).

   2. Каков треба да биде нашиот став кон проучувањето на Божјата реч ако земеме предвид колкав напор вложувале луѓето за да ја чујат мудроста на Соломон? (1. Цар. 4:29, 34; Јован 17:3; 2. Тим. 3:16).

64. приказна

Соломон го гради храмот

1. Колку време му било потребно на Соломон за да го изгради Јеховиниот храм, и зошто тоа чинело толку многу пари?

2. Колку главни простории имало во храмот, и што било ставено во неговата внатрешна соба?

3. Што рекол Соломон во молитвата што ја кажал кога бил завршен храмот?

4. Како покажал Јехова дека бил задоволен со молитвата на Соломон?

5. На што го навеле Соломон неговите жени, и што му се случило?

6. Зошто Јехова му се налутил на Соломон, и што му рекол?

Дополнителни прашања:

1. Прочитај 1. Летописи 28:9, 10.

   Ако ги имаме на ум Давидовите зборови запишани во 1. Летописи 28:9, 10, што треба да се трудиме да правиме во нашиот секојдневен живот? (Пс. 19:14; Фил. 4:8, 9).

2. Прочитај 2. Летописи 6:12-21, 32-42.

   1. Како покажал Соломон дека ниту една зграда направена од човек не може да го собере Севишниот Бог? (2. Лет. 6:18; Дела 17:24, 25).

   2. Што покажуваат за Јехова Соломоновите зборови запишани во 2. Летописи 6:32, 33? (Дела 10:34, 35; Гал. 2:6).

3. Прочитај 2. Летописи 7:1-5.

   По примерот на синовите на Израел, кои биле поттикнати да го фалат Јехова кога ја виделе неговата слава, како треба да влијае врз нас размислувањето за благословите кои Јехова му ги дава на својот народ? (2. Лет. 7:3; Пс. 22:22; 34:1; 96:2).

4. Прочитај 1. Царевите 11:9-13.

   Како покажува животот на Соломон колку е важно да останеме верни до крај? (1. Цар. 11:4, 9; Мат. 10:22; Отк. 2:10).

65. приказна

Царството е разделено

1. Како се викаат двајцата мажи на сликата, и што се тие?

2. Што направил Ахија со наметката што ја носел, и што значело тоа?

3. Што се обидел да му направи Соломон на Јеровоам?

4. Зошто народот го поставил Јеровоам за цар на десет племиња?

5. Зошто Јеровоам направил две златни телиња, и што се случило со земјата набрзо потоа?

6. Што се случило со двоплеменското царство и со Јеховиниот храм во Ерусалим?

Дополнителни прашања:

1. Прочитај 1. Царевите 11:26-43.

   Каков човек бил Јеровоам, и што му ветил Јехова дека ќе му даде ако се држи за Божјите закони? (1. Цар. 11:28, 38).

2. Прочитај 1. Царевите 12:1-33.

   1. Што можат да научат родителите и старешините од лошиот пример на Ровоам во врска со злоупотребата на авторитетот? (1. Цар. 12:13; Проп. 7:7; 1. Пет. 5:2, 3).

   2. Од кого треба денешните млади да бараат сигурно водство кога треба да донесат важни одлуки во животот? (1. Цар. 12:6, 7; Изр. 1:8, 9; 2. Тим. 3:16, 17; Евр. 13:7).

   3. Што го поттикнало Јеровоам да направи два центри на обожавање на телиња, и како покажува тоа дека тој немал доволно вера во Јехова? (1. Цар. 11:37; 12:26-28).

   4. Кој го навел народот на десетплеменското царство да му се спротивстави на исправниот начин на служење на Бог? (1. Цар. 12:32, 33).

66. приказна

Злобната царица Језавела

1. Која била Језавела?

2. Зошто еден ден цар Ахав бил тажен?

3. Што направила Језавела за да го земе за својот маж, Ахав, лозјето на Навутеј?

4. Кого го испратил Јехова за да ја казни Језавела?

5. Што се случило кога Јуј дошол во палатата на Језавела, како што можеш да видиш на сликата?

Дополнителни прашања:

1. Прочитај 1. Царевите 16:29-33 и 18:3, 4.

   Колку лоши биле условите во Израел во времето на цар Ахав? (1. Цар. 16:33).

2. Прочитај 1. Царевите 21:1-16.

   1. Како Навутеј покажал храброст и лојалност кон Јехова? (1. Цар. 21:1-3; 3. Мој. 25:23-28).

   2. Што можеме да научиме од примерот на Ахав за тоа што да правиме кога сме разочарани? (1. Цар. 21:4; Рим. 5:3-5).

3. Прочитај 2. Царевите 9:30-37.

   Што можеме да научиме од ревноста на Јуј кон вршењето на Јеховината волја? (2. Цар. 9:4-10; 2. Кор. 9:1, 2; 2. Тим. 4:2).

67. приказна

Јосафат му верува на Јехова

1. Кој бил Јосафат, и во кое време живеел тој?

2. Од што се исплашиле Израелците, и што направиле многумина од нив?

3. Како одговорил Јехова на молитвата на Јосафат?

4. Што предизвикал Јехова да се случи пред да започне борбата?

5. Што можеме да научиме од Јосафат?

Дополнителни прашања:

1. Прочитај 2. Летописи 20:1-30.

   1. Како покажал Јосафат што треба да прават верните слуги на Бог кога ќе се соочат со опасни ситуации? (2. Лет. 20:12; Пс. 25:15; 62:1).

   2. Бидејќи Јехова секогаш користел посредници за да му испрати пораки на својот народ, кого користи како посредник денес? (2. Лет. 20:14, 15; Мат. 24:45-47; Јован 15:15).

   3. Во што ќе биде слична нашата ситуација со ситуацијата на Јосафат кога Бог ќе ја започне „војната која ќе се случи во големиот ден на Семоќниот Бог“? (2. Лет. 20:15, 17; 32:8; Отк. 16:14, 16).

   4. По примерот на левитите, како придонесуваат пионерите и мисионерите за да се проповеда низ целиот свет? (2. Лет. 20:19, 21; Рим. 10:13-15; 2. Тим. 4:2).

68. приказна

Две деца кои оживеале

1. Кои се тројцата луѓе на сликата, и што му се случило на детето?

2. За што се молел Илија во врска со детето, и што се случило потоа?

3. Како се викал помошникот на Илија?

4. Зошто Елисеј бил повикан во куќата на жената од Сунам?

5. Што направил Елисеј, и што се случило со мртвото дете?

6. Каква моќ има Јехова, според она што го покажал преку Илија и Елисеј?

Дополнителни прашања:

1. Прочитај 1. Царевите 17:8-24.

   1. Како биле испитани послушноста и верата на Илија? (1. Цар. 17:9; 19:1-4, 10).

   2. Зошто била впечатлива верата на вдовицата од Сарепта? (1. Цар. 17:12-16; Лука 4:25, 26).

   3. На кој начин искуството на вдовицата од Сарепта ја потврдува вистинитоста на Исусовите зборови запишани во Матеј 10:41, 42? (1. Цар. 17:10-12, 17, 23, 24).

2. Прочитај 2. Царевите 4:8-37.

   1. Што учиме за гостољубивоста од жената од Сунам? (2. Цар. 4:8; Лука 6:38; Рим. 12:13; 1. Јов. 3:17).

   2. На кои начини можеме да им направиме нешто добро на Божјите слуги денес? (Дела 20:35; 28:1, 2; Гал. 6:9, 10; Евр. 6:10).

69. приказна

Едно девојче му помага на еден моќен човек

1. Што ѝ кажува девојчето на жената на сликата?

2. Која е жената на сликата, и зошто е девојчето во нејзината куќа?

3. Што му рекол Елисеј на својот слуга да му каже на Нааман, и зошто Нааман се разлутил?

4. Што се случило кога Нааман ги послушал своите слуги?

5. Зошто Елисеј го одбил подарокот на Нааман, но што направил Гиезиј?

6. Што му се случило на Гиезиј, и што можеме да научиме од тоа?

Дополнителни прашања:

1. Прочитај 2. Царевите 5:1-27.

   1. На кој начин може примерот на израелското девојче да ги охрабри младите денес? (2. Цар. 5:3; Пс. 8:2; 148:12, 13).

   2. Зошто е добро да го имаме на ум примерот на Нааман кога добиваме совет темелен на Библијата? (2. Цар. 5:15; Евр. 12:5, 6; Јак. 4:6).

   3. Што можеме да научиме ако го споредиме примерот на Елисеј со примерот на Гиезиј? (2. Цар. 5:9, 10, 14-16, 20; Мат. 10:8; Дела 5:1-5; 2. Кор. 2:17).

70. приказна

Јона и големата риба

1. Кој бил Јона, и што му рекол Јехова да направи?

