Главната тема на Библијата е тесно поврзана со Божјето Царство. Преку тоа Царство, Јехова ќе ја исполни својата првобитна намера со Земјата. Што е Царството? Од каде знаеме дека тоа веќе владее? Што постигнало досега и што ќе постигне во иднина? Одговорот на овие прашања ќе го добиеме во оваа и во следните две лекции.

1. Што е Божјето Царство и кој е Цар на тоа Царство?

Божјето Царство е влада која ја воспоставил Јехова Бог. Исус Христос е Цар на тоа Царство и владее од небото (Матеј 4:17; Јован 18:36). Библијата за него вели: „Тој ќе царува... засекогаш“ (Лука 1:32, 33). Како Цар на Божјето Царство, Исус ќе владее над сите луѓе на Земјата.

2. Кој владее заедно со Исус?

Исус не владее сам. Во Библијата пишува: „Луѓе од секое племе и јазик и народ и народност... ќе царуваат над земјата“ (Откровение 5:9, 10). Колкумина ќе владеат со Христос? Од времето кога Исус дошол на Земјата па сѐ до денес, милиони луѓе станале негови следбеници. Но, само 144.000 од нив ќе владеат заедно со него на небото. (Прочитај Откровение 14:1-4.) Сите други христијани ќе живеат на Земјата и ќе бидат жители на Божјето Царство (Псалм 37:29).

3. Зошто Божјето Царство е далеку подобро од човечките влади?

Дури и кога се трудат да прават добри работи, човечките владетели немаат моќ да го направат сето она што го сакаат. А порано или подоцна, на нивно место доаѓаат некои што повеќе гледаат за себе отколку за доброто на народот. Но Исус, владетелот на Божјето Царство, нема никогаш да биде заменет со некој друг. Божјето Царство „нема никогаш да пропадне“ (Даниел 2:44). Исус ќе владее над целата Земја и нема да биде пристрасен кон никого. Тој е добар, праведен и ги сака луѓето, и ќе ги поучува да го следат неговиот пример — да покажуваат добрина, праведност и љубов. (Прочитај Исаија 11:9.)

4. Моќна влада која ќе владее над целата Земја

Исус Христос има поголема моќ и власт од кој и да било друг владетел во историјата. Прочитај Матеј 28:18, а потоа разговарајте за ова прашање:

• Во кој поглед власта што Исус ја има се разликува од власта на кој и да било човечки владетел?

Човечките влади често се менуваат. Освен тоа, секоја од нив има власт само над одредено подрачје. Но, што е со Божјето Царство? Прочитај Даниел 7:14, а потоа разговарајте за овие прашања:

• Како ќе ни користи тоа што Божјето Царство „нема да пропадне“?

• Како ќе ни користи тоа што Царството ќе владее над целата Земја?

5. Човечките влади мора да бидат заменети

Зошто Божјето Царство мора да ги замени човечките влади? Пушти го ВИДЕОКЛИПОТ, а потоа разговарајте за следново прашање:

ВИДЕОКЛИП: Што е Божјето Царство? — извадок (1:41)

• Кои се последиците од човечкото владеење?

Прочитај Проповедник 8:9, а потоа разговарајте за овие прашања:

• Што мислиш, дали Божјето Царство треба да ги замени човечките влади? Зошто мислиш така?

6. Владетелите на Божјето Царство можат да нѐ разберат

Нашиот Цар, Исус, живеел како човек, и затоа „може да сочувствува со нас во нашите слабости“ (Евреите 4:15). Со него ќе владеат 144.000 верни мажи и жени кои Јехова ги избрал „од секое племе и јазик и народ и народност“ (Откровение 5:9).

• Дали ти е утешно тоа што Исус и сите оние што ќе владеат со него знаат како е да бидеш човек? Зошто?

7. Божјето Царство ги има најдобрите закони

Владите носат закони за кои сметаат дека ќе ги штитат граѓаните и ќе бидат за нивно добро. Слично на тоа, и Божјето Царство има закони кои неговите жители мора да ги држат. Прочитај 1. Коринќаните 6:9-11, а потоа разговарајте за овие прашања:

• Што мислиш, каков ќе биде светот кога секој ќе живее во склад со Божјите закони и мерила?a

• Јехова очекува жителите на Царството да се држат за неговите закони. Дали тоа ти звучи разумно? Зошто мислиш така?

• Што ни покажува дека луѓето што не ги држат Божјите закони можат да се сменат? (Види го стих 11.)

