LESINA 15

Kwaiadomia ʼUfita Na Figua Tha God Kera Fulatoʼona Fasia Toʼa Nanaʼo Ki Ana Figuteʼe Kristin?

Teʼe wane nanaʼo e uʼunu bia waidoʼorana ana figuteʼe kristin — Finland

Teʹe wane ana toʹa nanaʹo e falea ṉataa i fana figuteʹe kristin — E toʼodo

Ro Wane ana toʹa nanʹo ki kero faʹasukwaʹia waidoʹorana i la figuteʹe kristin — Kera kwaiadomi

Wane ana toʹa nanaʹo e ilia raa ura pirisi la — E pirisi

I la ogranization kamiliʼa, misi too boʼo ana ta toʼa gwauṉaʼi na keki kwaiadomi ura fulatoʼona lana usi la. E ʼuria laʼu boʼo asi maṉa na figuteʼe Kristin e thafali, toʼa na kera farana kera filida ura “thai leʼa la sulia figua tha God.” (Acts 20:28) Toʼa nanaʼo eki [elder] kera kwaimani leʼa bia tha Jehovah. Kera keka talaia figuteʼe Kristin ki bia keka thai leʼa sulia sifsif tha God ki. E aʼi kesi suʼuṉai kera ura ili lana si raa eri i naʼofana tha God mado keka thathamia ta usi la. Kera ili una eri sulaʼania kera kwaialami ura kwaiadomi la. (1 Peter 5:1-3) Kwaiadomia ʼufita ki na kera ilia i femiliʼa?

Kera thai leʼa bia keka fonotoʼi suʼusi kamiliʼa. Toʼa nanaʼo eki kera arutoʼona Baebol ura adomi lana figuteʼe Kristin ura kwaimani leʼa la bia tha Jehovah. Sulaʼania kera thaitoʼomana tha God e takwefale kera asi raa gwauṉaʼi eri, kera kesi inoto ana figua tha God, ma keka kwaiadomi ura faʼasukwai lana fitoʼoa kamiliʼa bia mika seʼethathala. (2 Corinth 1:24) Toʼa nanaʼo eki kera ili uria keki thaitoʼomana leʼa imole eki sui boʼo i la figuteʼe Kristin eri, malaʼana wane ne thai leʼa sulia sifsif ki.—Proverbs 27:23.

Kera toʼoa i semiliʼa ili lana thathami la tha God. I la uiki ni sui boʼo, toʼa nanaʼo eki na kera tatha i naʼo ana toʼodo la i la ofu la kamiliʼa ki ura faʼasukwai lana fitoʼoa kamiliʼa. (Acts 15:32) Toʼa eki na kera fale kera teʼefau ura ili lana si raa eri keka tatha laʼu boʼo i naʼo ana raa ura ṉata la sulia si faʼaroṉoa leʼa. Kera raa ofu bi kamiliʼa bia keka fatania ili leʼa la ana si raa eri.

Kera faʼasukwai kamiliʼa sui boʼo. Fasia keka adomi kamiliʼa ura faʼasukwai lana kwaimania kamiliʼa bia tha Jehovah, toʼa nanaʼo eki keki fula i semiliʼa i maʼafera kamiliʼa ki mado keka uʼunu bi kamiliʼa i la Kingdom Hall. Kera arutoʼona Baebol ura kwaiadomi la bia faʼainomaruki lamaliʼa la.—James 5:14, 15.

Doʼanita keka raa baita ura adomi lana figuteʼe Kristin, baita lana toʼa nanaʼo eki keka too laʼu boʼo ana si raa ki ura malefo bia ili lana raa i la toaa kera ki ne atoia laʼu boʼo fale lana si maṉa kera ki uria. Adelana boʼo ka talaʼana asia naʼa ura kuki farebaita ana doʼora eki na kera raa taliṉaʼi.—1 Thessalonica 5:12, 13.

Ṉa taa ni boʼo na raa toʼa nanaʼo ki ana figuteʼe Kristin?
Toʼa nanaʼo eki kera adomi ʼufita ani kamiliʼa?