2. Што направил Јона поради тоа што не сакал да оди таму каде што го испратил Јехова?

3. Што им рекол Јона на морнарите да направат за да престане бурата?

4. Што се случило додека Јона тонел во водата, како што гледаш на сликата?

5. Колку долго бил Јона во големата риба, и што направил таму?

6. Каде отишол Јона откако излегол од големата риба, и што учиме ние од тоа?

Дополнителни прашања:

1. Прочитај Јона 1:1-17.

   Што мислел Јона за својата задача да им проповеда на Ниневијците? (Јона 1:2, 3; Изр. 3:7; Проп. 8:12).

2. Прочитај Јона 2:1, 2, 10.

   На кој начин искуството на Јона нѐ уверува дека Јехова ќе одговори на нашите молитви? (Пс. 22:24; 34:6; 1. Јов. 5:14).

3. Прочитај Јона 3:1-10.

   1. Какво охрабрување црпиме од фактот дека Јехова продолжил да го користи Јона и покрај тоа што на почетокот тој не ја исполнил својата задача? (Пс. 103:14; 1. Пет. 5:10).

   2. Што учиме од искуството на Јона со Ниневијците во врска со предрасудите кон луѓето на нашето подрачје? (Јона 3:6-9; Проп. 11:6; Дела 13:48).

71. приказна

Бог ветува рај

1. Кој бил Исаија, кога живеел и што му покажал Јехова?

2. Што значи зборот „рај“, и на што те потсетува тој?

3. Што му рекол Јехова на Исаија да напише за новиот рај?

4. Зошто Адам и Ева го изгубиле својот прекрасен дом?

5. Што им ветил Јехова на оние што го сакаат?

Дополнителни прашања:

1. Прочитај Исаија 11:6-9.

   1. Како Божјата реч го опишува мирот што ќе постои меѓу животните и луѓето во новиот свет? (Пс. 148:10, 13; Иса. 65:25; Езек. 34:25).

   2. Како се исполнуваат зборовите на Исаија на духовен начин меѓу Јеховиниот народ денес? (Рим. 12:2; Еф. 4:23, 24).

   3. Кој помага луѓето да се менуваат и сега и во новиот свет? (Иса. 48:17, 18; Гал. 5:22, 23; Фил. 4:7).

2. Прочитај Откровение 21:3, 4.

   1. Како покажува Библијата дека тоа што Бог живее со луѓето значи дека тој е присутен на Земјата фигуративно, а не физички? (3. Мој. 26:11, 12; 2. Лет. 6:18; Иса. 66:1; Отк. 21:2, 3, 22-24).

   2. Какви солзи и болки ќе нема повеќе? (Лука 8:49-52; Рим. 8:21, 22; Отк. 21:4).

72. приказна

Бог му помага на цар Езекија

1. Кој е човекот на сликата, и зошто е во голема неволја?

2. Какви писма Езекија ставил пред Бог, и за што се молел тој?

3. Каков цар бил Езекија, и каква порака му испратил Јехова преку пророкот Исаија?

4. Што им направил на Асирците Јеховиниот ангел, како што е покажано на сликата?

5. Иако двоплеменското царство имало мир некое време, што се случило откако умрел Езекија?

Дополнителни прашања:

1. Прочитај 2. Царевите 18:1-36.

   1. Како асирскиот претставник, рапшакот, се трудел да ја ослаби верата на Израелците? (2. Цар. 18:19, 21; 2. Мој. 5:2; Пс. 64:3).

   2. Како Јеховините сведоци го следат примерот на Езекија кога имаат работа со противници? (2. Цар. 18:36; Пс. 39:1; Изр. 26:4; 2. Тим. 2:24).

2. Прочитај 2. Царевите 19:1-37.

   1. На кој начин Јеховиниот народ денес постапува како Езекија во тешки времиња? (2. Цар. 19:1, 2; Изр. 3:5, 6; Евр. 10:24, 25; Јак. 5:14, 15).

   2. Кој трикратен пораз го доживеал цар Сенахирим, и кого тој пророчки го претставува? (2. Цар. 19:32, 35, 37; Отк. 20:2, 3).

3. Прочитај 2. Царевите 21:1-6, 16.

   Зошто може да се рече дека Манасија бил еден од најлошите цареви кои некогаш владееле во Ерусалим? (2. Лет. 33:4-6, 9).

73. приказна

Последниот добар цар на Израел

1. Колку години имал Јосија кога станал цар, и што почнал да прави по седум години откако станал цар?

2. Што прави Јосија на првата слика?

3. Што нашол првосвештеникот кога луѓето го поправале храмот?

4. Зошто Јосија си ја раскинал облеката?

5. Која порака од Јехова му ја пренела на Јосија пророчицата Олда?

Дополнителни прашања:

1. Прочитај 2. Летописи 34:1-28.

   1. Каков пример им оставил Јосија на оние што можеби морале да имаат тешко детство? (2. Лет. 33:21-25; 34:1, 2; Пс. 27:10).

   2. Кои важни чекори ги направил Јосија за да ја унапредува вистинската религија во 8-та, 12-тата и 18-тата година од своето владеење? (2. Лет. 34:3, 8).

   3. Каква поука во врска со одржувањето на нашите места за состаноци можеме да извлечеме од примерот на цар Јосија и на првосвештеникот Хелкија? (2. Лет. 34:9-13; Изр. 11:14; 1. Кор. 10:31).

74. приказна

Човек кој не се плашел

1. Кој е младиот човек на сликата?

2. Што мислел Еремија за службата на пророк, но што му рекол Јехова?

3. Која порака Еремија постојано му ја кажувал на народот?

4. Како се обиделе свештениците да го запрат Еремија, но како покажал тој дека не се плаши?

5. Што се случило кога Израелците не ги смениле своите лоши постапки?

Дополнителни прашања:

1. Прочитај Еремија 1:1-8.

   1. Како е некој оспособен да му служи на Јехова, како што покажува примерот на Еремија? (2. Кор. 3:5, 6).

   2. Какво охрабрување им дава примерот на Еремија на младите христијани денес? (Проп. 12:1; 1. Тим. 4:12).

2. Прочитај Еремија 10:1-5.

   Која делотворна споредба ја користел Еремија за да покаже дека е бесмислено човек да се надева на идоли? (Ерем. 10:5; Иса. 46:7; Авак. 2:19).

3. Прочитај Еремија 26:1-16.

   1. Додека ја шири предупредувачката порака денес, на кој начин помазаниот остаток ја сфаќа сериозно заповедта која Јехова му ја дал на Еремија ‚да не изостава ниту еден збор‘? (Ерем. 26:2; 5. Мој. 4:2; Дела 20:27).

   2. Кој одличен пример го дал Еремија за Јеховините сведоци денес додека им го објавувал Јеховиното предупредување на народите? (Ерем. 26:8, 12, 14, 15, 2. Тим. 4:1-5).

4. Прочитај 2. Царевите 24:1-17.

   Кои жалосни последици произлегле од тоа што Јудејците не му биле верни на Јехова? (2. Цар. 24:2-4, 14).

75. приказна

Четири момчиња во Вавилон

1. Кои се четирите момчиња на сликата, и зошто се во Вавилон?

2. Какви планови имал Навуходоносор за четирите момчиња, и што им заповедал на своите слуги?

3. Каква храна и каков пијалак побарал Даниел за себе и за своите тројца пријатели?

4. Откако јаделе зеленчук десет дена, како изгледале Даниел и неговите тројца пријатели во споредба со другите момчиња?

5. Како дошло до тоа Даниел и неговите тројца пријатели да служат во палатата на царот, и на кој начин тие биле подобри од свештениците и мудреците?

Дополнителни прашања:

1. Прочитај Даниел 1:1-21.

   1. Каков напор е потребен ако сакаме да одолееме на искушенијата и да ги надминеме слабостите? (Дан. 1:8; 1. Мој. 39:7, 10; Гал. 6:9).

   2. Што би можело денес да ги искуша младите или да ги наведе да си дозволат нешто што другите го сметаат за ‚избрано‘? (Дан. 1:8; Изр. 20:1; 2. Кор. 6:17—7:1).

   3. Што учиме од библискиот извештај за четворицата млади Евреи во врска со световното образование? (Дан. 1:20; Иса. 54:13; 1. Кор. 3:18-20).

76. приказна

Ерусалим е уништен

1. Што се случило со Ерусалим и со Израелците покажани на сликата?

2. Кој бил Езекиел, и какви потресни работи му покажал Јехова нему?

3. Што ветил Јехова поради тоа што Израелците немале почит кон него?

4. Што направил царот Навуходоносор откако Израелците се побуниле против него?

5. Зошто Јехова дозволил да им се случат на Израелците такви ужасни работи?

6. Како останала израелската земја без луѓе, и колку долго?

