Ni Tei Kera Na To’a Ma’alimae Tha God?

Wane gwaun̄ai ne ma’alimae atha God natha Satan tha Devil. Nia n̄a ensol ne adefa-sia tha God. Satan e ai si luka bo’o ana adefasia lana tha God bia ka thafalia ta’ala baita i fana imole ki. Satan wane ta’a. Nia wane ni lole la bia thauwane la.—John 8:44.

Tei spirit lau ki kera to bia tha Satan ura adefasia lana tha God. Baebol e alan̄i kera ana dimon. Uria lau bo’o tha Satan, dimon ki kera ma’alimae ana imole ki. Kera thathami labatania imole ki. (Matthew 9:32, 33; 12:22) Jehovah kai fa’adan̄a te’efau bona’a ana tha Satan bia dimon nia ki. Kera to asi man̄a kukuru asia bo’o adelana keka tata’ea ta’ala oro i fana imole ki.—Revelation 12:12.

Masa o thathami kwaimani bia tha God, osi ilia si do ki na tha Satan e thathamia. Satan bia dimon nia ki kera rikia tha Jehovah ka ta’a. Kera ma’alimae ana tha God, bia keka thathamia oki ma’alimae lau bo’o bia tha God. Ni tei bo’o na oki fa’a se’ethathala nia—Satan mada tha Jehovah. Masa o thathamia marukia tatha, oki ilia si do natha God e thathamia ki. Satan e to ana lole la oro bia abula la oro ki na kai labatania ana imole ki. Nia e lolea sui na’a imole oro ki.—Revelation 12:9.