ШТО НАУЧИ:

Божјето Царство е влада која е воспоставена на небото и која ќе владее над целата Земја.

Како би одговорил?

• Кои се владетелите на Божјето Царство?

• Во која смисла Божјето Царство е далеку подобро од сите човечки влади?

• Кои се некои работи што Јехова ги очекува од жителите на Царството?

ИСТРАЖУВАЈ

Некои луѓе сметаат дека Божјето Царство се наоѓа во нашето срце. Прочитај што поучувал Исус за Царството.

„Дали Божјето Царство се наоѓа во твоето срце?“ (Статија на интернет)

Зошто Јеховините сведоци сметаат дека е поважно да му бидат оддадени на Божјето Царство отколку на човечките влади?

Оддадени на Божјето Царство (1:44)

Дознај што открива Библијата за 144-те илјади кои ќе владеат со Исус.

„Кој оди на небото?“ (Статија на интернет)

Прочитај како една жена која била во затвор се уверила дека само Бог може да воспостави праведен свет.

„Каде го најдов решението за неправдите“ (Разбудете се! од ноември 2011)

Божјето Царство било воспоставено на небото во 1914 год. Тогаш започнале и последните денови од човечкото владеење. Од каде го знаеме тоа? Да разгледаме некои библиски пророштва и да видиме каква е состојбата во светот и какви особини покажуваат луѓето од 1914 год. па наваму.

1. Што прорекла Библијата?

Во библиската книга Даниел било проречено дека Божјето Царство ќе започне да владее на крајот од еден период кој се нарекува „седум времиња“ (Даниел 4:16, 17). Со векови подоцна, Исус го нарекол тој период „одредените времиња на незнабошците“, и од она што го кажал се гледа дека овој период во негово време сѐ уште траел (Лука 21:24). Како што ќе видиме, седумте времиња завршиле во 1914 год.

2. Каква е состојбата во светот и какви се луѓето од 1914 год. па наваму?

Во една прилика, учениците го прашале Исус: „Кој ќе биде знакот на твојата присутност и на свршетокот на овој поредок?“ (Матеј 24:3). Одговарајќи им на тоа прашање, тој кажал кои работи ќе се случуваат откако ќе почне да владее како Цар на Божјето Царство. Меѓу другото, Исус прорекол дека ќе има војни, глад и земјотреси. (Прочитај Матеј 24:7.) Исто така, Библијата прорекла дека, поради лошите особини на луѓето, „во последните денови ќе настанат особено тешки времиња“ (2. Тимотеј 3:1-5). Сето ова е особено видливо од 1914 год.

3. Зошто состојбата во светот толку многу се влошила откако било воспоставено Божјето Царство?

Кратко откако станал Цар на Божјето Царство, Исус започнал војна на небото против Сатана и демоните. Сатана бил поразен. Библијата вели дека тој бил „исфрлен на Земјата“ и дека со него биле „исфрлени и неговите ангели“ (Откровение 12:9, 10, 12). Сатана е многу гневен бидејќи знае дека ќе биде уништен. Затоа им нанесува болка и страдање на луѓето по целата Земја. Тоа ни помага да сфатиме зошто состојбата во светот е толку лоша. Но, Божјето Царство ќе ги реши сите тие проблеми.

ДОЗНАЈ ПОВЕЌЕ

4. Библиските пророштва укажуваат на 1914 год.

ВИДЕОКЛИП: Божјето Царство почнало да владее во 1914 (5:02)

Вавилонскиот цар Навуходоносор сонил сон во кој Бог му покажал што ќе се случи во иднина. На темел на она што го сонувал и на толкувањето што го дал Даниел, може да се заклучи дека тој сон се однесува и на владеењето на Навуходоносор и на Божјето Царство. (Прочитај Даниел 4:17.)a

Прочитај Даниел 4:20-26. Потоа, на темел на она што стои во рамките, разговарајте за следниве прашања:

• 1) Што видел Навуходоносор во својот сон? (Види ги стиховите 20 и 21.)

• 2) Што ќе се случело со дрвото? (Види го стих 23.)

• 3) Што ќе се случело на крајот од седумте времиња? (Види го стих 26.)

Како сонот за дрвото е поврзан со Божјето Царство

ПРОРОШТВО (Даниел 4:20-36)

Владеење

1) Огромно дрво

Прекин на владеењето

2) „Пресечете го дрвото“, и нека поминат „седум времиња“

Обнова на владеењето

3) „Твоето царство повторно ќе ти припадне тебе“

Прво исполнување:

• 4) Кого го претставува дрвото? (Види го стих 22.)

