LESON 15
Tei na tha Jesus?
Jesus nia te’e wane na imole ki sui bo’o kera thaito’omana thatana. Do anta imole keka thaito’omana mena thatana Jesus, kera a’i kesi thaito’omana si do oro suli nia, bia la’u bo’o mante’edo na imole kera to ania sulia Jesus e a’i si toto’o. Ta na Baebol e sorea sula’ania tha Jesus?
1. Tei na tha Jesus?
Jesus nia te’e angel na to ana sukwa’ia baita na e to i heven. Jehovah God e thaungania Jesus sui fete’i ka thaungania si do ki sui bo’o. Adelana, Baebol ka sorea Jesus “na firstborn ana si do ki sui bo’o na God e thaungania.” (Colossians 1:15) Baebol sorea Jesus nia “te’e wela liliothaua” tha God sula’ania God talani nia ubo’o na thaunga’i nia. (John 3:16) Nia e raa ofu bia maka nia Jehovah, uria keki thaungania si do ki sui bo’o. (Te’emania Proverbs 8:30.) Bia nia ka kwaimani le’a bia maka nia. Jesus nia wane ni ngata tha God, adelana Baebol ka alangia ana “word” sulia nia wane ura fa’arongo lana ba’elana tha God.—John 1:14.
2. Jesus e sifo mai fafona fanua ne iano ura ta?
Karangia 2,000-fala fa ngali sui na’a, Jehovah e ilifania te’e mirakol. Nia e aruto’ona holi spirit nia ka ngalia marukia tha Jesus ka alua la rakena te’e thaari na a’i si teteo ubo’o bia ta wane, na thatana ni Mary. Sula’ania si do eri, Jesus ka futa uria te’e wane fafona fanua ne iano. (Te’emania Luke 1:34, 35.) Jehovah e falea mai Jesus fafona fanua ne iano fasia nia na kai Messiah na Baebol e u’unu sulia bia kai adomia imole ki sui bo’o.a Profesi ki na Baebol e u’unu sulia sula’ania Messiah e mamana ana tha Jesus, si do eki e adomia imole fasia keki riki thaito’omana Jesus “na Christ, kaluwane God maruki.”—Matthew 16:16.
3. Jesus e to fei manga eri?
Buira Jesus e mae nia ka tatala ana spirit ka oli la’u bana ura heven. Si manga nia e to na’a i heven, “God ka falea sukwa’ia na talua sukwa’ia na nia e to ania totolo na’o.” (Philippians 2:9) Manga eri Jesus e to ana sukwa’ia baita ka talua angel ki sui bo’o na to i heven, talito’ona Jehovah bona’a e to ana sukwa’ia baita ka talu nia.
TO’OA LA’U TEI SI DO
Kuki to’o la’u sulia tei na Jesus bia uria ta ka gwaunga’i uria kuki thaito’omana le’a ana Jesus.
4. Jesus nia a’i la’u God
Baebol u’unu sulia do anta Jesus ka to mena ana sukwa’ia baita nia si manga ki sui bana e adesulia maka nia, Jehovah. Uria ta na kuka sore una’eri? Fatania VIDEO fasia oko rikia si do na Baebol e u’unu sulia na fatania Jesus nia a’i la’u God.
Rikia si do na Baebol e u’unu sulia na kai adomi kulu fasia kuka riki thaito’omana Jehovah bia Jesus a’i kesi toto’o. Te’emania tete’e scripture sui u’unu kalia soeto’ona la ki.
Te’emania Luke 1:30-32.
Ta na angel e sorea na fatania Jesus bia Jehovah God a’i kesi toto’o?
Te’emania Matthew 3:16, 17.
Si manga na Jesus e baptaes, ta na linge’edo eri fasia heven e sorea?
Ana mantaa oe, tei na lingana neri?
Te’emania John 14:28.
Ana mantaa oe, tei bo’o na to ana sukwa’ia baita, maka mada wela?
Si manga na Jesus e sorea Jehovah na maka nia, ta na si do eri e to’olangania?
Te’emania John 12:49.
Ufita, Jesus e sorea nia bia maka nia kero’a toto’o?
5. Si do na fatania Jesus nia na Messiah
Profesi ki na to la Baebol thaito’omana kai adomia imole ki fasia keka riki thaito’omana tei na Messiah—Wane na God filia uria kai adomia imole ki. Fatania VIDEO fasia oko rikia tei profesi ki na e mamana ana tha Jesus si manga nia e to fafona fanua ne iano.
Te’emai sulia profesi ne’e ki na to la Baebol, sui u’unu kalia soeto’ona la ki:
Te’emania Micah 5:2 fasia oko thaito’omana fei na Messiah kai futa iei.b
Ufita, profesi eri e mamana si manga Jesus e futa?—Matthew 2:1.
Te’emania Psalm 34:20 bia Zechariah 12:10 fasia oko rikia si do na Baebol profesi sulia sula’ania mae lana Messiah.
Ufita, profesi eki e mamana si manga Jesus e mae?—John 19:33-37.
Ana mantaa oe, ufita Jesus e kokotaa u bo mai si do na kai fuli an nia si manga nia kai mae, fasia ka fa’amamanea profesi eki?
Ta na si do eri e fatania sula’ania tha Jesus?
6. Kuki todaa si do le’a si manga na kulu thaito’omana le’a ana Jesus
Baebol sorea e gwaunga’i uria kuki to’odo sulia Jesus bia si raa na Jehovah thathamia uria nia kai ilifania. Te’emania John 14:6 bia 17:3, sui u’unu kalia soeto’ona la:
Uria ta ka gwaunga’i kuki to’odo sula’ania tha Jesus?
Jesus e ifinia tala fasia kuka kwaimani bia tha God. Nia e u’unu sulia mamana la sula’ania tha Jehovah, bia sula’ania tha Jesus, kuka todaa marukia tatha
SI BA’EA TEI IMOLE KEKI SOREA: “Jehovah’s Witness a’i kesi fa’amamanea Jesus.”
Ta na oki sorea?
SI DO NA KULU TO’OA
Jesus nia te’e angel na to ana sukwa’ia baita. Nia kaluwane tha God bia nia na Messiah.
Reviu
Uria ta Baebol ka sorea Jesus “na firstborn ana si do ki sui bo’o na God e thaungania”?
Ta na Jesus e ilifania sui fete’i ka sifo mai fafona fanua ne iano?
Ufita na kuka thaito’omana Jesus nia na Messiah?
TEI SI DO KI LA’U
To’oa la’u tei si do na fatania Jesus bona’a na Messiah.
“Hao, Olketa Profesi Abaotem Messiah Pruvim Jesus Nao Datfala Messiah?” (Article la jw.org)
Ufita, Baebol u’unu sulia Jesus e maka ana tha God uria te’e wela na e maka ana wane na thare nia ana te’e kini?
“Why Nao Bible Kolem Jesus Son blo God?” (Article la jw.org)
Te’emai sulia uria ta Trinity nia a’i la’u to’odoa fasia Baebol.
Te’emai sulia te’e kini na marukia nia e tatala buira e to’oa si do mamana na Baebol e u’unu sulia sula’ania tha Jesus.
“A Jewish Woman Explains Why She Reexamined Her Faith” (Awake!, May 2013)