Лекција 12

Што се случува при смртта?

Смртта е спротивност на животот. Смртта е како длабок сон (Јован 11:11—14). Мртвите не можат ништо да слушаат, да гледаат, да зборуваат или да размислуваат (Проповедник 9:5, 10). Лажната религија поучува дека мртвите одат во духовен свет за да живеат со своите предци. Библијата не поучува за тоа.

Оние кои умреле не можат да ни помогнат, а не можат ни да ни наштетат. Вообичаено е луѓето да изведуваат ритуали и да даваат жртви за кои веруваат дека ќе им угодат на оние што умреле. Ова предизвикува незадоволство кај Бог бидејќи се темели на една од Сатановите лаги. Тоа не може да им угоди ни на мртвите, затоа што тие се безживотни. Не треба да се плашиме од мртвите или да ги обожаваме. Треба да го обожаваме само Бог (Матеј 4:10).

Мртвите ќе живеат повторно. Јехова ќе ги разбуди мртвите во живот на рајска Земја. Тоа време сѐ уште е во иднина. (Јован 5:28, 29; Дела 24:15). Бог може да ги разбуди оние кои умреле исто толку сигурно како што ти можеш да разбудиш некого кој спие (Марко 5:22, 23, 41, 42).

Идејата дека не умираме е лага што ја раширил Сатана Ѓаволот. Сатана и неговите демони ги тераат луѓето да мислат дека духовите на мртвите се живи и предизвикуваат болести и други проблеми. Сатана ги мами луѓето, понекогаш преку соништа и визии. Јехова ги осудува оние што се обидуваат да зборуваат со мртвите (5. Мојсеева 18:10—12).