• 5) Како било прекинато неговото владеење? (Прочитај Даниел 4:29-33.)

• 6) Што се случило со Навуходоносор на крајот од седумте времиња? (Прочитај Даниел 4:34-36.)

ПРВО ИСПОЛНУВАЊЕ

Владеење

4) Навуходоносор, цар на Вавилон

Прекин на владеењето

5) По 606 пр.н.е., Навуходоносор го изгубил разумот и не бил способен да владее седум години

Обнова на владеењето

6) На Навуходоносор му се вратил разумот и почнал повторно да владее

Второ исполнување:

• 7) Кого го претставува дрвото? (Прочитај 1. Летописи 29:23.)

• 8) Како било прекинато нивното владеење? Од каде знаеме дека тој прекин сѐ уште траел кога Исус бил на Земјата? (Прочитај Лука 21:24.)

• 9) Кога и каде било обновено ова владеење?

ВТОРО ИСПОЛНУВАЊЕ

Владеење

7) Израелските цареви кои го застапувале Божјето владеење

Прекин на владеењето

8) Ерусалим бил уништен, а владеењето на израелските цареви било прекинато во период од 2.520 години

Обнова на владеењето

9) Исус почнал да владее на небото како Цар на Божјето Царство

5. Од 1914 год. светот повеќе не е ист

Пушти го ВИДЕОКЛИПОТ.

ВИДЕОКЛИП: Од 1914 светот повеќе не е ист (1:10)

Исус прорекол што ќе се случува во светот откако тој ќе стане Цар. Прочитај Лука 21:9-11, а потоа разговарајте за ова прашање:

• Кои од овие работи лично си ги доживеал или си слушнал за нив?

Апостол Павле опишал какви ќе бидат луѓето во последните денови од човечкото владеење. Прочитај 2. Тимотеј 3:1-5, а потоа разговарајте за ова прашање:

• Кои од овие особини ги забележуваш кај луѓето денес?

6. На што треба да нѐ поттикне тоа што Божјето Царство владее?

Прочитај Матеј 24:3, 14, а потоа разговарајте за овие прашања:

• Кое важно дело покажува дека Божјето Царство веќе владее?

• Како можеш да учествуваш во ова дело?

Божјето Царство веќе е воспоставено на небото и близу е денот кога ќе почне да владее над целата Земја. Прочитај Евреите 10:24, 25, а потоа разговарајте за ова прашање:

• Што треба да прави секој од нас имајќи на ум дека „се приближува денот“?

ШТО НАУЧИ:

Библиските пророштва и состојбата во светот се доказ дека Божјето Царство веќе владее. Покажуваме дека сме уверени во тоа така што ја проповедаме добрата вест за Царството и присуствуваме на собраниските состаноци.

Како би одговорил?

• Што се случило на крајот од седумте времиња проречени во библиската книга Даниел?

• Што те уверува дека Божјето Царство било воспоставено во 1914 год.?

• Како можеш да покажеш дека си уверен дека Царството веќе владее?

ИСТРАЖУВАЈ

Прочитај што рекле некои историчари и други луѓе за тоа колку се променил светот од 1914 год. па наваму.

„Време на драстичен пад на моралот“ (Разбудете се! од април 2007)

Прочитај како пророштвото од Матеј 24:14 влијаело врз животот на еден човек.

„Бејзболот ми беше сѐ!“ (Стражарска кула бр. 3, 2017)

Од каде знаеме дека пророштвото запишано во Даниел поглавје 4 е поврзано со Божјето Царство?

„Кога почнало да владее Божјето Царство? (прв дел)“ (Стражарска кула од 1 октомври 2014)

Што покажува дека седумте времиња спомнати во Даниел поглавје 4 завршиле во 1914 год.?

„Кога почнало да владее Божјето Царство? (втор дел)“ (Стражарска кула од 1 ноември 2014)

Божјето Царство веќе е воспоставено на небото и наскоро ќе направи големи промени на Земјата. Да разгледаме некои убави работи кои можеш да ги доживееш и ти под власта на Царството.

1. Како Божјето Царство ќе воспостави мир и правда на Земјата?

Исус, Царот на Божјето Царство, ќе ги уништи злобните луѓе и човечките влади во војната Армагедон (Откровение 16:14, 16). Тогаш во потполност ќе се исполни следново ветување од Библијата: „Уште малку, и злиот ќе го снема“ (Псалм 37:10). Под власта на Исус, Царството ќе воспостави мир и правда по целата Земја. (Прочитај Исаија 11:4.)

