To’a Kwaimani Tha God Ki Kera Ilia Si Do Lea Ki

Si man̄a na o to ana wane kwaimani na o rikia ka lea bia oko farebaita ani nia, oki ili uria oki uri nia lau bo’o. “Jehovah e lea maka kokoto te’efau,” Baebol e sorea. (Psalm 25:8) Fasi kuka kwaimani bia tha God, kuki abula lea bia kuka abula kokoto. Baebol e sorea: “Muki ade uria ade lana tha God, mala wela liliothaua nia ki, ma muki abula ana liothau la.” (Ephesians 5:1, 2) Tei si abula la ura fatai lana si do eri e una eri:

Kwai thathai ura adomi lana imole ki. “Kuki ilia si do ne lea uria wane ki sui bo’o.”—Galatians 6:10.

Ra sukwai. “Wane ne bibili sa ka bili lau e ai, kai ulafu bo’o, kai ra ana abana asi do ne lea.”—Ephesians 4:28.

Betaa se’emu bia biran̄amu ka falu. “Kuki fa’afalu kulu fasia si do ki sui bana na kai [“labatania,” NW] se’ekulua ma spirit kulu, kuki fa’a abu te’efau ani kulu ana mau la atha God.”—2 Corinthians 7:1.

Abula ana liothau la bia farebaita la ura barewai dorana. “Wane u bo’o i tala’ana, kai liothau ana kwaina ’uria lau bo’o e liothau ani nia i tala’ana; ma kini eri fetei kai [“farebaita,” NW] ana [“arai nia,” NW]. Kalawela, muki adesulia n̄ata lana maka kamulua ki ma thainamulua ki.”—Ephesians 5:33–6:1.

Liothau ana imole e’eta ki. “Kuki liothau kwailiu ani kulu, uria na liothau la do tha God.”—1 John 4:7.

Adesulia loa ki i la fanua. “Kamulua sui muki ro’o sulia to’a gwaun̄ai ki . . . Mania oko falea si do ne kokoto oki faledaki i fana toa eki sui bo’o, takisi ki i fana wane ne kokoto oki falea takisi ki i fana.”—Romans 13:1, 7.