Дополнителни прашања:

1. Прочитај 2. Царевите 25:1-26.

   1. Кој бил Седекија, што му се случило, и како се исполнило едно библиско пророштво преку тој настан? (2. Цар. 25:5-7; Езек. 12:13-15).

   2. Кого Јехова го сметал за одговорен за сета неверност што ја покажале Израелците? (2. Цар. 25:9, 11, 12, 18, 19; 2. Лет. 36:14, 17).

2. Прочитај Езекиел 8:1-18.

   На кој начин христијанскиот свет е ист како отпаднатите Израелци што го обожавале сонцето? (Езек. 8:16; Иса. 5:20, 21; Јован 3:19-21; 2. Тим. 4:3).

77. приказна

Тие не сакаат да се поклонат

1. Каква заповед им дал вавилонскиот цар Навуходоносор на луѓето што ги повикал?

2. Зошто тројцата пријатели на Даниел не се поклониле на златниот кип?

3. Како тројцата Евреи ја покажале својата доверба во Јехова кога Навуходоносор им дал уште една шанса да се поклонат?

4. Што им наредил Навуходоносор на своите луѓе да им направат на Седрах, Мисах и Авденаго?

5. Што видел Навуходоносор кога погледнал во печката?

6. Зошто царот го фалел Богот на Седрах, Мисах и Авденаго, и каков пример се тие за нас?

Дополнителни прашања:

1. Прочитај Даниел 3:1-30.

   1. Кој став на тројцата млади Евреи треба да го покажуваат сите Божји слуги кога ќе биде ставена на испит нивната верност? (Дан. 3:17, 18; Мат. 10:28; Рим. 14:7, 8).

   2. Која важна поука му ја дал Јехова Бог на Навуходоносор? (Дан. 3:28, 29; 4:34, 35).

78. приказна

Ракопис на ѕидот

1. Што се случило кога царот на Вавилон приредил голема гозба и ги користел чашите и садовите земени од Јеховиниот храм во Ерусалим?

2. Што им рекол Валтазар на своите мудреци, но што не можеле тие да направат?

3. Што му рекла на царот неговата мајка?

4. Според она што Даниел му го рекол на царот, зошто Бог ја испратил раката да пишува на ѕидот?

5. Како Даниел го објаснил значењето на зборовите напишани на ѕидот?

6. Што се случило додека Даниел уште зборувал?

Дополнителни прашања:

1. Прочитај Даниел 5:1-31.

   1. Спореди го здравиот страв од Бог со стравот што Валтазар го почувствувал кога го видел ракописот на ѕидот (Дан. 5:6, 7; Пс. 19:9; Рим. 8:35-39).

   2. Како покажал Даниел голема храброст кога зборувал со Валтазар и со неговите веледостојници? (Дан. 5:17, 18, 22, 26-28; Дела 4:29).

   3. На кој начин Даниел, 5. поглавје, истакнува дека Јехова има право да владее над сѐ што постои? (Дан. 4:17, 25; 5:21).

79. приказна

Даниел во лавовска јама

1. Кој е Дариј, и какво мислење има тој за Даниел?

2. Што направил Дариј под влијание на некои љубоморни луѓе?

3. Што направил Даниел кога дознал за новиот закон?

4. Зошто Дариј бил толку вознемирен што дури не можел да спие, и што направил следното утро?

5. Што му одговорил Даниел на Дариј?

6. Што им се случило на лошите луѓе кои се обиделе да го убијат Даниел, и што му напишал Дариј на сиот народ во неговото царство?

Дополнителни прашања:

1. Прочитај Даниел 6:1-28.

   1. На кој начин заговорот против Даниел нѐ потсетува на она што го имаат направено противниците за да го запрат делото на Јеховините сведоци во денешно време? (Дан. 6:7; Пс. 94:20; Иса. 10:1; Рим. 8:31).

   2. На кој начин Божјите слуги денес постапуваат исто како Даниел со тоа што остануваат подложни на ‚властите што се над нив‘? (Дан. 6:5, 10; Рим. 13:1; Дела 5:29).

   3. На кој начин можеме да земеме пример од Даниел за да му служиме на Јехова „постојано“? (Дан. 6:16, 20; Фил. 3:16; Отк. 7:15).

80. приказна

Божјиот народ го напушта Вавилон

1. Што направиле Израелците, како што е прикажано на сликата?

2. Како Кир го исполнил пророштвото кое Јехова го дал преку Исаија?

3. Што им рекол Кир на Израелците кои не можеле да се вратат во Ерусалим?

4. Што му дал Кир на народот да однесе во Ерусалим?

5. Колку време им требало на Израелците за да се вратат во Ерусалим?

6. Колку години поминале откако земјата била оставена потполно пуста?

Дополнителни прашања:

1. Прочитај Исаија 44:28 и 45:1-4.

   1. Како нагласил Јехова колку сигурно ќе се исполни пророштвото за Кир? (Иса. 55:10, 11; Рим. 4:17).

   2. Што покажува Исаииното пророштво во врска со Кир за способноста на Јехова Бог да ја претскаже иднината? (Иса. 42:9; 45:21; 46:10, 11; 2. Пет. 1:20).

2. Прочитај Езра 1:1-11.

   Според примерот на оние што не можеле да се вратат во Ерусалим, со што можеме ние денес да им помогнеме на оние што можат да стапат во полновремената служба? (Езра 1:4, 6; Рим. 12:13; Кол. 4:12).

81. приказна

Доверба во Божјата помош

1. Колку луѓе долго патувале од Вавилон до Ерусалим, но што нашле кога стигнале?

2. Што почнале да градат Израелците откако пристигнале, но што направиле нивните непријатели?

3. Кои биле Агеј и Захарија, и што му кажале тие на народот?

4. Зошто Татанај испратил писмо до Вавилон, и каков одговор добил?

5. Што направил Езра кога дознал дека е потребно да се поправи Божјиот храм?

6. За што се молел Езра на сликата, како била услишена неговата молитва, и што учиме ние од тоа?

Дополнителни прашања:

1. Прочитај Езра 3:1-13.

   Ако некогаш се најдеме во место каде што нема собрание на Божјиот народ, што треба да продолжиме да правиме? (Езра 3:3, 6; Дела 17:16, 17; Евр. 13:15).

2. Прочитај Езра 4:1-7.

   Каков пример му оставил Зоровавел на Јеховиниот народ во врска со меѓуверството? (2. Мој. 34:12; 1. Кор. 15:33; 2. Кор. 6:14-17).

3. Прочитај Езра 5:1-5, 17 и 6:1-22.

   1. Зошто противниците не можеле да ја спречат изградбата на храмот? (Езра 5:5; Иса. 54:17).

   2. Како постапката на еврејските старешини ги поттикнува христијанските старешини да бараат водство од Јехова кога ќе се соочат со противници? (Езра 6:14; Пс. 32:8; Рим. 8:31; Јак. 1:5).

4. Прочитај Езра 8:21-23, 28-36.

   Пред да одлучиме нешто во животот, што ќе направиме ако се угледаме на Езра? (Езра 8:23; Пс. 127:1; Изр. 10:22; Јак. 4:13-15).

82. приказна

Мардохеј и Естира

1. Кои биле Мардохеј и Естира?

2. Зошто царот Ахасвер сакал да има нова жена, и која ја избрал?

3. Кој бил Аман, и што го налутило толку многу?

4. Каков закон бил издаден, и што направила Естира откако добила порака од Мардохеј?

5. Што му се случило на Аман, а што на Мардохеј?

6. Како Израелците биле спасени од своите непријатели?

Дополнителни прашања:

1. Прочитај Естира 2:12-18.

   Како покажала Естира колку е важно да се има ‚мирен и благ дух‘? (Ест. 2:15; 1. Пет. 3:1-5).

2. Прочитај Естира 4:1-17.

   Исто како што Естира имала можност да направи нешто во корист на обожавањето на вистинскиот Бог, каква можност сме добиле ние за да покажеме дека сме му оддадени и лојални на Јехова? (Ест. 4:13, 14; Мат. 5:14-16; 24:14).

3. Прочитај Естира 7:1-6.

   Како многумина од Божјиот народ денес на сличен начин како Естира се изложиле на опасноста да бидат прогонувани? (Ест. 7:4; Мат. 10:16-22; 1. Пет. 2:12).

83. приказна

Ѕидиштата на Ерусалим

1. Како се чувствувале Израелците поради тоа што немале ѕидишта околу својот град Ерусалим?

2. Кој бил Неемија?

3. Што работел Неемија, и зошто било тоа важна работа?

4. Кои вести го растажиле Неемија, и што направил тој?

5. Со што покажал царот Артаксеркс љубезност кон Неемија?

6. Како Неемија ја организирал изградбата за да не можат непријателите на Израел да ги спречат да градат?

