LESON 10
Meeting kera Jehovah’s Witness kai Adomi Ufita Ani Oe?
Ufita tesi manga oe o lae na’a ana meeting (ofu la) kera Jehovah’s Witness? Mada oko sukeni ma’u sulia nia si manga totolo na’o oe uria oki lae ana meeting kera Jehovah’s Witness. Mada oko thathami thaito’omana: ‘Ta na kai fuli la meeting kera Jehovah’s Witness? Uria ta meeting kera Jehovah’s Witness ka gwaunga’i? Uria ta ka le’a ura kwai lae ana meeting kera?’ La leson ne’e, oe oki to’oa ofu la bia Jehovahs Witness ki kai adomi ufita ani oe fasia oko kwaimani le’a bia God. Bia kai adomi oe fasia oko fulato’ona si do na le’a.
1. Uria ta meeting kera Jehovah’s Witness ka gwaunga’i?
Rikia si do na te’e wane na kedaa Baebol e sorea, sula’ania uria ta ka gwaunga’i ura kuki ofu bia ta ruana imole: “La kongregeson baita, nau kwai tangoa Jehovah.” (Psalm 26:12) Tara’ena mena, Jehovah’s witness ki kera fulato’ona se’ethathala la si manga na kera ofu. Kakalia fanua ne iano Jehovah’s Witness ki kera ofu la fa week ki sui bana uria tango lana tha God, an fa nguu, bia fo’a la. Tei si manga la fa ngali, Jehovah’s Witness ki kera to ana ofu la na baita ura faarabaita la.
2. Ta na oki to’oa la meeting?
La meeting, si do gwaunga’i na miki u’unu sulia nia na Baebol, bia “keki inifita le’a ania.” (Te’emania Nehemiah 8:8.) La meeting, oe oki to’odo sula’ania Jehovah bia si biiranga le’a nia ki. Si manga na o thaito’omana Jehovah e liothau ani oe, si do eri adea oko thathami kwaimani bi nia. Oe oki to’oa la’u bo’o Jehovah kai adomi ufita ani oe fasia oko to ana marukia na le’a.—Isaiah 48:17, 18.
3. Imole ki na o fulato’oda la meeting keki adomi ufita ani oe?
Jehovah fa’arongo kulu uria kuki “manto’ona ta ruana imole fasia kuka liothau ania bia kuka ilifania si do le’a i fana, a’i kusi to fasia lae la ana meeting.” (Hebrews 10:24, 25) La meeting, oe oki fulato’ona imole ki na kera thathami adomia ta ruana imole, bia oki fulato’ona la’u bo’o tei imole uri oe na kera thathami to’odo la’u bo’o sulia God. Oe oki rongoa la’u bo’o tei ngataa bia tei koment na kai fa’asukwa’i oe na lae mai fasia Baebol. (Te’emania Romans 1:11, 12.) Oe oki rongoa la’u bo’o tei imole keki u’unu sulia afeta’ia na kera fulato’ona bia si do na kera ilifania fasia keka sitatha ana afeta’ia eki. Si do eki na kuki fulato’ona adelana Jehovah ka thathamia uria si manga ki sui bo’o kuki lae ana meeting!
TO’OA LA’U TEI SI DO
Kuki to’oa ta na kai fuli la meeting kera Jehovah’s Witness, bia uria ta ka le’a si manga ki sui bo’o kuki lae ana meeting.
4. Si do na kai fuli la meeting kera Jehovah’s Witness
Christian ki la first century kera ofu si manga ki sui bana ura faarabaita la an Jehovah. (Romans 16:3-5) Te’emania Colossians 3:16, sui u’unu kalia soeto’ona la:
Ta na Christian ki la first century kera ilifania ura faarabaita la an Jehovah?
Tara’ena mena, Jehovah’s Witness ki kera ofu si manga ki sui bana la Kingdom Hall (kula ura ofu la) uria faarabaita la. Rikia si do na kai fuli la meeting kera, fatania VIDEO. Bia, rikia nunuido sula’ania si do na keki ilifania si manga ana meeting, sui u’unu kalia soeto’ona la ki.
