Дуулал

120 Би зовж байхдаа Еховаг дуудахад

Тэрбээр надад хариулсан.

 2 Ехова минь ээ, намайг

Худалч, хуурамч хүмүүсээс хамгаалаач.

 3 Хууран мэхлэгч ээ,

Чамайг Бурхан яах гэж байгааг, яаж шийтгэх гэж байгааг чи мэдэх үү?

 4 Дайчин хүний хурц сумаар,

Тац модны шатаж буй нүүрсээр шийтгэнэ.

 5 Би хөөрхийлөлтэй еэ! Яагаад гэвэл би Мешехт цагаачлан амьдарч,

Кедарын майхнуудын дунд оршин сууж байна.

 6 Амар тайвныг үзэн яддаг хүмүүстэй

Арай л удаан хамт амьдарч байна.

 7 Би амар тайвныг хүсдэг. Гэвч намайг ярихлаар

Тэд дайтахыг хүсдэг.