Користи го твојот „духовен дар“

Сите ние го цениме охрабрувањето што го добиваме кога сме заедно со нашите соверници. Но, за меѓусебно да се охрабриме, не е доволно само да минуваме време заедно. Во Библијата, способноста да си ја зајакнеме верата еден на друг е наречена „духовен дар“ (Рим. 1:11, 12). Како би можеле во потполност да го користиме тој дар?

Охрабрувај ги другите со добро избрани зборови. На пример, на состаноците можеме да даваме коментари во кои фокусот нема да биде на нас, туку на Јехова, на неговата Реч и на неговиот народ. Кога сме со соверниците, можеме да избереме да зборуваме за работи кои ќе им ја зајакнат верата.

Охрабрувај ги другите со своите одлуки и постапки. На пример, другите можат да забележат дека си одлучил да останеш во полновремена служба и покрај тешкотиите со кои се соочуваш. Или можеби гледаат дека редовно присуствуваш на состанокот Нашиот живот и служба и покрај тоа што си уморен од напорната работа или пак имаш здравствени проблеми.

Дали ги охрабруваш браќата и сестрите со своите зборови и постапки? И дали забележуваш како тие те охрабруваат тебе со својот „духовен дар“?