LESON 19
Ufita, Jehovah’s Witness ki na Christian Mamana?
Jehovah’s Witness ki kera fa’amamanea kera na Christian mamana. Uria ta Jehovah’s Witness ki keka sorea kera na Christian mamana? La leson ne’e kuki to’oa fa’amamana la kera e ngado ana ta, uria ta keka alangi kera ana Jehovah’s Witness ki, bia ta na kera ilifania na fatania kera liothau ana kera kwailiu.
1. Jehovah’s Witness ki fa’amamana la kera e ngado ana ta?
Jesus e sorea: “Ba’elana [God] e mamana.” (John 17:17) Uria Jesus, Jehovah’s Witness ki fa’amamana la kera e ngado ana Baebol. Uria example, la 19th century te’e grup na kera alangia ana Baebol student kera thafali uria keki studyim le’a ana Baebol. Kera fa’amamanea si do na Baebol e sorea, do anta fa’amamana la kera ka e’eta mena fasia si do na to’odoa oro kera fa’amamanea la si manga eri. Bia keka u’unu la’u bo’o sulia mamana la na kera to’oa la Baebol sana imole ki.a
2. Uria ta miki alangi kamali’a ana Jehovah’s Witness?
Jehovah e sorea imole na kera faarabaita an nia kera na witness nia, sula’ania kera u’unu tania mamana la suli nia. (Hebrews 11:4–12:1) Uria example, la si manga na sui God fa’arongoa ana imole nia ki: “Kamalu’a na witness nau.” (Te’emania Isaiah 43:10.) Baebol e sorea Jesus “nia te’e Witness mamana.” (Revelation 1:5) Adelana, la fa ngali ana 1931 kamali’a miki to ana thate’edo eri Jehovah’s Witness. Kamali’a mili se’ethathala asia na’a sulia mili to ana si thate’edo eri.
3. Ta na Jehovah’s Witness kera ilifania na fatania liothaua, uria Jesus?
Jesus e liothau asia na’a ana disaepol nia ki, adelana nia ka sorea kera uria famili nia. (Te’emania Mark 3:35.) Tara’ena mena, Jehovah’s Witness ki kakalia fanua ne iano kera to ana te’e mantale’edo. Adelana miki alangi kamali’a ana do’ora bia waiwaena. (Philemon 1, 2) Bia la’u bo’o miki adesulia law ne’e: “Liothau ana do’oramalu’a.” (1 Peter 2:17) Jehovah’s Witness kera fatania liothaua ana tatha la e’eta oro. Uria example, kera adomi kera kwailiu si manga kera fulato’ona afeta’ia.
TO’OA LA’U TEI SI DO
Kuki to’o la’u sulia history Jehovah’s Witness ki, bia si do na fatania kamali’a na Christian mamana.
Christian mamana ki, fa’amamana la kera e ngado ana Baebol bia keka u’unu tania mamana la na to la Baebol sana ruana imole
4. Fa’amamana la kamali’a e ngado ana Baebol
Jehovah e sorea toto mamana la na to la Baebol kai to lala’a. Te’emania Daniel 12:4 bia footnote, sui u’unu kalia soeto’ona la:
Ta na kai “to lala’a” ma’alutana imole Jehovah si manga na kera studyim Baebol?
Rikia si do na Baebol student kera ilifania uria keki studyim Baebol, te’e wane na’a ana kera nia tha Charles Russel. Fatania VIDEO, sui u’unu kalia soeto’ona la.
Uria na kulu rikia la video eri, ta na Charles Russel bia Baebol Student kera ilifania uria keki studyim Baebol?
Ufita oe o thathami thaito’omana?
Tei si manga tei tatala la kai tata’e mai ana si do na mili fa’amamanea. Uria ta ka una’eri? Uria thato na ta’e mai u’usuwedi lalae ka la’afia si kula ki sui bana, God e adomia imole nia ki fasia keka ma’aluta’i le’a ana mamana la na to la Baebol. (Te’emania Proverbs 4:18.) Baebol e a’i si tatala, tei tatala la e tata’e mai la fa’amamana la kamali’a, si manga na mili ma’aluta’i le’a ana mamana la na to la Baebol.