2. Каков ќе биде животот кога Божјата волја ќе се врши на Земјата?

Под власта на Божјето Царство „праведниците ќе ја поседуваат земјата и ќе живеат на неа засекогаш“ (Псалм 37:29). Замисли си колку ќе биде убав животот тогаш! Сите луѓе ќе бидат праведни, ќе го сакаат Јехова и ќе се сакаат еден со друг. Исто така, никој нема да биде болен и сите ќе живеат вечно.

3. Што ќе постигне Божјето Царство откако злобните ќе бидат уништени?

Откако злобните ќе бидат уништени, Исус ќе владее како Цар 1.000 години. Во текот на тој период, Исус и 144-те илјади кои ќе владеат со него ќе им помогнат на луѓето да станат совршени. На крајот од тие 1.000 години, целата Земја ќе биде претворена во прекрасен рај и сите луѓе ќе бидат среќни затоа што се послушни на Јеховините закони. Тогаш Исус ќе му го предаде Царството на својот Татко, Јехова. Во тоа време, во потполност ќе се исполнат зборовите од молитвата Оченаш: „Да се свети името твое“ (Матеј 6:9, 10). Јеховиното име конечно ќе биде посветено! Ќе биде сосема јасно дека Јехова е добар Владетел кој се грижи за оние што му служат. Јехова тогаш ќе ги уништи Сатана, демоните и сите оние што ќе одлучат да се побунат против Неговото владеење (Откровение 20:7-10). Благословите кои Божјето Царство ќе ги излее врз луѓето ќе траат засекогаш.

ДОЗНАЈ ПОВЕЌЕ

4. Божјето Царство ќе му стави крај на човечкото владеење

„Човек владее над човек на негова штета“ (Проповедник 8:9). Но Јехова, преку своето Царство, ќе ја поправи сета штета која била предизвикана поради човечкото владеење.

Прочитај Даниел 2:44 и 2. Солуњаните 1:6-8, а потоа разговарајте за овие прашања:

• Што ќе направат Јехова и неговиот Син, Исус, со човечките влади и со оние што ги поддржуваат?

• Дали она што го научи за Јехова и за Исус те уверува дека тие ќе постапат потполно праведно? Зошто мислиш така?

5. Исус е најдобриот Цар

Како Цар на Божјето Царство, Исус ќе направи прекрасни работи за луѓето. За да видиш како тој покажал дека сака да им помага на луѓето и дека може да го прави тоа благодарение на моќта што ја добил од Бог, пушти го ВИДЕОКЛИПОТ.

ВИДЕОКЛИП: Исус покажал што ќе постигне Божјето Царство (1:13)

Она што Исус го правел додека бил на Земјата ни дава увид во она што ќе го постигне Царството во иднина. Кои од следниве благослови едвај чекаш да се исполнат? Прочитај ги наведените стихови во кои се зборува за овие благослови.

6. Прекрасен живот под власта на Божјето Царство

ВИДЕОКЛИП: Нѐ чека прекрасна иднина (4:38)

Прочитај Псалм 145:16, а потоа разговарајте за ова прашање:

• Како се чувствуваш поради тоа што знаеш дека Јехова ќе ја задоволи „желбата на сѐ што е живо“?

ШТО НАУЧИ:

Преку Царството, Јехова ќе ја оствари својата намера. Целата Земја ќе стане рај, а на неа ќе живеат само добри луѓе кои засекогаш ќе го обожаваат својот Творец.

Како би одговорил?

• Како преку Божјето Царство ќе се посвети Јеховиното име?

• Зошто може да бидеме сигурни дека преку Божјето Царство ќе се исполнат библиските ветувања?

• Кои благослови што ќе ги излее Божјето Царство едвај чекаш да ги доживееш?

ИСТРАЖУВАЈ

Дознај што точно е Армагедон.

„Што е Армагедон?“ (Статија на интернет)

Прочитај што ќе се случува во текот на периодот што Исус го нарекол „големата неволја“.

„Што е големата неволја?“ (Статија на интернет)

Погледни како едно семејство си го замислува животот во рајот на Земјата.

Замисли се себеси во рајот (1:50)

Прочитај ја животната приказна со наслов „Ме мачеа многу прашања“ и дознај како еден политички активист ги пронашол одговорите по кои долго време трагал.

„Библијата менува животи“ (Стражарска кула од 1 јануари 2012)