LESON 22
Ta na Oki Ilifania Fasia Oko U’unu Tania Fa’arongoa Le’a?
Si manga na o to’oa mamana la na to la Baebol, oe oko thathamia, ‘imole ki sui bo’o keki thaito’omana la’u bo’o mamana la eri!’ Si do eri e mamana, imole ki sui bo’o tala’ana keki thaito’omana mamana la eri! Sui, mada oko ma’u ura u’unu la sulia si do na o to’oa sana ruana imole. La leson ne’e kuki u’unu sulia si do na oki ilifania fasia a’i osi ma’u, bia oki se’ethathala uria oki u’unu tania si fa’arongoa le’a na to la Baebol sana ruana imole.
1. Ta na oki ilifania fasia oko u’unu tania si do na o to’oa sana imole ki na o thaito’omada?
Disaepol Jesus kera sorea: “E afeta’i asia na’a uria miki to fasia u’unu la sulia si do na mili rikia bia miki rongoa.” (Acts 4:20) Sulia kera manta baita ana mamana la na kera to’oa fasia Jesus, si do eri adea keka thathami u’unu tania sana imole ki sui bo’o. Ufita, oe mena o thathami u’unu tania la’u bo’o si do na o to’oa sana ruana imole? Masa ka una’eri, lio uria si manga na tala’ana uria oki u’unu tania si do na o to’oa sana famili oe bia imole kwaimani oe ki.—Te’emania Colossians 4:6.
Tei si tatha la na kai adomi oe fasia oko thafalia u’unua
Si manga na o u’unu bia famili oe, u’unu sulia ta topic la Baebol si manga na o sorea: “Nau ku thathamia asia na’a si do na nau ku to’oa la week ne’e.”
U’unu sulia ta scripture na kai adomia imole kwaimani oe, na e mata’i mada ka manta isifufuli.
Si manga na imole moro raa ofu e soeto’omu, “ta na o ilifania la weekend,” u’unu sulia si do na o to’oa si manga o studyim Baebol mada la kongregeson meeting.
Fatania sana imole kwaimani oe jw.org website.
Fa’arongoa ta imole ka ono bi oe si manga imole na to’odo samu e study bi oe, mada oko fatania sana ufita fasia nia ka gani la jw.org uria ta Baebol study.
2. Uria ta ka le’a kuki thaunga’i manta uria preach la bia kongregeson?
Disaepol Jesus a’i kesi u’unu sulia fa’arongoa le’a eri sana imole na kera thaito’omana bada, kera u’unu sulia sana imole ki sui bana. Jesus e “olto’ona roro wane uria keki raa ofu, sui nia ka fale kera la taon ki sui bana” uria keki preach. (Luke 10:1) Si abula la eri, nia te’e si tatha la fasia imole oro keka rongoa fa’arongoa le’a eri. Si manga disaepol kera raa ofu ura u’unuta’i lana fa’arongoa le’a, si do eri adea keka se’ethathala asia na’a. (Luke 10:17) Ufita, o thathami thaunga’i manta la’u bo’o uria oki preach bia kongregeson?
TO’OA LA’U TEI SI DO
Kuki to’oa la’u si do na oki ilifania fasia a’i osi ma’u, bia se’ethathala la na oki todaa si manga o u’unu tania fa’arongoa le’a.
3. Jehovah kai adomi oe
Tei imole kera thathami lae ana preaching, sui keka ma’u sula’ania kera sorea adea imole ki a’i kesi thathami fafurongo uri kera.
Ufita, oe o ma’u la’u bo’o ura u’unu la sulia si do na o to’oa? Uria ta?
Fatania VIDEO, sui u’unu kalia soeto’ona la.
Ta na wela bi’i baita eki kera ilifania fasia a’i kesi ma’u ura u’unu la sulia si do na kera to’oa?
Te’emania Isaiah 41:10, sui u’unu kalia soeto’ona la:
Si manga o ma’u ura lae la ana preaching, fo’a la kai adomi ufita ani oe?
Ufita oe o thathami thaito’omana?
Imole oro na kera Jehovah’s Witness, totolo na’o kera mena kera ma’u la’u bo’o ura u’unu la sulia fa’arongoa le’a sana imole ki. Uria example, Sergey, nia te’e wane e se’enoni bia ka ma’u ura u’unu la bia imole ki. Sui, si manga na nia e studyim Baebol, nia ka sorea: “Manga eri nau a’i kwesi ma’u na’a, nau kwai u’unu na’a sulia si do na nau ku to’oa sana imole ki. Nau ku kwele asia na’a, sulia si manga nau ku u’unu sulia si do na nau ku to’oa fasia Baebol, si do eri adea nau a’i kwesi ma’u. Bia la’u bo’o si manga nau ku u’unu sulia si do na nau ku fa’amamanea si do eri ka fa’asukwa’ia fito’oa nau.”
