Лекција 15

Божјите пријатели го прават она што е добро

Кога имаш пријател кому му се восхитуваш и го почитуваш, се обидуваш да бидеш како него. „Добар и исправен е Јехова“, вели Библијата (Псалм 25:8, NW). За да бидеме Божји пријатели, мораме да бидеме добри и исправни. Библијата вели: „Станете имитатори на Бог, како љубени деца, и продолжете да одите во љубов“ (Ефесјаните 5:1, 2, NW). Еве неколку начини да се стори тоа:

Биди им од помош на другите. „Да им правиме добро на сите“ (Галатјаните 6:10).

Работи напорно. „Кој крадел, да не краде веќе; а подобро е да се труди, правејќи добро со рацете свои“ (Ефесјаните 4:28).

Задржи физичка и морална чистота. „Да се исчистиме од секоја валканост на телото и духот, усовршувајќи ја светоста во Божји страв“ (2. Коринтјаните 7:1, NW).

Постапувај со членовите на твоето семејство со љубов и почитување. „Секој од вас . . . нека ја љуби својата жена како самиот себе; жената, пак, треба да има длабоко почитување кон својот маж. Деца, бидете им послушни на своите родители“ (Ефесјаните 5:33—6:1, NW).

Покажи љубов кон другите. „Да се сакаме еден со друг, оти љубовта е од Бога“ (1. Јованово 4:7).

Биди послушен на законите на земјата. „Секоја душа нека [ѝ] биде подложна на [владата] . . . Давајте им на сите што им припаѓа: на оној кој бара данок — данок“ (Римјаните 13:1, 7, NW).