5. Kamali’a mili ilifania si do sulia thate’edo na mili to ania
Uria ta miki to ana thate’edo eri Jehovah’s Witness? Fatania VIDEO, sui u’unu kalia soeto’ona la ki.
Uria ta ka tala’ana miki to ana thate’edo eri Jehovah’s Witness?
Uria ta Jehovah ka filia imole ki uria keki witness fana? Fasia keka u’unu sulia si do mamana suli nia, sulia imole oro kera sorea si do na a’i si mamana suli nia. Rikia roo si do na a’i si mamana na imole kera u’unu sulia.
Tei religion kera sorea God e thathamia imole ki uria keki aruto’ona idol la faarabaita la. Rikia si do na Baebol e sorea, te’emania Leviticus 26:1, sui u’unu kalia soeto’ona la:
Ta na si do mamana na Baebol e sorea? Jehovah e manta ufita sulia idol?
Tei religion kera sorea Jesus na God. Rikia si do Baebol e sorea, te’emania John 20:17, sui u’unu kalia soeto’ona la ki:
Ta na si do mamana na Baebol e sorea? Ufita, God bia Jesus kero’a te’e wane bo’o?
Si manga na o thaito’omana Jehovah e falea witness nia ki uria keki u’unu sulia mamana la suli nia bia kaluwane nia, to’omatafana la oe ka ufita?
6. Kamali’a mili liothau ana kamali’a kwailiu
Baebol sorea Christian mamana ki kera uria te’e noni’ido bo’o. Te’emania 1 Corinthians 12:25, 26, sui u’unu kalia soeto’ona la ki:
Ta na Christian mamana ki kera ilifania si manga ruana Christian ki kera fulato’ona afeta’ia?
Ta na o to’oa si manga o rikia Jehovah’s Witness ki kera fatania liothaua ma’alutada kwailiu?
Jehovah’s Witness ki kera kwaima’akwali si manga ki sui bana uria keki adomia do’orada bia waiwaena kera ana ta bali fanua, si manga na kera fulato’ona afeta’ia. Rikia te’e example, fatania VIDEO. Sui u’unu kalia soeto’ona la.
Ta na Jehovah’s Witness kera ilifania na fatania kera to ana liothaua mamana?
Christian mamana ki kera fatania liothaua fana mole na kera ato’ia kwai’adomia
SI BA’EA TEI IMOLE KEKI SOREA: “Jehovah’s Witness do religion bi’i thafali bo’o nena.”
Thafali ana si manga ta na Jehovah e falea thate’edo ne’e witness fana imole ki na kera faarabaita an nia?
SI DO NA KULU TO’OA
Jehovah’s Witness ki bona’a kera Christian mamana. Kamali’a mili to si kula ki sui bo’o fafona fanua ne iano, si do na mili fa’amamanea e ngado ana Baebol, bia miki u’unu tania mamana la sulia Jehovah.
Reviu
Uria ta miki to ana thate’edo ne’e Jehovah’s Witness?
Kamali’a mili abula ufita bia ruana imole?
Ufita Jehovah’s Witness ki na kera Christian mamana?
TEI SI DO KI LA’U
To’o la’u sulia history kamali’a Jehovah’s Witness.
Jehovah’s Witnesses—Faith in Action, Part 1: Out of Darkness (1:00:53)
Rikia te’e example na fatania si do na Jehovah’s witness kera ilifania, fasia keka adomia imole uria keki riki thaito’omana to’odoa na a’i si mamana.
Rikia lu’u la ana tei soeto’ona la na o to ania sula’ania Jehovah’s Witness ki.
“Olketa Kwestin wea Staka Pipol Askem Abaotem Olketa Jehovah’s Witness” (page la jw.org)
Stephen nia te’e wane na lalakwa tania imole ki ana ta ruana fanua. Te’emai sulia si do na nia e rikia ma’alutana imole Jehovah ki na adomia nia uria kai talaa biirangana.
“Laef Bilong Mi Barava Nogud Tumas” (Wastaoa, September 1, 2015)
a La fa ngali ana 1879, imole Jehovah kera thaungania te’e Wastaoa magasin na inifitaa si do na Baebol e sorea.