LESON 08
Ufita e Tala’ana Uria Oki Kwaimani bia Jehovah?
Jehovah e thathamia uria oki thaito’omana le’a an nia. Uria ta? Si manga na o to’odo sula’ania biiranga nia ki, plan nia ki, bia si do na nia e ilifania, si do eri adea oko thathami kwaimani bi nia. Ufita o fa’amamanea e tala’ana uria oki kwaimani bia God? (Te’emania Psalm 25:14.) Si ta na oki ilifania fasia oko kwaimani bia God? Baebol kai lu’ua soeto’ona la eri, bia ka u’unu sulia uria ta kwaimani la bia Jehovah ka gwaunga’i.
1. Ta na Jehovah e thathamia oe oki ilifania?
“Kwaimani le’a bia God, ma nia kai kwaimani le’a bi oe.” (James 4:8) Ta na si do eri to’olangania? Si do eri to’olangania Jehovah e thathamia oe oki kwaimani bi nia. Tei imole kera sorea e afeta’i uria keki kwaimani bia God sulia a’i kesi riki nia. Sui mena ana, Baebol e u’unu sulia biiranga na Jehovah e to ania, na kulu ato’ia uria kuki thaito’omana fasia kuki kwaimani le’a bi nia. Si manga na kulu te’emania ba’elana God na to la Baebol si do eri kai idu kulu uria kuki kwaimani bia Jehovah do anta a’i kusi riki nia mena.
2. Uria ta Jehovah nia te’e wane kwaimani le’a?
Jehovah e liothau ani oe ka talua liothaua na imole kera to ania. Nia e thathamia oe oki se’ethathala bia oki gani nia si manga na o ato’ia kwai’adomia. Oe thaito’omana oko “alua manta isifufuli la oe ki i abana, sulia nia e manto’omu.” (1 Peter 5:7) Jehovah si manga ki sui bana e kwaima’akwali uria kai adomia, fa’ainamarukia, bia ka fafurongo uria imole kwaimani nia ki.—Te’emania Psalm 94:18, 19.
3. Ta na Jehovah thathamia imole kwaimani nia ki uria keki ilifania?
Jehovah e liothau ana imole ki sui bana, “sui nia e kwaimani le’a bia imole na kera ilifania si do na kokota.” (Proverbs 3:32) Jehovah thathamia imole kwaimani nia ki uria keka ilifania si do na kokota bia keka to fasia ilifa’i lana si do na a’i si kokota. Tei imole kera sorea a’i si kwai’akura uria keki abula sulia si do na Jehovah e thathamia. Sui mena ana, Jehovah e thaito’omana le’a ani kulu. Nia ka se’ethathala sulia imole na kera liothau an nia bia keka ilifania si do na kokota.—Psalm 147:11; Acts 10:34, 35.
TO’OA LA’U TEI SI DO
Kuki to’o la’u sulia si do na kuki ilifania fasia kuka kwaimani le’a bia Jehovah, bia kuki to’oa la’u bo’o uria ta Jehovah nia te’e wane kwaimani le’a.
4. Abraham nia te’e wane kwaimani le’a Jehovah
U’unua sulia Abraham na to la Baebol (ruana thata nia Abram) e adomi kulu fasia kuka riki thaito’omana e tala’ana uria kuki kwaimani bia God. Te’emai sula’ania Abraham la Genesis 12:1-4. Sui u’unu kalia soeto’ona la ki:
Ta na Jehovah fa’arongoa Abraham uria kai ilifania?
Ta na Jehovah e alangania fana Abraham?
Ta na Abraham e ilifania na fatania nia e lae sulia si do na Jehovah e sorea?
5. Ta na Jehovah thathamia imole kwaimani nia ki uria keki ilifania?
Kulu thathamia imole kwaimani kulu keki ilifania si do na kulu thathamia.
Ta na tei si do na o thathamia imole kwaimani oe kai ilifania famu’a?
Te’emania 1 John 5:3, sui u’unu kalia soeto’ona la:
Ta na Jehovah thathamia imole kwaimani nia ki uria keki ilifania?
Fasia kuka adesulia Jehovah, kulu ato’ia uria kuki talaa tei si biiranga na kulu to ania. Te’emania Isaiah 48:17, 18, sui u’unu kalia soeto’ona la:
Uria ta na Jehovah ka thathamia imole kwaimani nia ki uria keki talaa biirangada?
Te’e wane kwaimani le’a nia kai fa’arongo kulu ana si do na kuki ilifania fasia kuka fulato’ona si do na le’a. Jehovah e ilifania la’u bo’o si do eri fana imole kwaimani nia ki
6. Jehovah adomi ufita ana imole kwaimani nia ki
Jehovah adomia imole kwaimani nia ki fasia keka abula bia si afeta’ia ki na kera fulato’ona. Fatania VIDEO, sui u’unu kalia soeto’ona la.
Jehovah e adomi ufita ana kini na kulu rikia la video, uria kai abula bia mante’edo na a’i si kokota bia to’omatafana la na a’i si le’a na nia e to ania?
Te’emania Isaiah 41:10, 13, sui u’unu kalia soeto’ona la ki:
Ta na Jehovah e alangania uria kai ilifania fana imole kwaimani nia ki?
Ana mantaa oe, Jehovah nia te’e wane kwaimani le’a? Uria ta oko manta una’eri?
Wane kwaimani mamana kai adomi oe si manga na o ato’ia kwai’adomia. Jehovah kai adomi oe la’u bo’o si manga na o ato’ia kwai’adomia
7. Fasia oko kwaimani bia Jehovah oe oki fafurongo uri nia bia oki u’unu bi nia
U’unu ofu la kai fa’asukwa’ia kwaimania. Te’emania Psalm 86:6, 11, sui u’unu kalia soeto’ona la ki:
Kuki u’unu ufita bo’o bia Jehovah?
Jehovah e u’unu ufita bo mai bi kulu?
Kulu u’unu bia Jehovah si manga na kulu fo’a; Jehovah ka u’unu mai bi kulu si manga na kulu te’emania Baebol
SI BA’EA TEI IMOLE KEKI SOREA: “Nia e afeta’i uria kuki kwaimani bia God.”
Scripture ta na fatania e tala’ana uria kuki kwaimani bia Jehovah?
SI DO NA KULU TO’OA
Jehovah e thathamia kai kwaimani bi oe, bia nia kai adomi oe fasia oko kwaimani le’a bi nia.
Reviu
Jehovah adomi ufita ana imole kwaimani nia ki?
Uria ta Jehovah ka fa’arongoa imole kwaimani nia ki uria keki talaa biirangada?
Ana mantaa oe, ufita nia e afeta’i uria kuki kwaimani bia Jehovah? Uria ta oko manta una’eri?
TEI SI DO KI LA’U
Ta le’a na oki fulato’ona si manga na o kwaimani le’a bia Jehovah?
“Jehovah—God wea Fit for Iumi Savve Gud Long Hem” (Wastaoa, February 15, 2003)
To’odo sulia si ta na oki ilifania fasia oko kwaimani le’a bia God.
Te’emai sula’ania te’e kini si manga nia e kwaimani bia Jehovah si do eri adea nia ka to ana marukia na le’a.
Fafurongo uria si do na wela bi’i baita kera sorea sulia to’omatafana la kera sula’ania Jehovah.