LESON 28
Manta Baita Ana si Do na Jehovah bia Jesus Kero’a Ilifania
Si manga te’e imole kwaimani oe e falea te’e present famu’a, oe oki se’ethathala asia na’a, bia oki ilifania si do na fatania oe o manta baita ana si do na imole kwaimani oe eri e falea. Jehovah bia Jesus kero’a falea te’e present le’a na talua present ki sui bo’o. Ta bo’o na present eri, ma ta bo’o na oki ilifania na fatania oe o manta baita ana present eri?
1. Ta na kuki ilifania fasia ka fatania kulu manta baita an si do na Jehovah bia Jesus kero’a ilifania?
Baebol e sorea, “imole ki na kera to ana fito’oa ana tha [Jesus] keki todaa” marukia tathaa. (John 3:16) Ta na to’olangania kuki to ana fito’oa ana tha Jesus? Nia a’i si to’olangania kuki fa’amamanea bakalu’a tha Jesus, nia e to’olangania kuki fatania fito’oa ana si do na kulu ilifania. (James 2:17) Fito’oa kulu kai fata’i ana si do na kulu ilifania bia kuka sorea, masi do eri kai fa’asukwa’ia kwaimania kulu bia tha Jesus bia maka nia.—Te’emania John 14:21.
2. Ofu la ta bo’o na gwaunga’i na kuki lae ania, na fatania kulu manta baita ana si do na Jehovah bia Jesus kero’a ilifania?
Fa tha’ulefi sui fete’i Jesus ka mae, nia e fa’arongo ana disaepol nia ki si do na keki ilifania fasia ka fatania kera manta baita ana mae lana. Nia e thafalia te’e ofu la faalu bia disaepol nia ki, na Baebol e alangia ana “fafangaa tha Lord,” na ruana si ba’ea uria, “ofu la ura manto’ona lana mae lana tha Christ.” (1 Corinthians 11:20) Jesus e ilifania si do eri fasia aposol nia ki, bia Christian mamana ki keka manto’ona mae lana. Sui Jesus ka fa’arongo kera la’u: “Muki ilifania si do eri ka oli’ala’a, fasia ka fatania mulu manto’oku.” (Luke 22:19) Si manga o lae ana ofu la ura manto’ona lana mae lana tha Jesus, si do eri e fatania oe o manta baita ana liothaua na Jehovah bia Jesus kero’a to ania fakalu’a.
TO’OA LA’U TEI SI DO
Kuki to’oa la’u tei si do na kuki ilifania fasia ka fatania kulu manta baita ana liothaua na Jehovah bia Jesus kero’a to ania fakalu’a. Bia uria ta ofu la ura manto’ona lana mae lana tha Jesus ka gwaunga’i.
3. Ta na kuki ilifania na fatania kulu manta baita
Manto’ona fesi, masa karangia na’a oko thuthu la amali sui te’e wane ka lau oe. Ufita, oe oko liodoraa bamu’a si do na wane eri e ilifania famu’a? Mada oe oko ilifania si do na fatania oe o manta baita ana si do na wane eri e ilifania?
Sula’ania Jehovah e liothau ani kulu nia ka falea mai kaluwane nia ka mae ura abulata’a la kulu ki, si do eri ka ifinia tala uria kuki todaa marukia tathaa. Te’emania 1 John 4:8-10, sui u’unu kalia soeto’ona la ki:
Uria ta na afufu la na tha Jesus e ilifania nia te’e fale la baita?
Si manga na o rikia si do baita na Jehovah bia Jesus kero’a ilifania, to’omatafana la oe ka ufita?
Ta bo’o na kuki ilifania fasia ka fatania kulu manta baita ana si do na Jehovah bia Jesus kero’a ilifania fakalu’a? Te’emania 2 Corinthians 5:15 bia 1 John 4:11; 5:3. Te’emania te’e scripture sui, u’unu kalia soeto’ona la:
Uria scripture eki e sorea, fasia ka fatania kulu manta baita ta na kuki ilifania?
4. Lae sulia example tha Jesus
Te’e si do la’u na kuki ilifania na fatania kulu manta baita, nia na si manga na kulu lae sulia example tha Jesus. Te’emania 1 Peter 2:21, sui u’unu kalia soeto’ona la:
Ta na kuki ilifania fasia ka fatania kulu lae sulia example tha Jesus?
Jesus e manta baita ana ba’elana tha God do na adea nia ka te’emania si manga ki sui bana, ka u’unu tania fa’arongoa le’a sana ruana imole, bia ka adomia imole na kera fulato’ona afeta’ia
5. Lae ana ofu la ura manto’ona lana mae lana tha Jesus
Fasia oko rikia si do na Jesus bia aposol nia ki kera ilifania, te’emania Luke 22:14, 19, 20. Sui u’unu kalia soeto’ona la ki:
Ta na tatha si manga ana ofu la totolo na’o ura manto’ona lana mae lana tha Jesus?
Bereta bia wine e to’olangania ta? —Rikia verse 19 bia 20.
Jesus e fa’arongo ana disaepol nia ki, uria keki ofu ura manto’ona lana mae lana te’e si manga la fa ngali. Jehovah Witness kera lae sulia si do na Jesus e sorea, si manga kera ofu ura manto’ona lana mae lana tha Jesus te’e si manga la fa ngali. Fasia oko to’oa la’u tei si do na kai tatha la ofu la gwaunga’i eri, fatania VIDEO. Sui u’unu kalia soeto’ona la.
Ta na Jehovah’s witness kera ilifania, si manga ana ofu la ura manto’ona lana mae lana tha Jesus?
Bereta e to’olangania se’edo na Jesus e to ania na e laula’u ne afufu ania fakalu’a, wine e to’olagania abuna Jesus
SI BA’EA TEI IMOLE KEKI SOREA: “Osi ilifania la’u tesi do oro, o fa’amamanea bamu’a Jesus oko maruki bona’a.”
Oki aruto’ona ufita bo’o ana John 3:16 bia James 2:17, si manga o rongoa si ba’ea eri?
SI DO NA KULU TO’OA
Kulu manta baita ana si do na Jesus e ilifania si manga na kulu to ana fito’oa ana tha Jesus, bia kuka lae ana ofu la ura manto’ona lana mae lana.
Reviu
Ta na e to’olangania kuki to ana fito’oa ana tha Jesus?
Fasia ka fatania o manta baita ana si do na Jehovah bia Jesus kero’a ilifania, ta na oki ilifania?
Uria ta kusi to fasia lae la ana ofu la ura manto’ona lana mae lana tha Jesus?
TEI SI DO KI LA’U
Ta na mae lana tha Jesus e adomi kulu uria kuki ilifania?
Kuki to’oa la’u tei si do sula’ania fito’oa, bia kuki fata’i ufita ania.
“Garem Faith Long Olketa Promis Bilong Jehovah” (Wastaoa, October 2016)
Te’emai sulia te’e kini na e talaa marukia nia si manga e riki thaito’omana mae lana tha Jesus e thaito’omana kai adomi nia.
Te’emai sulia uria ta, tei imole ki bana keka aruto’ona bereta bia keka ku’ufia wine si manga ana ofu la ura manto’ona lana mae lana tha Jesus.