Ta na e fuli la Kingdom Hall na toto’o bia si do na o te’emania la Colossians 3:16?
Ta na o rikia la video mada nunuido sula’ania meeting kera Jehovah’s Witness ki na o thathamia?
Te’emania 2 Corinthians 9:7, sui u’unu kalia soeto’ona la:
Uria ta Jehovah’s Witness ki a’i kesi gania seleni si manga ana meeting kera?
Imole na to’odo bi oe kai u’unu sulia si do na kai fuli la meeting fana ruana fa week.
Part ta ana part eki la meeting na o thathamia?
Ufita oe o thathami thaito’omana?
La jw.org, oe oki rikia si kula bia si manga na meeting kai tata’e mai iei kakalia fanua ne iano.
La meeting oki rongoa ngataa ki, rikia demonstration ki bia video ki. Bia meeting kai thafali bia ka sui, ana fa nguu bia fo’a la
Tei part la meeting audience thaito’omana keki koment la’u bo’o
Imole ki sui bana thaito’omana keki lae mai—family ki, wela bi’i baita ki, oloman ki, bia wela ki
Meeting kamali’a Jehovah’s Witness ki e a’i bo’o ta usi la uria
5. E le’a uria kuki lae ana meeting si manga ki sui bana
Nazareth lae ka fula Jerusalem nia karangia 100 km, sui fa ngali ki sui bana Jesus bia family nia kera to i Nazareth keka lae uria Jerusalem ura faarabaita la. Te’emania Luke 2:39-42, sui u’unu kalia soeto’ona la ki:
An mantaa oe, lae la eri uria Jerusalem e kwai’akura?
Uria ta ka le’a ura oki lae ana meeting?
An mantaa oe, ufita e le’a uria oki lae ana meeting do anta ka a’i si kwai’akura mena?
Baebol sorea e gwaunga’i uria kuki ofu ura faarabaita la an Jehovah. Te’emania Hebrews 10:24, 25, sui u’unu kalia soeto’ona la:
Uria ta ka le’a ura kuki lae ana meeting si manga ki sui bana?
SI BA’EA TEI IMOLE KEKI SOREA: “A’i si gwaunga’i bo’o uria oki ofu bia ta ruana imole ura faarabaita la.”
Scripture ta na u’unu sulia Jehovah e thathamia uria kuki ofu ura faarabaita la?
SI DO NA KULU TO’OA
Lae la ana meeting kai adomi oe uria oki to’odo la’u sulia Jehovah, fa’asukwa’ia kwaimania oe bi nia, bia oko ofu kwaimani bia ta ruana imole ki ura faarabaita la.
Reviu
Uria ta Jehovah ka thathamia uria kuki ofu ura faarabaita la?
Ta na oki to’oa la meeting kera Jehovah’s Witness?
Ta le’a na oki fulato’ona si manga na o lae ana meeting?
TEI SI DO KI LA’U
Ufita oe o ma’u ura lae la ana meeting? Rikia te’e wane na totolo na’o nia ma’u la’u bo’o, sui lalae manga eri nia ka a’i si ma’u na’a ura lae la ana meeting.
Mifala No Savve Forgetim Wei wea Olketa Welkamim Mifala (4:16)
Rikia te’e wane na e se’ethathala ura lae la ana meeting bia si do na nia e ilifania fasia ka lae si manga ki sui bo’o ana meeting.
Te’emai sulia si do na tei imole kera sorea si manga na kera lae ana meeting.
“Why Nao Hem Gud for Go lo Olketa Meeting lo Kingdom Hall?” (Article la jw.org)
Te’emai sulia te’e wane na biirangana e isisu’a, sui buira nia e lae ana meeting kera Jehovah’s Witness si do eri ka talaa biirangana.
“Evriwea Mi Go Mi Tekem Gun Bilong Mi” (Wastaoa, September 1, 2014)