LESINA 7

Maʼalutana Ofu La Kamiliʼa Ki e ʼUfita Boʼo?

Ofu la kera Jehovah’s Witness ki i New Zealand — New Zealand

Ofu la kera Jehovah’s Witness ki i Japan — Japan

Witness biʹi baita eri e teʹemaʹi Baebol i Uganda — Uganda

Ro Witness eki kero ilifenia uʹunu la sulia Baebol i Lithuania — Lithuania

I la si maṉa aposol ki, kera ṉulia fa ṉuu ki, keka foʼa, teʼemania ma keka uʼunu kalia Kekeda La Abu Ki i la ofu la kera ki. (1 Corinth 14:26) Oki rikia i la ofu la kamiliʼa ki mena e una eri laʼu boʼo.

Uʼunua kamiliʼa ki e ṉado ana Baebol bia ka kwaiadomi. Ana susui lana uiki, teʼe figuteʼe Kristin keki ofu ura roṉo lana teʼe ṉataa fasia Baebol, na kai lae sulia 30 miniti. Ṉataa eri kai infitaa abula la sulia Baebol i la tolamaliʼa bia si maṉa na kulu too iei i taraʼena. Miki lio sulia i la Baebol kamiliʼa ki asi maṉa ni teʼemaʼi lana skrifsa ki. I la teʼe aoa i buriana ṉataa eri, miki too laʼu boʼo ura toʼo lana Wastaoa. Waidoʼorana eki na kera figu, keki uʼunu ofu kakalia teʼe uʼunua i lana Wastaoa eri. Si abula la eri e adomi kamiliʼa ura lae la sulia kwaifamanataia ki ne lae mai fasia Baebol i la too lamaliʼa. E talua 110,000 figuteʼe Kristin ki i la fanua nei iano rerebaʼa kera toʼoa laʼu boʼo teʼe Wastaoa eri bana.

Mili fulatoʼona kwaiadomia ura miki thaitoʼomana leʼa ana toʼodo la. Teʼesi maṉa i la uiki, mika too laʼu boʼo ana ulu ofu la. Ofu la i totolenaʼo, nia na ṉa toʼo lana uʼunua ki fasia Baebol na kai lae sulia 30-miniti. I la ofu la eri keki soetoʼona soe la ki na miki uʼunu kakalia ne adomi kamiliʼa ura maʼalutai leʼa la ana kwaifamanataia ki bia uʼurodo lana Baebol. I buriana, mika too laʼu ana sukulu ne toʼoa toʼo lana Baebol na kai lae laʼu boʼo sulia ta 30-miniti. Ofu la eri kai thafali ana uʼunu la kakalia tei safta ki i la Baebol na mili teʼemania mai i totolenaʼo. Sui tei imole ki na kera olotoʼoda ura ṉali lana ṉataa i la sukulu eri, keka falea ṉata kukuru ki. Sui wane ne lio sulia sukulu eri ka falea si baʼea ni kwaiadomi la ki na kai adomi kamiliʼa ura teʼemaʼi leʼa la bia toʼodo leʼa la. (1 Timothy 4:13) Ofu la iʼisi nia na ṉa ofu la ne toʼoa ili lana raa tha God . Ofu la eri kai lae laʼu boʼo sulia 30-miniti maka too ana tei ṉataa ki, fataʼi lana toʼodo la, ma soetalafana la ki. Si do eki ne adomi kamiliʼa ura toʼo lana Baebol i sana tei imole ki.

Asi maṉa no fula mai ana ofu la kamiliʼa eki, oki todaa toʼodo la ne leʼa maka ṉado ana Baebol.—Isaiah 54:13.

Si taa ki boʼo na oki roṉoa i la ofu la kera Jehovah’s Witness Ki?
Ofu la taa ni boʼo ana ofu la eki no thathami fula mai ania?