4. Abula le’a bia imole ki
Si manga o u’unu sulia fa’arongoa le’a a’i osi manto’ona bamu’a si do na oki sorea, manto’ona oki sore ufita ania fasia ka fatania o manto’ona ruana imole. Te’emania 2 Timothy 2:24 bia 1 Peter 3:15, sui u’unu kalia soeto’ona la ki:
Si biiranga ta ki bo’o e le’a uria kuki to ania, si manga kulu u’unu bia ruana imole sula’ania Baebol?
Tei si manga tei imole la famili mada imole kwaimani oe a’i kesi thathamia si do na o ilifania. Si manga na una’eri ta na oki ilifania? Ta na a’i osi ilifania?
Uria ta ka le’a kuki aruto’ona soeto’ona la na e tala’ana, talua kuki sorea si do na mili fa’amamanea na e mamana?
5. U’unuta’i lana fa’arongoa le’a kai falea se’ethathala la
Jehovah e falea raa ura u’unuta’i lana fa’arongoa le’a fana Jesus. Jesus e manta ufita sulia si raa eri? Te’emania John 4:34, sui u’unu kalia soeto’ona la:
Fanga na kulu aruto’ona kai fa’asukwa’i kulu bia kai adea kuki se’ethathala. Uria ta Jesus ka bobola ngania raa ne’e ura u’unuta’i lana fa’arongoa le’a e uria fanga?
Ana mantaa oe, si manga kulu u’unu tania fa’arongoa le’a, ta le’a bo’o na kuki todaa?
Tei idea ki
Si manga o lae ana meeting la fa week, lio uria tatha la na kai adomi oe uria oki thafalia u’unua.
Soeto’ona imole na to’odo bi oe, ta na oki ilifania fasia ka tala’ana uria oki ngali part la meeting. Part eki na o ilifania la meeting kai adomi oe fasia a’i osi ma’u uria oki u’unu sulia si do na o to’oa sana imole ki.
Aruto’ona “Si Ba’ea Tei Imole Keki Sorea” mada “Tei Imole Keki Soeto’ona” sekson la buka ne’e, fasia oko thaito’omana oki lu’u ufita ana soeto’ona la ki na imole kera to ania.
TEI IMOLE KEKI SOETO’ONA: “O ufita na’a, tau na’a kwesi riki oe?”
Oki aruto’ona ufita ana si tatha la eri, fasia oko u’unu sulia sana si do na o to’oa la Baebol?
SI DO NA KULU TO’OA
E le’a uria kuki u’unu sulia si do na kulu to’oa la Baebol sana ruana imole. Totolo na’o nia a’i si kwai’akura, sui si manga na kulu ilifania na’a, si do eri kai falea se’ethathala la fakalu’a.
Reviu
Uria ta ka le’a kuki u’unu tania fa’arongoa le’a sana ruana imole ki?
Ta na kuki ilifania fasia ka fatania kulu abula le’a bia imole ki, si manga na kulu u’unu tania fa’arongoa le’a?
Ta na oki ilifania fasia a’i osi ma’u ura u’unuta’i lana si do na o to’oa sana ruana imole?
TEI SI DO KI LA’U
Rikia fofala si tatha la ura u’unuta’i lana fa’arongoa le’a si manga o aruto’ona jw.org contact card.
Video for Showim Hao for Iusim Card for Advertisem jw.org (1:43)
Te’emai sulia fofala si biiranga le’a na kai adomi oe fasia oko u’unu tania fa’arongoa le’a.
“Waswe, Iu Redi for Kamap Wanfala Fisherman for Kasem Pipol?” (Wastaoa, September 2020)
Rikia te’e example la Baebol na thaito’omana kai adomi kulu fasia a’i kusi ma’u ura u’unuta’i lana fa’arongoa le’a.
Te’emai sulia si do na oki ilifania fasia oko u’unu sulia si do na o to’oa la Baebol sana famili oe na a’i kesi thaito’omana Jehovah.
“Kasem Heart Bilong Olketa Relative wea No Worshipim Jehovah” (Wastaoa, March 15, 2014)