Дополнителни прашања:

1. Прочитај Неемија 1:4-6 и 2:1-20.

   Како Неемија побарал водство од Јехова? (Неем. 2:4, 5; Рим. 12:12; 1. Пет. 4:7).

2. Прочитај Неемија 3:3-5.

   Што можат да научат старешините и слугите помошници од разликата што постоела меѓу Текојците и нивните „угледни луѓе“? (Неем. 3:5, 27; 2. Сол. 3:7-10; 1. Пет. 5:5).

3. Прочитај Неемија 4:1-23.

   1. Што ги мотивирало Израелците да продолжат со изградбата и покрај жестокото противење? (Неем. 4:6, 8, 9; Пс. 50:15; Иса. 65:13, 14).

   2. На кој начин денес нѐ охрабрува примерот на Израелците?

4. Прочитај Неемија 6:15.

   Како фактот дека ѕидиштата на Ерусалим биле завршени за два месеца покажува колкава моќ има верата? (Пс. 56:3, 4; Мат. 17:20; 19:26).

84. приказна

Еден ангел ја посетува Марија

1. Која е жената на сликата?

2. Што ѝ рекол Гавриел на Марија?

3. Како Гавриел ѝ објаснил на Марија дека ќе има дете иако не живеела со маж?

4. Што се случило кога Марија ја посетила својата роднина Елисавета?

5. Што мислел Јосиф кога дознал дека Марија ќе има бебе, но зошто се премислил?

Дополнителни прашања:

1. Прочитај Лука 1:26-56.

   1. Што покажува Лука 1:35 во врска со несовршеноста наследена од Адам во јајце-клетката на Марија кога бил пренесен во неа животот на Божјиот син од духовното подрачје? (Агеј 2:11-13; Јован 6:69; Евр. 7:26; 10:5).

   2. Како на Исус му била укажана чест уште пред да се роди? (Лука 1:41-43).

   3. Кој одличен пример го оставила Марија за денешните христијани кои добиваат посебни одговорности? (Лука 1:38, 46-49; 17:10; Изр. 11:2).

2. Прочитај Матеј 1:18-25.

   Иако Исус не го добил личното име Емануел, како неговата улога како човек го исполнила значењето на тоа име? (Мат. 1:22, 23; Јован 14:8-10; Евр. 1:1-3).

85. приказна

Исус е роден во штала

1. Кое е бебенцето на сликата, и каде го легнува Марија?

2. Зошто Исус е роден во штала каде што се животните?

3. Кои се луѓето на сликата што влегуваат во шталата, и што им рекол еден ангел?

4. Зошто Исус е толку посебен?

5. Зошто можел Исус да биде наречен Божји Син?

Дополнителни прашања:

1. Прочитај Лука 2:1-20.

   1. Каква улога одиграл цезарот Август за да се исполни пророштвото во врска со раѓањето на Исус? (Лука 2:1-4; Мих. 5:2).

   2. Што треба да прави еден човек за да биде како „луѓето што му се по волја“ на Бог? (Лука 2:14; Мат. 16:24; Јован 17:3; Дела 3:19; Евр. 11:6).

   3. Ако тие понизни јудејски овчари имале причина да се радуваат што се родил Спасител, колку поголема причина за радост имаат Божјите слуги денес? (Лука 2:10, 11; Еф. 3:8, 9; Отк. 11:15; 14:6).

86. приказна

Луѓе водени од една ѕвезда

1. Кои се луѓето на сликата, и зошто еден од нив покажува кон сјајната ѕвезда?

2. Зошто царот Ирод се вознемирил, и што направил?

3. Каде ги одвела сјајната ѕвезда тие луѓе, но зошто се вратиле во својата земја по друг пат?

4. Каква заповед дал Ирод, и зошто?

5. Што му рекол Јехова на Јосиф да направи?

6. Кој предизвикал да свети таа нова ѕвезда, и зошто?

Дополнително прашање:

1. Прочитај Матеј 2:1-23.

   Колку години имал Исус и каде живеел кога го посетиле астролозите? (Мат. 2:1, 11, 16).

87. приказна

Малиот Исус во храмот

1. Колку години имал Исус на сликата, и каде се наоѓал?

2. Што правел Јосиф секоја година заедно со своето семејство?

3. Зошто Јосиф и Марија се вратиле во Ерусалим откако тргнале на пат за да си одат дома?

4. Каде Јосиф и Марија го нашле Исус, и зошто луѓето таму биле изненадени?

5. Што ѝ одговорил Исус на својата мајка Марија?

6. Како да го следиме Исусовиот пример кога учиме за Бог?

Дополнителни прашања:

1. Прочитај Лука 2:41-52.

   1. И покрај тоа што, според Законот, само за мажите било задолжително да одат на годишните празници, кој одличен пример им го дале Јосиф и Марија на денешните родители? (Лука 2:41; 5. Мој. 16:16; 31:12; Изр. 22:6).

   2. Како Исус со пример им покажал на денешните млади што значи да им бидеш подложен на своите родители? (Лука 2:51; 5. Мој. 5:16; Изр. 23:22; Кол. 3:20).

2. Прочитај Матеј 13:53-56.

   Кои четворица родени браќа на Исус се спомнати по име во Библијата, и како што двајца од нив подоцна служеле во христијанското собрание? (Мат. 13:55; Дела 12:17; 15:6, 13; 21:18; Гал. 1:19; Јак. 1:1; Јуда 1).

88. приказна

Јован го крштава Исус

1. Кои се овие двајца луѓе на сликава?

2. На кој начин се крштава еден човек?

3. Кои луѓе Јован обично ги крштавал?

4. Од која посебна причина Исус побарал од Јован да го крсти?

5. Како покажал Бог дека бил задоволен со тоа што Исус се крстил?

6. Што се случило кога Исус отишол на осамено место и таму останал 40 дена?

7. Како се викале некои од првите Исусови следбеници, односно ученици, и кое е првото чудо што го направил Исус?

Дополнителни прашања:

1. Прочитај Матеј 3:13-17.

   Каков пример им оставил Исус на своите ученици во врска со крштавањето? (Пс. 40:7, 8; Мат. 28:19, 20; Лука 3:21, 22).

2. Прочитај Матеј 4:1-11.

   Како тоа што Исус вешто ги користел Писмата нѐ поттикнува редовно да ја проучуваме Библијата? (Мат. 4:5-7; 2. Пет. 3:17, 18; 1. Јов. 4:1).

3. Прочитај Јован 1:29-51.

   Кај кого ги упатил своите ученици Јован Крстител, и како и ние денес да го следиме неговиот пример? (Јован 1:29, 35, 36; 3:30; Мат. 23:10).

4. Прочитај Јован 2:1-12.

   Како покажува Исусовото прво чудо дека Јехова нѐ им скратува никакво добро на своите слуги? (Јован 2:9, 10; Пс. 84:11; Јак. 1:17).

89. приказна

Исус го чисти храмот

1. Зошто се продавале животни во храмот?

2. Зошто Исус многу се налутил?

3. Што направил Исус, како што можеш да видиш на сликата, и што им заповедал на луѓето кои продавале гулаби?

4. На што се сетиле Исусовите следбеници кога виделе што направил Исус?

5. Низ која област поминал Исус кога се враќал во Галилеја?

Дополнително прашање:

1. Прочитај Јован 2:13-25.

   Ако имаме на ум дека Исус бил многу лут на менувачите на пари во храмот, каков став треба да имаме кон продавањето и купувањето во Салата на Царството? (Јован 2:15, 16; 1. Кор. 10:24, 31-33).

90. приказна

Со жената на бунарот

1. Зошто Исус застанал покрај еден бунар во Самарија, и што ѝ рекол на една жена што дошла таму?

2. Зошто жената била изненадена? Што ѝ рекол Исус, и зошто го рекол тоа?

3. За каква вода жената мислела дека зборувал Исус, но на каква вода, всушност, мислел тој?

4. Зошто жената била зачудена од она што Исус го знаел за неа, и од каде ги дознал тие работи?

5. Што можеме да научиме од извештајот за жената на бунарот?

Дополнителни прашања:

1. Прочитај Јован 4:5-43.

   1. Ако го следиме Исусовиот пример, каков став ќе покажуваме кон луѓето што немаат иста боја на кожата како нас и живеат во поинакви услови од нас? (Јован 4:9; 1. Кор. 9:22; 1. Тим. 2:3, 4; Тит 2:11).

   2. Каква духовна корист добива некој што станува ученик на Исус? (Јован 4:14; Иса. 58:11; 2. Кор. 4:16).

   3. Како можеме да покажеме ценење како Самарјанката, која имала желба да им го каже на другите тоа што го научила? (Јован 4:7, 28; Мат. 6:33; Лука 10:40-42).

