LESINA 22

Raa Taa Ki Na Keki Raa Ania i La Branch Ofis?

Doʹora ki kera olosia raa i fana branch office i Solomon Islands — Solomon Islands

Teʼe Jehovah’s Witness ne raa i la branch ofis i Canada — Canada

Tarake ura kwaleṉani lana buka ki — South Africa

Imole eki na kera too i la Bethel kera ilia raa eʼeta kwailiu ura adomi lana raa ura ṉata la sulia si faʼaroṉoa leʼa i la teʼe kokomua mado tei kokomua ki. Tei imole ki keka raa i la translesin timi ki, printim lana magasin ki ma buka ki, beta lana ma ukali lana buka ki, thauṉaʼi lana video mado record la, mado lio la sulia tei raa ki laʼu i la aʼuʼua eri.

Branch Komiti ne liosulia raa eki. Figuteʼe Wane Nanaʼo Ana Organization kera takwefalea raa ki i la teʼe branch ofis i fana Branch Komiti ana branch eri. Teʼe komiti kai too ana ulu noniʼi wane mado ka talua. Toʼa nanaʼo na kera farana na keki too ana komiti eri. Komiti eri na kai uʼunu bia Figuteʼe Toʼa Nanaʼo sulia raa eki ne liosulia bia afetaʼia ki ne tataʼe mai i la fanu eri. Si abula la eri e adomia Figuteʼe Wane Nanaʼo Ana Organization ura thauṉaʼi manataa la sulia uʼunua taa ki ne talaʼana keki kedaa i la buka ki na keki thauṉania mai, bia uʼunu taa ki ne talaʼana keki uʼunu kakalia i la ofu la kera figuteʼe Kristin ki bia ofu la baita ki na kai tataʼe mai. Figuteʼe Wane Nanaʼo Ana Organization kai falea tei wane ki ura fula la i la branch ofis ki ura fale lana kwaiadomia i fana Branch Komiti ki ura ili lana raa kera ki. (Proverbs 11:14) Asi maṉa na ta wane iada e fula i la ta branch ofis, keki ʼolosia teʼe ofu la ura roṉo lana teʼe ṉataa fasi nia ura faʼasukwai lana bare waidoʼorana ki na kera too i la kokomua ki na branch eri e liosulia.

Kwaiadomia na kera falea i fana figuteʼe Kristin ki. Tei doʼora ki na kera raa i la branch ofis na keki alafafia masa ta figuteʼe Kristin kai thafali. Tei wane iada keka ʼolosia laʼu boʼo raa kera pioneer ki, missionary ki, bia circuit overseer ki i la kokomua ki na ṉa branch eri e liosulia. Keka ʼolosia ofu la baita ki, lio la sulia thauṉaʼi lana Kingdom Hall faalu ki, bia keka falea i fana figuteʼe Kristin ki, buka ki ma magasin ki na kera atoʼia. Raa eki sui boʼo na kera ilia i la branch, kera ilia ura ʼolosi lana bia adomi lana raa ura ṉata la sulia si faʼaroṉoa leʼa.—1 Corinth 14:33, 40.

Raa ʼufita na Branch Komiti e ilia ura adomi lana Figuteʼe Wane Nanaʼo Ana Organization?
Raa taa ki na branch ofis e thai sulia?