God E Thathamia Oki Kwaimani Bi Nia

God e thathamia oki wane kwaimani nia.

O manata fesi sulia, e tala’ana bana oki kwaimani bia Wane baita ka tatha i la molagali? Tha Abraham, i nao mai, kera alan̄inia ana wane kwaimani tha God. (James 2:23) Ma tei imole lau ki na Baebole e n̄ata sulia kera se’ethathala sulia kwaimania kera bia tha God bia keka fulato’ona mamana e baita. I taraena, imole fasia kula oro i fafona fanua nei ano kera kwaimani bia tha God. Mani oe lau bo’o o tala’ana kwaimani la bia tha God.

Kwaimani la bia tha God e lea ka talua kwaimani la bia imole ki.

E afetai ura tha God kai labatania manatana wane kwaimani mamana nia ki. (Psalm 18:25) Kwaimani la bia tha God e lea ka talua totodala. Si man̄a wane inoto e mae, imole e’eta ki keka n̄alia seleni nia. Una eri mena, to’a na kwaimania kera e lea bia tha God kera to ana matala ne ai ta wane si n̄alia fasi kera.—Matthew 6:19.

Tei imole ki mada keka ili uria lufilamu la fasi to’odo la sulia tha God.

Teisi man̄a imole kwaimani oe ki mada imole futa oe ki na keki ra ana lufi lamu la. (Matthew 10:36, 37) Masa tei imole ki kera waela ani oe mada keka fa’amau oe, soeto’omu i tala’amu fesi, ‘Ni tei bo’o na e talana kwai fa’ase’ethathala​—imole ki mada tha God?’ Manata fesi sulia: Masa ta wane e lufi oe fasia fan̄a la, e tala’ana oki ade sulia? E afetai asia na’a! Fan̄a ni bona’a na oki maruki ania. Tha God kai adomi oe ura marukia tatha! Adelana bo’o na osi alabatainia ta wane ura kai lufi oe fasi to’odola sulia kwaimani la bia tha God.​—John 17:3.