91. приказна

Исус поучува на една гора

1. Каде поучувал Исус, и кои се тие на сликата што седат најблиску до него?

2. Како се викале 12-те апостоли?

3. Што е Царството за кое проповедал Исус?

4. За што ги поучувал Исус луѓето да се молат?

5. Што рекол Исус за тоа како треба луѓето да постапуваат еден со друг?

Дополнителни прашања:

1. Прочитај Матеј 5:1-12.

   На кој начин настојуваме да ги задоволиме своите духовни потреби? (Мат. 5:3; Рим. 10:13-15; 1. Тим. 4:13, 15, 16).

2. Прочитај Матеј 5:21-26.

   Како Матеј 5:23, 24 истакнува дека нашиот однос со христијанските браќа влијае врз нашиот однос со Јехова? (Мат. 6:14, 15; Пс. 133:1; Кол. 3:13; 1. Јов. 4:20).

3. Прочитај Матеј 6:1-8.

   Наведи некои облици на самоправедност што христијаните треба да ги одбегнуваат. (Лука 18:11, 12; 1. Кор. 4:6, 7; 2. Кор. 9:7).

4. Прочитај Матеј 6:25-34.

   Според поуките на Исус, зошто треба да имаме доверба дека Јехова ќе ги задоволи нашите материјални потреби? (2. Мој. 16:4; Пс. 37:25; Фил. 4:6).

5. Прочитај Матеј 7:1-11.

   Што учиме од живописната споредба што се наоѓа во Матеј 7:5? (Изр. 26:12; Рим. 2:1; 14:10; Јак. 4:11, 12).

92. приказна

Исус подига мртви

1. Кој бил таткото на девојчето на сликата, и зошто тој и неговата жена биле многу загрижени?

2. Што направил Јаир кога го нашол Исус?

3. Што се случило додека Исус одел кон Јаировата куќа, и каква порака добил Јаир по патот?

4. Зошто луѓето во куќата на Јаир му се подбивале на Исус?

5. Што направил Исус откако ги одвел таткото и мајката на девојчето, заедно со тројца свои апостоли, во нејзината соба?

6. Кого уште Исус го подигнал од мртвите, и што покажува тоа?

Дополнителни прашања:

1. Прочитај Лука 8:40-56.

   Како Исус покажал сочувство и разумност кон жената која страдала од крвавење, и што можат да научат од тоа христијанските старешини денес? (Лука 8:43, 44, 47, 48; 3. Мој. 15:25-27; Мат. 9:12, 13; Кол. 3:12-14).

2. Прочитај Лука 7:11-17.

   Зошто оние на кои им умрел некој близок можат многу да се утешат кога ќе дознаат што направил Исус за вдовицата од Наин? (Лука 7:13; 2. Кор. 1:3, 4; Евр. 4:15).

3. Прочитај Јован 11:17-44.

   Како покажал Исус дека е нормално да жалиме ако умре некој што го сакаме? (Јован 11:33-36, 38; 2. Сам. 18:33; 19:1-4).

93. приказна

Исус храни многу луѓе

1. Што му се случило на Јован Крстител, и како се чувствувал Исус поради тоа?

2. Како Исус го нахранил мноштвото што го следело, и колку храна преостанала?

3. Зошто учениците се исплашиле во текот на ноќта, и што му се случило на Петар?

4. Како Исус повторно нахранил неколку илјади луѓе?

5. Зошто ќе биде прекрасно кога Исус ќе владее со Земјата како Цар поставен од Бог?

Дополнителни прашања:

1. Прочитај Матеј 14:1-32.

   1. Што ни открива извештајот од Матеј 14:23-32 за тоа каков човек бил Петар?

   2. Како библискиот запис ни кажува дека Петар станал зрел и повеќе не се однесувал брзоплето? (Мат. 14:27-30; Јован 18:10; 21:7; Дела 2:14, 37-40; 1. Пет. 5:6, 10).

2. Прочитај Матеј 15:29-38.

   Како Исус покажал почит кон материјалните работи што ги обезбедил неговиот Татко? (Мат. 15:37; Јован 6:12; Кол. 3:15).

3. Прочитај Јован 6:1-21.

   По примерот на Исус, како треба христијаните денес да се однесуваат кон властите? (Јован 6:15; Мат. 22:21; Рим. 12:2; 13:1-4)

94. приказна

Тој ги сака малите деца

1. За што се карале апостолите кога се враќале од едно долго патување?

2. Зошто Исус повикал едно мало дете и го застанал пред апостолите?

3. Во кој поглед апостолите требало да научат да бидат како деца?

4. Како неколку месеци подоцна Исус покажал дека ги сака децата?

Дополнителни прашања:

1. Прочитај Матеј 18:1-4.

   Зошто Исус користел споредби за да поучува? (Мат. 13:34, 36; Мар. 4:33, 34).

2. Прочитај Матеј 19:13-15.

   Кои особини на малите деца мора да ги имаме и ние ако сакаме да ги добиеме благословите на Царството? (Пс. 25:9; 138:6; 1. Кор. 14:20).

3. Прочитај Марко 9:33-37.

   Што ги поучувал Исус своите ученици во врска со желбата да се има висока положба? (Мар. 9:35; Мат. 20:25, 26; Гал. 6:3; Фил. 2:5-8).

4. Прочитај Марко 10:13-16.

   Колку пристаплив бил Исус, и што можат христијанските старешини да научат од неговиот пример? (Мар. 6:30-34; Фил. 2:1-4; 1. Тим. 4:12).

95. приказна

Начинот на кој Исус поучувал

1. Кое прашање еден човек му го поставил на Исус, и зошто?

2. Што користел понекогаш Исус кога поучувал, и што научивме досега за Евреите и за Самарјаните?

3. Што му се случило на еден Евреин кој одел по еден пат што водел до Ерихон, според приказната што ја раскажал Исус?

4. Што се случило кога по патот поминале еден еврејски свештеник и еден левит?

5. Кој му помогнал на повредениот Евреин на сликата?

6. Откако Исус ја раскажал приказната, кое прашање го поставил, и како одговорил човекот?

Дополнителни прашања:

1. Прочитај Лука 10:25-37.

   1. Наместо да му даде директен одговор, како Исус му помогнал на еден човек што бил упатен во Законот да размислува за одредена работа? (Лука 10:26; Мат. 16:13-16).

   2. Како Исус користел споредби за да ги отстрани предрасудите кај своите слушатели? (Лука 10:36, 37; 18:9-14; Тит 1:9).

96. приказна

Исус ги лекува болните

1. Што правел Исус додека патувал низ земјата?

2. Што им кажал Исус на своите апостоли околу три години откако се крстил?

3. Кои се луѓето на сликата, и што прави Исус за жената?

4. Зошто Исусовиот одговор ги посрамил верските водачи кои приговарале?

5. Што направил Исус за двајца слепи просјаци кога заедно со своите апостоли бил во близина на Ерихон?

6. Зошто Исус ги направил чудата?

Дополнителни прашања:

1. Прочитај Матеј 15:30, 31.

   Како Јехова на прекрасен начин ја покажал својата моќ преку Исус, и како треба тоа да влијае врз нашето разбирање на она што Јехова ветил дека ќе го направи во новиот свет? (Пс. 37:29; Иса. 33:24).

2. Прочитај Лука 13:10-17.

   Како тоа што Исус направил некои од најголемите чуда во сабота треба да ни покаже на кој начин ќе му помогне на човештвото во текот на своето илјадагодишно владеење? (Лука 13:10-13; Пс. 46:9; Мат. 12:8; Кол. 2:16, 17; Отк. 21:1-4).

3. Прочитај Матеј 20:29-34.

   Како овој извештај покажува дека Исус никогаш не бил презафатен, па да не може да им помогне на луѓето, и што можеме ние да научиме од тоа? (5. Мој. 15:7; Јак. 2:15, 16; 1. Јов. 3:17).

97. приказна

Исус доаѓа како Цар

1. Што им рекол Исус на своите ученици да направат кога дошле во едно селце во близина на Ерусалим?

2. Што се случило кога Исус се приближил до градот Ерусалим, како што гледаш на сликата?

3. Што правеле малите деца кога виделе дека Исус ги излекувал луѓето кои биле слепи и сакати?

4. Што им одговорил Исус на налутените свештеници?

5. Како можеме да бидеме како децата што го фалеле Исус?

6. Што сакале да знаат учениците?

Дополнителни прашања:

1. Прочитај Матеј 21:1-17.

   1. Како начинот на кој Исус влегол во Ерусалим како Цар се разликува од начинот на кој влегувале римските генерали кога се враќале од војна во која победиле? (Мат. 21:4, 5; Зах. 9:9; Фил. 2:5-8; Кол. 2:15).

