LESON 05
Baebol Nia Fa’arongoa Fasia tha God Fakalu’a
Jehovah falea te’e present le’a fakalu’a, nia na Baebol—Baebol e to ana 66-fala fa buka. Mada oko thathami thaito’omana: ‘Fei na Baebol e lae mai fasia? Tei na ba’elana e to la Baebol?’ Fasia kuka todaa lu’u la ana soeto’ona la eki, kuki u’unu sulia si ta na God e ilifania fasia kuka todaa si fa’arongoa fasi nia na to la Baebol.
1. Do anta wane ki bana kera kedaa Baebol, uria ta na kuka sorea nia Fa’arongoa na lae mai fasia tha God?
Karangia 40-fala fa wane na kera kedaa Baebol, kera kedaa Baebol karangia 1,600-fala fa ngali, thafali ana 1513 B.C.E. lae ka sui karangia fa ngali ana 98 C.E. To’a na kera kedaa Baebol kera to ana baekgraon e’eta kwailiu. Sui mena ana, aina buka eki la Baebol kera alafafi kera kwailiu. Ufita na ka una’eri? Sulia, fa’arongoa na to la Baebol e lae mai fasia tha God. (Te’emania 1 Thessalonians 2:13.) To’a na kera kedaa Baebol a’i kesi kekeda bada sulia mantada. “Holi spirit na adomi kera uria keki kekeda sulia mantana tha God.”a (2 Peter 1:21.) God e aruto’ona holi spirit uria kai adomi kera fasia keka kekeda sulia mantana.—2 Timothy 3:16.
2. Tei na kai todaa si do le’a fasia Baebol?
“Nation ki sui bana, tribe, languis bia imole ki” keki todaa si fa’arongoa le’a na to la Baebol. (Te’emania Revelation 14:6.) Baebol kera kedaa ana languis e’eta oro talua buka ki sui bana. Karangia imole ki sui bana kera to ana Baebol ana languis kera.
3. Si ta na Jehovah e ilifania fasia Baebol ka to mai ka fula tara’ena?
La si manga na sui, Baebol kera kedaa bada la si do na kai ta’a elieli bana, uria u’ngana animal bia ai. Sui to’a na kera manta baita ana Baebol keka keda faalu la’u ana Baebol. Do anta wane baita ana gavman bia religion keka ili uria keki fa’asuia Baebol, tei wane kera kwai’alami uria keka alua marukia kera la afeta’ia fasia keka betaa Baebol. Si do eri fatania, ta wane mada tesi do bana a’i si su’usia Jehovah uria kai u’unu mai bi kulu. Baebol sorea: “Ba’elana God kulu e toto si sui.”—Isaiah 40:8.
TO’OA LA’U TEI SI DO
Kuki to’o la’u sulia God e u’unu ufita mai bi wane ki fasia keka kedaa Baebol, nia e beta ufita ana Baebol, bia si ta na nia e ilifania fasia imole ki sui bana keka todaa Baebol.
4. Baebol nia si Fa’arongoa fasia tha God
Fatania VIDEO. Sui te’emania 2 Timothy 3:16, sui u’unu kalia soeto’ona la ki.
Uria ta na kuka sorea Baebol nia si fa’arongoa fasia tha God, do anta wane ki bana na kera kedaa?
Ufita oe o fa’amamanea, e tala’ana bana uria God kai fa’arongo ana mantana fana wane ki uria keki kedaa?
Secretary e kedaa te’e leta, sui mena ana u’unua na to la leta eri e lae mai fasia wane na fa’arongo nia uria kai kedaa leta eri. Uria la’u bo’o, Baebol wane ki bana kera kedaa, sui mena ana si fa’arongoa na to la Baebol e lae mai fasia tha God
5. Imole ni bana a’i si tala’ana kai fa’asuia Baebol
Masa Baebol nia si fa’arongoa na lae mai fasia tha God, kulu fa’amamanea nia kai betaa. History u’unu sulia, to’a baita ana gavman kera ili uria keki fa’asuia Baebol. Bia to’a baita ana religion keka thathami agwaa Baebol. Sui mena ana, imole oro kera alua marukia kera la afeta’ia ura beta lana Baebol, do anta keka thathami thaumaeli kera mena. Kuki rikia te’e wane na alua marukia nia la afeta’ia uria kai betaa Baebol, fatania VIDEO, sui u’unu kalia soeto’ona la.
Si manga na o thaito’omana imole kera alua marukia kera la afeta’ia ura beta lana Baebol, ufita si do eri adea oko thathami te’emania Baebol? Uria ta?
Te’emania Psalm 119:97, sui u’unu kalia soeto’ona la:
Do anta imole oro marukia kera ka to mena la afeta’ia, si ta na idu kera fasia keka kedaa Baebol bia keka falea?
6. Baebol nia buka fana imole ki sui bana
Baebol kera kedaa ana languis e’eta oro, bia keka falea ana si kula ki sui bana fafona fanua ne iano talua buka ki sui bana. Te’emania Acts 10:34, 35, sui u’unu kalia soeto’ona la ki:
Uria ta God ka thathamia ba’elana keki kedaa ana languis e’eta oro bia keki falea ana si kula ki sui bana fafona fanua ne iano?
Si ta ni bo’o na o thathamia asia na’a sula’ania Baebol?
Karangia
100%
ana imole ki sui bana fafona fanua ne iano
kera to ana Baebol ana languis na kera thaito’omana
Baebol e to talua
3,000
languis
ana Baebol laulau mada tei part ki bana
5,000,000,000
Nia na estimated namba ana Baebol na kera thaungania,
talua buka ki sui bana
SI BA’EA TEI IMOLE KEKI SOREA: “Baebol buka mantana wane ki bana na to iei.”
Mantaa oe ufita?
Si ta na fatania Baebol nia fa’arongoa fasia tha God?
SI DO NA KULU TO’OA
Baebol nia fa’arongoa fasia tha God, nia ka thathamia imole ki sui bana keki rongoa ba’elana na to la Baebol.
Reviu
Si manga na God e aruto’ona wane uria keki kedaa Baebol, ta na si do eri e to’olangania?
Si manga na kera kedaa Baebol ana languis e’eta oro, ma keka falea ana si kula oro, bia a’i kesi fa’asuia, si do eri adea oko manta ufita sulia Baebol?
Si manga na o thaito’omana God e ilifania si do uria kai u’unu bi oe, to’omatafana la oe ka ufita suli nia?
TEI SI DO KI LA’U
Te’emai sulia history ana Baebol—na thafali mai ana old manuscript lae mai ka fula ana Baebol manga eki.
Te’emai sulia ta na adea Baebol ka to mai ka fula i tara’ena do anta ka a’i si kwai’akura mena.
Rikia afeta’ia na imole kera fulato’ona si manga na kera kedaa Baebol.
Ta na adea oko fa’amamanea fa’arongoa na to la Baebol, a’i si tatala bo’o do anta keka kedaa mena si manga oro?
“Waswe Message Insaed Bible Hem Change?” (Article la jw.org)