Kwaimani La Bia Tha God Ne Toto Si Sui!

E n̄alia si man̄a uria fulato’ona lana wane kwaimani; ma oki ra uria beta la sulia wane kwaimani. Ra la oe uria fulato’ona lana bia beta lana kwaimania oe bia tha God toto kai fulato’ona mamana. Jesus e sorea sana to’a na kera fa’amamane nia: “Ma mamana la eri kai adea na muki tone’e to.” (John 8:32) Si ta ni bo’o ne to’olan̄ania neri?

Oe oki fulato’ona se’ethathala ana tofe’eto la na’a i taraena. Oe oki fulato’ona tofe’eto la fasia to’odo ki ne garo bia lolea ne lae mai fasia tha Satan. Oki tofe’eto fasia manata thala la ne fun̄ulia marukia mole’e imole ki na kera kesi thaito’omana tha Jehovah. (Romans 8:22) To’a kwaimani tha God kera tofe’eto lau bo’o fasia “mau la ana maea.”—Hebrews 2:14, 15, NW.

Oe oki se’ethathala ana tofe’eto la i lana fanua falu tha God. Oki se’ethathala ana tofe’eto lafa thato ne ni umai! I la Fanua Falu fafona fanua nei ano, na oki tofe’eto na’a fasia omea, mataia, bia biran̄a ta’a. Tofe’eto fasia afetai la ana rikii doa bia thaofa. Tofe’eto na’a fasia araia bia maea. Tofe’eto na’a fasia mau la, afetaia ana to la, bia abula la ne ai si kokoto. N̄a Baebol e sore una eri sulia tha God: “Oe o regweta abamu ma oko falea thathami la i fana si do ki sui bana ne maruki.”—Psalm 145:16.

To’a kwaimani tha God keki to tatha. Si do lea ni mamana bo’o na tha God kai falea i fana to’a na kera rofe ura kwaimani la bi nia nan̄a marukia tatha. (Romans 6:23) Manata fasi sulia ta ne to’olan̄ania i femu na marukia ne ai si to ana susuila!

Oki to asi man̄a i fana ili lana do oro ki. Masa oko thathami to’odo uria kilana do mala gita. Mada oko thathami keda pikisa mada thaun̄ai lana luma. Mada o thathamia to’odo sulia do kwasi ki mada sulia don̄ana masu’u. Ma kai kwaiakuri ura oki lae uria fulato’ona lana tei fanua e’eta bia tei imole ki. To la ana marukia tatha kai thaun̄ania si do eki sui bana kai kwaiakuri!

Oki to asi māna uria fulato’ona lana wane kwaimani oro ki. To ladoa la e adea ka kwaiakuri uria thaito’omana lana tei imole ki lau na kera kwaimani bia tha God. Oki thaito’omana si ta na kera thaito’omana ili lana bia abula lea la kera ki, bia kera keki wane kwaimani oe ki. Oki liothau ani kera, ma keka liothau ani oe. (1 Corinthians 13:8) To la ana marukia ne toto si sui kai falea si man̄a i femu uria oki kwaimani bia wane ki sui bana fafona i fanua nei ano! Si do ne lea ka talua bona’a, na kwaimania lea oe bia tha Jehovah kai tatae mai ka sukwai fetei i buira talan̄e fan̄ali oro ki e sui. Alabatania oki kwaimani ladoa bia tha God!