   2. Каква поука можат да извлечат младите од израелските момчиња кои цитирале од Псалм 118 додека Исус влегувал во храмот? (Мат. 21:9, 15; Пс. 118:25, 26; 2. Тим. 3:15; 2. Пет. 3:18).

2. Прочитај Јован 12:12-16.

   Што симболизирало тоа што луѓето користеле палмови гранки за да го поздрават Исус? (Јован 12:13; Фил. 2:10; Отк. 7:9, 10).

98. приказна

На Маслинската Гора

1. Кој од овие луѓе на сликата е Исус, и кои се тие што се со него?

2. Што се обиделе свештениците да му направат на Исус во храмот, и што им рекол тој?

3. Што го прашале апостолите Исус?

4. Зошто Исус им кажал на своите апостоли некои работи што ќе се случуваат на Земјата кога тој ќе владее како Цар на небото?

5. Што рекол Исус дека ќе се случува пред да му стави крај на сето зло на Земјата?

Дополнителни прашања:

1. Прочитај Матеј 23:1-39.

   1. Иако Библијата покажува дека користењето на световни титули е на место, што покажуваат Исусовите зборови во Матеј 23:8-11 во врска со користењето на ласкави титули во христијанското собрание? (Дела 26:25; Рим. 13:7; 1. Пет. 2:13, 14).

   2. Што користеле фарисеите за да ги спречат луѓето да станат христијани, и како верските водачи користат слични тактики во нашево време? (Мат. 23:13; Лука 11:52; Јован 9:22; 12:42; 1. Сол. 2:16).

2. Прочитај Матеј 24:1-14.

   1. Како е нагласено во Матеј 24:13 дека е важно да истраеме?

   2. Што значи изразот „крајот“ во Матеј 24:13? (Мат. 16:27; Рим. 14:10-12; 2. Кор. 5:10).

3. Прочитај Марко 13:3-10.

   Кој израз во Марко 13:10 покажува дека е итно да се проповеда добрата вест, и како треба да влијаат врз нас зборовите на Исус? (Рим. 13:11, 12; 1. Кор. 7:29-31; 2. Тим. 4:2).

99. приказна

Во една горна соба

1. Зошто Исус и неговите 12 апостоли дошле во оваа голема горна соба, како што се гледа на сликата?

2. Кој е човекот што си заминува, и што ќе направи?

3. Каква посебна вечера почнал Исус откако завршила пасхалната вечера?

4. На кој настан ги потсетувала Пасхата Израелците, и на што ги потсетува оваа посебна вечера следбениците на Исус?

5. Што им рекол Исус на своите следбеници откако завршила Господаровата вечера, и што направиле тие?

Дополнителни прашања:

1. Прочитај Матеј 26:14-30.

   1. Како покажува Матеј 26:15 дека Јуда намерно го предал Исус?

   2. За кои две работи послужила Исусовата пролеана крв? (Мат. 26:27, 28; Ерем. 31:31-33; Еф. 1:7; Евр. 9:19, 20).

2. Прочитај Лука 22:1-39.

   Во која смисла Сатана влегол во Јуда? (Лука 22:3; Јован 13:2; Дела 1:24, 25).

3. Прочитај Јован 13:1-20.

   1. Дали Јуда може да биде обвинет за она што го направил ако се земе предвид извештајот од Јован 13:2, и која поука можат Божјите слуги да ја извлечат од тоа? (1. Мој. 4:7; 2. Кор. 2:11; Гал. 6:1; Јак. 1:13, 14).

   2. Кој особено добар пример го дал Исус? (Јован 13:15; Мат. 23:11; 1. Пет. 2:21).

4. Прочитај Јован 17:1-26.

   Во која смисла Исус се молел неговите следбеници да бидат „едно“? (Јован 17:11, 21-23; Рим. 13:8; 14:19; Кол. 3:14).

100. приказна

Исус во градината

1. Каде отишле Исус и неговите апостоли откако заминале од горната соба, и што им рекол тој да прават?

2. Што правеле апостолите кога Исус се вратил кај нив, и колку пати се случило тоа?

3. Кој влегол во градината, и што направил Јуда Искариот, како што се гледа на сликата?

4. Зошто Јуда го бакнал Исус, и што направил Петар?

5. Што му рекол Исус на Петар, но зошто Исус не барал од Бог да му испрати ангели?

Дополнителни прашања:

1. Прочитај Матеј 26:36-56.

   1. Како начинот на кој Исус ги советувал своите ученици е убав пример за христијанските старешини денес? (Мат. 20:25-28; 26:40, 41; Гал. 5:17; Еф. 4:29, 31, 32).

   2. Што мислел Исус за употребата на оружје против ближниот? (Мат. 26:52; Лука 6:27, 28; Јован 18:36).

2. Прочитај Лука 22:39-53.

   Дали тоа што еден ангел му се појавил на Исус во градината Гетсиманија за да го зајакне покажало дека се колебал во верата? Објасни. (Лука 22:41-43; Иса. 49:8; Мат. 4:10, 11; Евр. 5:7).

3. Прочитај Јован 18:1-12.

   Како Исус ги заштитил своите ученици од противниците, и што можеме да научиме од овој пример? (Јован 10:11, 12; 18:1, 6-9; Евр. 13:6; Јак. 2:25).

101. приказна

Исус е убиен

1. Кој бил првенствено одговорен за Исусовата смрт?

2. Што направиле апостолите кога верските водачи го одвеле Исус?

3. Што се случило во куќата на првосвештеникот Кајафа?

4. Зошто Петар си отишол плачејќи?

5. Што извикувале главните свештеници откако го вратиле Исус кај Пилат?

6. Што му се случило на Исус во петокот околу пладне, и што му ветил на злосторникот што висел на столбот до него?

7. Каде ќе биде Рајот за кој зборувал Исус?

Дополнителни прашања:

1. Прочитај Матеј 26:57-75.

   На кој начин членовите на еврејскиот врховен суд покажале дека биле злобни во срцето? (Мат. 26:59, 67, 68).

2. Прочитај Матеј 27:1-50.

   Зошто можеме да кажеме дека Јуда не се каел вистински? (Мат. 27:3, 4; Мар. 3:29; 14:21; 2. Кор. 7:10, 11).

3. Прочитај Лука 22:54-71.

   Што можеме да научиме од тоа што Петар се откажал од Исус ноќта кога Исус бил предаден и уапсен? (Лука 22:60-62; Мат. 26:31-35; 1. Кор. 10:12).

4. Прочитај Лука 23:1-49.

   Како реагирал Исус на неправдата што му била нанесена, и која поука можеме да ја извлечеме од тоа? (Лука 23:33, 34; Рим. 12:17-19; 1. Пет. 2:23).

5. Прочитај Јован 18:12-40.

   Што е покажано со тоа дека, иако не постапил исправно поради страв од човек, Петар се поправил и станал многу добар апостол? (Јован 18:25-27; 1. Кор. 4:2; 1. Пет. 3:14, 15; 5:8, 9).

6. Прочитај Јован 19:1-30.

   1. Кое урамнотежено гледиште за материјалните работи го имал Исус? (Јован 2:1, 2, 9, 10; 19:23, 24; Мат. 6:31, 32; 8:20).

   2. Во која смисла зборовите што ги кажал Исус пред да умре биле победоносна изјава дека тој го поддржал Јеховиното право да владее? (Јован 16:33; 19:30; 2. Пет. 3:14; 1. Јов. 5:4).

102. приказна

Исус е жив

1. Која е жената на сликата, кои се двајцата мажи, и каде се наоѓаат?

2. Зошто Пилат им рекол на свештениците да испратат војници за да ја чуваат Исусовата гробница?

3. Што направил еден ангел рано на третиот ден откако Исус умрел, но што направиле свештениците?

4. Зошто некои жени се изненадиле кога дошле кај Исусовата гробница?

5. Зошто Петар и Јован отрчале до Исусовата гробница, и што виделе таму?

6. Што се случило со Исусовото тело, но што направил тој за да им покаже на учениците дека е жив?

Дополнителни прашања:

1. Прочитај Матеј 27:62-66 и 28:1-15.

   Како главните свештеници, фарисеите и старешините згрешиле против светиот дух кога воскреснал Исус? (Мат. 12:24, 31, 32; 28:11-15).

2. Прочитај Лука 24:1-12.

   Како извештајот за воскресението на Исус покажува дека Јехова ги смета жените за сведоци на кои може да им се верува? (Лука 24:4, 9, 10; Мат. 28:1-7).

3. Прочитај Јован 20:1-12.

   Како Јован 20:8, 9 ни помага да сфатиме дека е потребно да бидеме стрпливи ако не го разбираме во потполност исполнувањето на некое библиско пророштво? (Изр. 4:18; Мат. 17:22, 23; Лука 24:5-8; Јован 16:12).

103. приказна

Во една заклучена соба

1. Што му рекла Марија на човекот за кој помислила дека е градинар, и како сфатила дека тој, всушност, е Исус?

