LESON 17
Biiranga Ta ki Bo’o na Jesus e To Ania?
Si manga na kulu to’oa biiranga le’a ki na Jesus e to ania si manga na nia e to fafona fanua ne iano, si do eri kai adomi kulu fasia kuka kwaimani le’a bia tha Jesus bia maka nia. Ta bo’o na biiranga eki na Jesus e to ania? Ma kuki abula ufita bo’o sulia biiranga eki na Jesus e to ania la marukia kulu?
1. Uria ta kuka sorea Jesus e uria maka nia?
Sulia Jesus e to bia maka nia sulia fa ngali oro ki i heven, nia ka to’oa si do oro fasia maka nia. Sula’ania si do eri, abula la nia, mantana, bia to’omatafana la nia e uria bona’a maka nia. (Te’emania John 5:19.) Jesus e fatania si biiranga le’a na maka nia e to ania adelana nia ka sorea: “Wane na riki nau, e rikia la’u bo’o maka.” (John 14:9) Si manga na kulu to’odo sulia si biiranga le’a eki na Jesus e to ania, si do eri kai adomi kulu fasia kuka thaito’omana le’a an Jehovah. Uria example, Jesus e manto’ona imole ki, si do eri e fatania Jehovah mena e manto’ona la’u bo’o imole ki.
2. Ta na fatania Jesus e liothau ana Jehovah?
Jesus e sorea: “Fasia imole keka thaito’omana nau ku liothau ana maka, nau kwai ilifania si do na maka e fa’arongo nau uria kwai ilifania.” (John 14:31) Si manga na Jesus e to fafona fanua ne iano, nia e ilifania si do na fatania nia e liothau ana maka nia, si manga nia e adesulia maka nia do anta ka a’i si kwai’akura mena. Bia la’u bo’o si do na fatania Jesus e liothau ana maka nia, nia na si manga ki sui bo’o e u’unu sulia maka nia sana imole ki, bia ka adomia imole ki fasia keka kwaimani bia maka nia.—John 14:23.
3. Ta na fatania Jesus e liothau ana imole ki?
Baebol e sorea Jesus e “se’ethathala sulia imole ki.” (Proverbs 8:31, footnote) Si do na fatania Jesus e liothau ana imole ki, nia si manga e adomia imole ki. Mirakol ki na Jesus e ilifania e fatania nia e liothau ana imole ki. (Mark 1:40-42) Jesus e abula le’a bia imole ki sui bana. Si do na Jesus e u’unu sulia e fa’ainamarukia imole ki, bia ka falea manto’ongadoa fana imole na kera to ana ruruido le’a uria keki fafurongo. Jesus e liothau ana imole ki adelana nia ka kwai’alami uria kai mae. Sui mena ana, Jesus e liothau asia na’a ana imole eki na kera lae sulia si do na nia e to’oa.—Te’emania John 15:13, 14.
TO’OA LA’U TEI SI DO
Kuki to’o la’u sulia biiranga le’a eki na Jesus e to ania. Bia ufita fasia kuka fatania liothaua bia adale’a la fana ta ruana imole uria Jesus e ilifania.
4. Jesus e liothau ana maka nia
Si do na Jesus e ilifania e adomi kulu fasia kuka riki thaito’omana si do na kuki ilifania fasia ka fatania kulu liothau ana God. Te’emania Luke 6:12 bia John 15:10; 17:26. Te’emania te’e scripture sui, u’unu kalia soeto’ona la:
Uria tha Jesus, ta na kuki ilifania fasia ka fatania kulu liothau ana Jehovah?
Jesus e liothau ana maka nia bia ka u’unu bi nia si manga ki sui bo’o la fo’a la
5. Jesus e manto’ona imole na kera ato’ia kwai’adomia
Jesus e manto’ona ruana imole, do anta si manga nia ka feda mena nia e aruto’ona si manga bia sukwa’ia nia uria kai adomia imole ki. Te’emania Mark 6:30-44, sui u’unu kalia soeto’ona la ki:
Uria na Baebol e u’unu sulia neri, ta bo’o na Jesus e ilifania na fatania nia e manto’ona ruana imole? —Rikia verse 31, 34, 41, bia 42.
Uria ta Jesus ka adomia imole ki?—Rikia verse 34.
Sulia Jesus e fatania biirangana Jehovah, ta na si do eri to’oa sakalu’a sula’ania Jehovah?
Ta na kuki ilifania fasia ka fatania kulu lae sulia example tha Jesus uria manto’ona lana ta ruana imole?
6. Jesus e adalea
Do anta Jesus a’i si to mena ana si do oro nia e adale’a, bia nia ka thathamia kulu mena kuki adale’a la’u bo’o. Te’emania Acts 20:35, sui u’unu kalia soeto’ona la:
Uria Jesus e sorea, ta na kuki ilifania fasia kuka se’ethathala?
Fatania VIDEO, sui u’unu kalia soeto’ona la.
Ta bo’o tei si do kuki ilifania fasia kuka fale, do anta kusi to mena ana si do oro?
Ufita oe o thathami thaito’omana?
Baebol sorea si manga kulu fo’a an Jehovah kuka aruto’ona thatana Jesus. (Te’emania John 16:23, 24.) Si manga na kulu aruto’ona thatana Jesus i la fo’a la, si do eri fatania kulu manta baita ana si do na Jesus e ilifania na adomi kulu kuka kwaimani bia Jehovah.
SI BA’EA TEI IMOLE KEKI SOREA: “God a’i si manto’okalu’a bo’o si manga kulu fulato’ona afeta’ia.”
Sulia Jesus e fatania biiranga le’a maka nia, ta na nia e ilifania na fatania Jehovah e manto’okalu’a?
SI DO NA KULU TO’OA
Jesus e liothau ana Jehovah, bia ka liothau la’u bo’o ana imole ki. Sulia Jesus e uria maka nia, si manga na kulu thaito’omana le’a ana Jesus kuka thaito’omana le’a la’u bo’o ana Jehovah.
Reviu
Ta bo’o na kuki ilifania fasia ka fatania kulu liothau ana Jehovah, uria Jesus e ilifania?
Ta bo’o na kuki ilifania fasia ka fatania kulu liothau ana imole, uria Jesus e ilifania?
Biiranga ta bo’o ana biiranga eki Jesus na o thathamia asia na’a?
TEI SI DO KI LA’U
Te’emai sulia tei si biiranga tha Jesus ki na e le’a uria kuki lae sulia.
“Followim Example Bilong Jesus wea . . .” (Jesus—Road, Truth, and Laef, page 317)
Te’emai sulia uria ta ka gwaunga’i kuki aruto’ona thatana Jesus si manga kulu fo’a.
“Why Prea Long Nem Bilong Jesus?” (Wastaoa, October 1, 2008)
Ufita, Baebol u’unu la’u bo’o sulia Jesus riki lana uria tei?
Ta na kulu to’oa fasia abula la na Jesus e to ania fana kini ki?
“God Laekem Olketa Woman for Kasem Respect” (Wastaoa, October 1, 2012)