Лекција 16

Твојата одлука да му служиш на Бог

Што мораш да сториш за да станеш Божји пријател? (1, 2)

Како му се предаваш на Бог? (1)

Кога треба да се крстиш? (2)

Како можеш да добиеш сила за да му останеш верен на Бог? (3)

1. За да станеш Божји пријател, мораш да стекнеш добро спознание за библиската вистина (1. Тимотеј 2:3, 4), да имаш вера во работите кои си ги научил (Евреите 11:6), да се покаеш за своите гревови (Дела 17:30, 31) и да направиш пресврт во твојот начин на живеење (Дела 3:19, 20а). Тогаш твојата љубов спрема Бог треба да те поттикне да му се предадеш. Тоа значи дека во една лична, приватна молитва му кажуваш дека му се даваш себеси за да ја вршиш неговата волја (Матеј 16:24; 22:37).

2. Откако си се предал на Бог, треба да се крстиш (Матеј 28:19, 20). Крштавањето им дава на сите до знаење дека си се предал на Јехова. Затоа крштавањето е само за оние кои се доволно стари да донесат одлука да му служат на Бог. Кога некој ќе се крсти, целото негово тело треба за момент да се потопи под водаa (Марко 1:9, 10; Дела 8:36).

3. Откако си се предал, Јехова ќе очекува да живееш во согласност со твоето ветување (Псалм 50:14, НС; Проповедник 5:3, 4). Ѓаволот ќе се обиде да те запре да му служиш на Јехова (1. Петрово 5:8). Но приближи му се на Бог во молитва (Филипјаните 4:6, 7). Проучувај ја неговата Реч секој ден (Псалм 1:1—3). Остани тесно поврзан со собранието (Евреите 13:17). Правејќи го сето тоа, ќе добиеш сила да му останеш верен на Бог. На тој начин ќе можеш во цела вечност да ги правиш работите кои Бог ги бара од тебе!

[Фуснота]