2. Што им се случило на двајца ученици кои оделе пеш кон селото Емаус?

3. Какво чудо се случило додека двајцата ученици им раскажувале на апостолите дека го виделе Исус?

4. Колку пати им се појавил Исус на своите следбеници?

5. Што рекол Тома кога слушнал дека учениците го виделе Господарот, но што се случило осум дена подоцна?

Дополнителни прашања:

1. Прочитај Јован 20:11-29.

   Дали во Јован 20:23 Исус сакал да каже дека луѓето имаат право да простуваат гревови? Објасни. (Пс. 49:2, 7; Иса. 55:7; 1. Тим. 2:5, 6; 1. Јов. 2:1, 2).

2. Прочитај Лука 24:13-43.

   Како да го подготвиме своето срце за да биде приемливо за библиските вистини? (Лука 24:32, 33; Езра 7:10; Мат. 5:3; Дела 16:14; Евр. 5:11-14).

104. приказна

Исус се враќа на небото

1. Колкумина ученици еднаш го виделе Исус, и за што им зборувал тој?

2. Што е Божјето Царство, и каков ќе биде животот на Земјата кога Исус ќе владее како Цар илјада години?

3. Колку дена Исус им се појавувал на своите ученици, но за што дошло време?

4. Што им рекол Исус на своите ученици пред да ги напушти?

5. Што се случува на сликата, и зошто учениците не можеле повеќе да го видат Исус?

Дополнителни прашања:

1. Прочитај 1. Коринќаните 15:3-8.

   Зошто апостол Павле можел со сигурност да зборува за воскресението на Исус, и за кои работи можат со сигурност да зборуваат христијаните денес? (1. Кор. 15:4, 7, 8; Иса. 2:2, 3; Мат. 24:14; 2. Тим. 3:1-5).

2. Прочитај Дела 1:1-11.

   До каде се раширило делото на проповедање, како што е проречено во Дела 1:8? (Дела 6:7; 9:31; 11:19-21; Кол. 1:23).

105. приказна

Чекање во Ерусалим

1. Што им се случило на Исусовите следбеници кои чекале во Ерусалим, како што се гледа на сликата?

2. Какво изненадување доживеале луѓето што дошле во Ерусалим?

3. Што им објаснил Петар на луѓето?

4. Како се чувствувале луѓето откако го слушале Петар, и што им рекол тој да прават?

5. Колку луѓе се крстиле на Педесетница 33 год. од н.е.?

Дополнителни прашања:

1. Прочитај Дела 2:1-47.

   1. Како зборовите на Петар, запишани во Дела 2:23, 36, покажуваат дека целиот израелски народ бил одговорен за смртта на Исус? (1. Сол. 2:14, 15).

   2. Како Петар дал добар пример за тоа како да се одговори на темел на Библијата? (Дела 2:16, 17, 29, 31, 36, 39; Кол. 4:6).

   3. Како Петар го употребил првиот од „клучевите на царството небесно“, кои Исус ветил дека ќе му ги даде? (Дела 2:14, 22-24, 37, 38; Мат. 16:19).

106. приказна

Ослободени од затвор

1. Што им се случило едно попладне на Петар и Јован кога отишле во храмот?

2. Што му рекол Петар на еден сакат човек, и што било тоа што му го дал, а било повредно од пари?

3. Зошто верските водачи биле лути, и што им направиле на Петар и Јован?

4. Што им одговорил Петар на верските водачи, и каква опомена добиле апостолите?

5. Зошто верските водачи станале љубоморни, но што се случило кога апостолите биле ставени в затвор по втор пат?

6. Како одговориле апостолите кога ги довеле во салата на Судскиот совет?

Дополнителни прашања:

1. Прочитај Дела 3:1-10.

   Иако денес не можеме да правиме чуда, како зборовите на Петар запишани во Дела 3:6 ни помагаат да сфатиме колку е вредна пораката за Царството? (Јован 17:3; 2. Кор. 5:18-20; Фил. 3:8).

2. Прочитај Дела 4:1-31.

   Во кој поглед треба да бидеме како нашите христијански браќа од првиот век кога се соочуваме со противење во службата на проповедање? (Дела 4:29, 31; Еф. 6:18-20; 1. Сол. 2:2).

3. Прочитај Дела 5:17-42.

   Како некои што не се Сведоци, и во минатото и денес, покажале разумност во врска со делото на проповедање? (Дела 5:34-39).

107. приказна

Стефан е каменуван

1. Кој бил Стефан, и во што му помагал Бог?

2. Што кажал Стефан, со што многу ги налутил верските водачи?

3. Што му направиле на Стефан луѓето што го одвлекле надвор од градот?

4. Кој е младиот човек на сликата што стои до наметките?

5. За што му се молел Стефан на Јехова пред да умре?

6. За да бидеме како Стефан, што треба да правиме кога некој ќе ни направи нешто лошо?

Дополнителни прашања:

1. Прочитај Дела 6:8-15.

   Со какви измами се служеле верските водачи за да го спречат проповедањето на Јеховините сведоци? (Дела 6:9, 11, 13).

2. Прочитај Дела 7:1-60.

   1. Што му помогнало на Стефан делотворно да ја брани добрата вест пред Судскиот совет, и што можеме да научиме од неговиот пример? (Дела 7:51-53; Рим. 15:4; 2. Тим. 3:14-17; 1. Пет. 3:15).

   2. Каков став треба да имаме кон оние што се против нашето проповедање? (Дела 7:58-60; Мат. 5:44; Лука 23:33, 34).

108. приказна

На патот за Дамаск

1. Што направил Савле откако Стефан бил убиен?

2. Какво чудо му се случило на Савле кога бил на пат за Дамаск?

3. Што му рекол Исус на Савле да направи?

4. Какви упатства му дал Исус на Ананија, и како прогледал Савле повторно?

5. По кое име станал познат Савле, и на кој начин Бог го користел?

Дополнителни прашања:

1. Прочитај Дела 8:1-4.

   Како прогонството што го погодило новоформираното христијанско собрание послужило да се рашири христијанската вера, и што се случило во денешно време на сличен начин? (Дела 8:4; Иса. 54:17).

2. Прочитај Дела 9:1-20.

   Според зборовите на Исус, која трикратна задача ја имал на ум за Савле? (Дела 9:15; 13:5; 26:1; 27:24; Рим. 11:13).

3. Прочитај Дела 22:6-16.

   Како можеме да бидеме како Ананија, и зошто е тоа важно? (Дела 22:12; 1. Тим. 3:7; 1. Пет. 1:14-16; 2:12).

4. Прочитај Дела 26:8-20.

   Како тоа што Савле станал христијанин им е охрабрување на денешните Сведоци чии сопружници не им се соверници? (Дела 26:11; 1. Тим. 1:14-16; 2. Тим. 4:2; 1. Пет. 3:1-3).

109. приказна

Петар го посетува Корнелиј

1. Кој е човекот што се поклонува на сликата?

2. Што му рекол еден ангел на Корнелиј?

3. Додека Петар бил на покривот од куќата на Симон во Јопа, што предизвикал Бог да види Петар?

4. Зошто Петар му рекол на Корнелиј дека не треба да му се поклонува и да го обожава?

5. Зошто учениците што дошле со Петар, а биле Евреи, биле многу изненадени?

6. Која важна поука треба да ја научиме од посетата на Петар на Корнелиј?

Дополнителни прашања:

1. Прочитај Дела 10:1-48.

   Што ни покажуваат зборовите на Петар запишани во Дела 10:42 во врска со проповедањето на добрата вест за Царството? (Мат. 28:19; Мар. 13:10; Дела 1:8).

2. Прочитај Дела 11:1-18.

   Каков став покажал Петар кога станало очигледно дека Јехова ги води работите во врска со незнабошците, и како можеме да го следиме неговиот пример? (Дела 11:17, 18; 2. Кор. 10:5; Еф. 5:17).

110. приказна

Тимотеј — новиот помошник на Павле

1. Кој е младиот човек на сликата, каде живеел, и како се викале мајка му и баба му?

2. Што одговорил Тимотеј кога Павле го прашал дали сака да им се придружи на Сила и нему за да им проповедаат на луѓето во далечни места?

3. Каде Исусовите следбеници за прв пат биле наречени христијани?

4. Наброј некои градови кои Павле, Сила и Тимотеј ги посетиле откако заминале од Листра.

5. Како Тимотеј му помагал на Павле, и кое прашање треба да си го постават младите денес?

Дополнителни прашања:

1. Прочитај Дела 9:19-30.

   Како апостол Павле бил претпазлив кога се соочил со противење на добрата вест? (Дела 9:22-25, 29, 30; Мат. 10:16).

2. Прочитај Дела 11:19-26.

   Како извештајот запишан во Дела 11:19-21, 26 покажува дека Јеховиниот дух го води и го насочува делото на проповедање?

3. Прочитај Дела 13:13-16, 42-52.

   Како Дела 13:51, 52 покажува дека учениците не дозволиле противењето да ги обесхрабри? (Мат. 10:14; Дела 18:6; 1. Пет. 4:14).

4. Прочитај Дела 14:1-6, 19-28.

   Како изразот „му ги доверија на Јехова“ ни помага да се ослободиме од секаква непотребна загриженост додека им помагаме на новите? (Дела 14:21-23; 20:32; Јован 6:44).

5. Прочитај Дела 16:1-5.

   Како тоа што Тимотеј бил спремен да се обреже нагласува колку е важно да се прави ‚сѐ поради добрата вест‘? (Дела 16:3; 1. Кор. 9:23; 1. Сол. 2:8).

6. Прочитај Дела 18:1-11, 18-22.

   Според Дела 18:9, 10, во која мера Исус лично го води делото на проповедање, и каква доверба ни влева тоа денес? (Мат. 28:20).

111. приказна

Едно момче заспало

1. Кое е момчето што лежи на земја на сликата, и што му се случило?

2. Што направил Павле кога видел дека момчето е мртво?

3. Каде отишле Павле, Тимотеј и оние што патувале со нив, и што се случило кога застанале кај Милет?

4. Какво предупредување му дал на Павле пророкот Агав, и на кој начин се случило токму така како што рекол пророкот?

Дополнителни прашања:

1. Прочитај Дела 20:7-38.

   1. Како можеме да останеме ‚чисти од крвта на сите‘, според зборовите на Павле, запишани во Дела 20:26, 27? (Езек. 33:8; Дела 18:6, 7).

   2. Зошто старешините треба да ‚се држат за веродостојните зборови‘ кога поучуваат? (Дела 20:17, 29, 30; Тит 1:7-9; 2. Тим. 1:13).

2. Прочитај Дела 26:24-32.

   Како успеал Павле, со помош на своето римско државјанство, да ја исполни задачата да проповеда, која ја добил од Исус? (Дела 9:15; 16:37, 38; 25:11, 12; 26:32; Лука 21:12, 13).

112. приказна

Бродолом на еден остров

1. Што се случило со бродот на кој се наоѓал Павле кога поминал покрај островот Крит?

2. Што им рекол Павле на оние што биле на бродот?

3. Како бродот се искршил на парчиња?

4. Кои упатства ги дал воениот заповедник, и колку луѓе безбедно стигнале на брегот?

5. Како се викал островот на кој стигнале, и што му се случило на Павле кога времето станало подобро?

Дополнителни прашања:

1. Прочитај Дела 27:1-44.

   Како нашата доверба во точноста на библискиот запис се зајакнува кога го читаме извештајот за патувањето на Павле до Рим? (Дела 27:16-19, 27-32; Лука 1:3; 2. Тим. 3:16, 17).

2. Прочитај Дела 28:1-14.

   Ако паганските жители на Малта биле поттикнати да постапуваат со „несекојдневна љубезност“ со апостол Павле и со оние што со него доживеале бродолом, на што треба да бидат поттикнати христијаните и особено на кој начин? (Дела 28:1, 2; Евр. 13:1, 2; 1. Пет. 4:9).

113. приказна

Павле во Рим

1. Кому му проповедал Павле додека бил затвореник во Рим?

2. Кој е посетителот што седи на масата на сликата, и што направил тој за Павле?

3. Кој бил Епафродит, и што понел со себе кога се вратил во Филипи?

4. Зошто Павле му напишал писмо на својот близок пријател Филимон?

5. Што направил Павле кога го ослободиле, и што му се случило подоцна?

6. Кого употребил Јехова за да ги напише последните библиски книги, и за што зборува книгата Откровение?

Дополнителни прашања:

1. Прочитај Дела 28:16-31 и Филипјаните 1:13.

   Како Павле го користел своето време додека бил во затвор во Рим, и какво влијание имала неговата непоколеблива вера врз христијанското собрание? (Дела 28:23, 30; Фил. 1:14).

2. Прочитај Филипјаните 2:19-30.

   Како Павле го изразил своето ценење за Тимотеј и Епафродит, и како можеме да го следиме примерот на Павле? (Фил. 2:20, 22, 25, 29, 30; 1. Кор. 16:18; 1. Сол. 5:12, 13).

3. Прочитај Филимон 1-25.

   1. На што се повикал Павле кога го поттикнал Филимон да го прави она што е исправно, и како тоа им помага на старешините денес? (Филим. 9; 2. Кор. 8:8; Гал. 5:13).

   2. Како зборовите на Павле, што се запишани во Филимон 13, 14, покажуваат дека тој ја почитувал совеста на другите во собранието? (1. Кор. 8:7, 13; 10:31-33).

4. Прочитај 2. Тимотеј 4:7-9.

   На кој начин и ние, како апостол Павле, можеме да имаме доверба дека Јехова ќе нѐ награди ако останеме верни до крај? (Мат. 24:13; Евр. 6:10).

114. приказна

Крајот на сето зло

1. Зошто Библијата зборува за коњи на небото?

2. Како е наречена Божјата војна против лошите луѓе на Земјата, и која е целта на оваа војна?

3. Кој ќе предводи во битката, како што се гледа на сликата? Зошто носи круна, и што означува неговиот меч?

4. Гледајќи наназад на 10., 15. и 33. приказна, зошто не треба да бидеме изненадени што Бог ќе ги уништи лошите луѓе?

5. Како 36. и 76. приказна покажуваат дека Бог ќе ги уништи лошите луѓе иако тврдат дека го обожаваат?

Дополнителни прашања:

1. Прочитај Откровение 19:11-16.

   1. Како Библијата јасно покажува дека Исус Христос е јавачот на белиот коњ? (Отк. 1:5; 3:14; 19:11; Иса. 11:4).

   2. Како крвта со која е испрскана Исусовата облека потврдува дека неговата победа е одлучувачка и целосна? (Отк. 14:18-20; 19:13).

   3. Кои се тие што најверојатно се вклучени во војската што го следи Исус на неговиот бел коњ? (Отк. 12:7; 19:14; Мат. 25:31, 32).

115. приказна

Нов рај на земјата

1. Во какви услови ќе живееме во Рајот на Земјата, за кој зборува Библијата?

2. Како гласи едно библиско ветување што им е дадено на оние што ќе живеат во Рајот?

3. Кога ќе се погрижи Исус да се случи таа прекрасна промена?

4. Што сторил Исус, кога бил на Земјата, за да покаже што ќе направи како Цар на Божјето Царство?

5. За што ќе се погрижат Исус и неговите небесни совладетели кога ќе владеат над Земјата од небото?

Дополнителни прашања:

1. Прочитај Откровение 5:9, 10.

   Зошто можеме да бидеме сигурни дека оние што ќе владеат над Земјата во текот на Илјадагодишното владеење ќе бидат сочувствителни и милосрдни цареви и свештеници? (Еф. 4:20-24; 1. Пет. 1:7; 3:8; 5:6-10).

2. Прочитај Откровение 14:1-3.

   Што значи тоа што името на Таткото и името на Јагнето се напишани на челата на 144.000? (1. Кор. 3:23; 2. Тим. 2:19; Отк. 3:12).

116. приказна

Што да сториме за да живееме засекогаш

1. Кого треба да го познаваме ако сакаме да живееме засекогаш?

2. На кој начин можеме да учиме за Јехова Бог и за Исус, како што тоа го прави девојчето со своите другарчиња на сликата?

3. Која друга книга ја гледаш на сликата, и зошто треба често да ја читаме?

4. Што друго е потребно за да стекнеме вечен живот освен што треба да учиме за Јехова и за Исус?

5. Што можеме да научиме од 69. приказна?

6. Што покажува добриот пример на малиот Самоил во 55. приказна?

7. Како можеме да го следиме примерот на Исус Христос, и ако го следиме, што ќе добиеме во иднина?

Дополнителни прашања:

1. Прочитај Јован 17:3.

   Како покажува Библијата дека учењето за Јехова Бог и за Исус Христос не значи само памтење податоци? (Мат. 7:21; Јак. 2:18-20; 1. Јов. 2:17).

2. Прочитај Псалм 145:1-21.

   1. Наброј некои од многуте причини што ги имаме за да го фалиме Јехова (Пс. 145:8-11; Отк. 4:11).

   2. На кој начин Јехова е „добар кон сите“, и како треба тоа да нѐ зближи уште повеќе со него? (Пс. 145:9; Мат. 5:43-45).

   3. Ако Јехова ни е мил, што ќе бидеме поттикнати да правиме? (Пс. 119:171, 172, 175; 145:11, 12, 21).